புளூ ஸ்டாரை வீழ்த்திய ரட்னம் அணிக்கு முதல் வெற்றி

சுபர் லீக் முன் பருவப் போட்டிகளில் இன்று (28) சுகததாச அரங்கில் இடம்பெற்ற முதல் ஆட்டத்தில் புளூ ஸ்டார் விளையாட்டுக் கழகத்தை 2-0 என்ற கோல்கள் கணக்கில் வீழ்த்திய ரட்னம் விளையாட்டுக் கழகம், வெற்றியுடன் முன் பருவத்தை ஆரம்பித்தது.

புளூ ஸ்டார் அணி ஏற்கனவே தமது முதல் போட்டியில் ரெட் ஸ்டார்ஸ் அணியை 2-0 என வெற்றி கொண்டிருந்த நிலையில் தமது இரண்டாவது மோதலில் இன்று மோதியது. எனினும், ரட்னம் அணிக்கு இது முதலாவது போட்டியாக இருந்தது. 

ரெட் ஸ்டார்ஸை வீழ்த்திய டிபெண்டர்ஸ்; கொழும்பு அணிக்கு இரண்டாவது வெற்றி

இந்த தொடரில் இடம்பெற்ற ஏனைய போட்டிகளைப் போன்றே இந்தப் போட்டியின் முதல் பாதி ஆட்டமும் மிகவும் மந்தமாக இருந்தது. இதனால், இரு அணி வீரர்களாலும் முதல் பாதியில் கோல்கள் எதனையும் பெற முடியாமல் போனது. 

முதல் பாதி: புளூ ஸ்டார் வி.க 0 – 0 ரட்னம் வி.க  

போட்டியின் 60ஆவது நிமிடம் ரட்னம் வீரர்களுக்கு கிடைத்த ப்ரீ கிக்கின்போது மைதானத்தின் ஒரு திசையில் இருந்து உள்ளனுப்பப்பட்ட பந்தை எடிசன் பிகுராடோ கோலுக்குள் உதைய, பந்து கோலின் இடது பக்க கம்பத்தில் பட்டு கம்பங்களுக்குள் சென்றது. இதன்போது புளூ ஸ்டார் கோல் காப்பாளர் கவீஷ் பந்தை பிடித்துகொண்டாலும், அவர் கோல் எல்லைக்குள் சென்றிருந்தமையினால் நடுவர் அதனை கோல் என அறிவித்தார். 

மீண்டும் 86ஆவது நிமிடத்தில் புளூ ஸ்டார் பின்கள வீரர் பாஹிர் அலி மேற்கொண்ட பிழையான பந்துப் பரிமாற்றத்தின் போது பந்தைப் பெற்ற எடிசன், அதனை சான்தனுக்கு வழங்க, சான்தன் அதனை கோலாக்கினார். 

எனவே, போட்டி நிறைவில் ரட்னம் வீரர்கள் தமது முதல் போட்டியில் முதல்  வெற்றியைப் பெற, புளூ ஸ்டார் வீரர்கள் தமது இரண்டாவது போட்டியில் முதல் தோல்வியை சந்தித்தனர். 

முழு நேரம்: புளூ ஸ்டார் வி.க 0 – 2 ரட்னம் வி.க  

கோல் பெற்றவர்கள் 

• ரட்னம் வி.க –  எடிசன் பிகுராடோ 60’, ரஜிகுமார் சான்தன் 86’

>> மேலும் பல கால்பந்து செய்திகளை படிக்க <<