கொழும்பு சுகததாஸ அரங்கில் நடைபெற்ற சுப்பர் லீக்கின் 39ஆவது போட்டியில் நியூவ் யங்ஸ் அணியை எதிர்கொண்ட சீ ஹாக்ஸ் அணி 2-0 என்ற கோல்கள் கணக்கில் வெற்றிபெற்றது.
ஆட்டத்தின் ஆரம்பம் முதல் தங்களுடைய ஆதிக்கத்தை செலுத்திய சீ ஹாக்ஸ் அணி, எந்தவொரு கோல் வாய்ப்பினையும் கொடுக்காமல் வெற்றியினை பதிவுசெய்தது.
>>முக்கியமான வெற்றிகளுடன் தொடரும் ப்ளூ ஸ்டார் மற்றும் ரெட் ஸ்டார்!<<
போட்டியின் 20ஆவது நிமிடத்தில் டேவிட் கெண்டி பெனால்டி எல்லைக்குள் வைத்து தட்டிக்கொடுத்த பந்தை மொஹமட் குர்ஷித் இலாவகமாக கோலடித்து அணியின் கணக்கை ஆரம்பித்தார்.
இந்த கோல் பெறப்பட்ட 9ஆவது நிமிடத்தில் (29ஆவது நிமிடம்) நவிந்து செஹான் சில்வா மிகச்சிறப்பாக எடுத்துவந்து தட்டிக்கொடுத்த பந்தை பெட்ரிக் இஷகில் கோல் கம்பத்துக்குள் செலுத்தி அணியின் இரண்டாவது கோலை பதிவுசெய்தார்.
முதல் பாதி – சீ ஹாக்ஸ் எப்.சி 2 – 0 நியூவ் யங்ஸ் எப்.சி
பின்னர் ஆரம்பித்த இரண்டாவது பாதியிலும் சீ ஹாக்ஸ் அணியினர் சிறப்பாக செயற்பட்டனர். பின்கள மற்றும் மத்தியக்கள வீரர்கள் சிறப்பாக பந்தினை தங்களுக்குள் பரிமாற்றி முன்கள வீரர்களுக்கு வாய்ப்புகளை ஏற்படுத்தி கொடுத்தனர்.
இவ்வாறு பல இலகுவான வாய்ப்புகள் சீ ஹாக்ஸ் அணியின் முன்கள வீரர்களுக்கு கிடைத்திருந்த போதும், அதனை அவர்கள் கோலாக மாற்றுவதற்கு தவறியிருந்தனர். எனவே 2-0 என்ற கோல்கள் கணக்கில் சீ ஹாக்ஸ் அணி வெற்றியை பதிவுசெய்தது.
>>ரத்னம் அணியை வீழ்த்தி முதல் வெற்றியை பதிவுசெய்த நியூவ் யங்ஸ்<<
நியூவ் யங்ஸ் அணியை பொருத்தவரை இந்தப் போட்டியில் பந்தினை குறுகிய காலப்பகுதிக்கு மாத்திரமே தங்கள் வசப்படுத்தியிருந்தது. அத்துடன் நியூவ் யங்ஸ் அணியின் பந்து பரிமாற்றங்களும் இந்தப் போட்டியில் சிறப்பாக அமையவில்லை.
இதேவேளை இந்தப் போட்டியில் வெற்றிபெற்ற சீ ஹாக்ஸ் அணியினர் தங்களுடைய 4 வெற்றிகளை பெற்று 15 புள்ளிகளுடன் புள்ளிப்பட்டியலில் மூன்றாவது இடத்துக்கு முன்னேறியுள்ளமை குறிப்பிடத்தக்கது.
முழுநேரம் – சீ ஹாக்ஸ் எப்.சி 2 – 0 நியூவ் யங்ஸ் எப்.சி
கோல் பெற்றவர்கள் – மொஹமட் குர்ஷித் 20’, பெட்ரிக் இஷகில் 29’
>> மேலும் கால்பந்து செய்திகளுக்கு <<
