சுற்றுலா இலங்கை மேற்கிந்திய தீவுகள் மற்றும் இலங்கை கிரிக்கெட் அணிகள் இடையிலான ஒருநாள் தொடரின் முதல் போட்டியில் இலங்கை அணியானது 41 ஓட்டங்களால் வெற்றி பெற்றுள்ளது.
>>இலங்கை – நியூசிலாந்து தொடருக்கான போட்டி அட்டவணை வெளியீடு<<
மேற்கிந்திய தீவுகள் சென்றிருக்கும் இலங்கை கிரிக்கெட் அணியானது அங்கே முதலாவதாக மூன்று போட்டிகள் கொண்ட ஒருநாள் தொடரில் ஆடுகின்றது. இந்த நிலையில் இலங்கை – மேற்கிந்திய தீவுகள் இடையிலான முதல் ஒருநாள் போட்டி நேற்று (03) ஜமெய்க்காவில் ஆரம்பமாகியது.
போட்டியின் நாணய சுழற்சியில் வென்ற மேற்கிந்திய தீவுகள் தலைவர் ஷேய் ஹொப் முதலில் பந்துவீச தீர்மானித்தார். இப்போட்டிக்கான இலங்கை குழாம் புதிய தலைவர் குசல் மெண்டிஸ் மூலம் வழிநடாத்தப்பட்டிருந்தது.
இலங்கை பதினொருவர்
பெதும் நிஸ்ஸங்க, கமிந்து மெண்டிஸ், குசல் மெண்டிஸ் (தலைவர்), பவன் ரத்நாயக்க, சரித் அசலங்க, ஜனித் லியனகே, வனிந்து ஹசரங்க, மிலான் ரத்நாயக்க, மஹீஷ் தீக்ஷன, துஷ்மந்த சமீர, அசித பெர்னாண்டோ
மேற்கிந்திய தீவுகள் பதினொருவர்
ஜஸ்டின் கிரீவ்ஸ், ஜோன் கேம்பெல், கீசி கார்ட்டி, ஷேய் ஹொப் (தலைவர்), ஷெர்பானே ரூத்தர்போர்ட், ரொஸ்டன் சேஸ், மெதிவ் போர்ட், குடாகேஷ் மோட்டி, அல்சாரி ஜோசப், ஷமார் ஜோசப், ஜய்டன் சீல்ஸ்
நாணய சுழற்சிக்கு அமைய முதலில் துடுப்பாடிய இலங்கை அணிக்கு ஆரம்ப வீரர்களாக பெதும் நிஸ்ஸங்க, கமிந்து மெண்டிஸ் வந்திருந்த நிலையில் கமிந்துவிற்கு எதிர்பார்த்த ஆட்டத்தை வெளிப்படுத்த தவறினார். கமிந்து 12 ஓட்டங்களுடன் ஆட்டமிழந்து ஓய்வறை சென்ற நிலையில் புதிதாக குசல் மெண்டிஸ் களமிறங்கினார்.
ஐந்து தமிழ்பேசும் வீரர்களுக்கு LPL வாய்ப்பு; நிஸ்ஸங்க, பத்திரண இல்லை!
குசல் மெண்டிஸ் அதிரடி கலந்த நிதானத்துடன் தன்னுடைய 36ஆவது அரைச்சதத்தினைப் பூர்த்தி செய்ய பெதும் நிஸ்ஸங்கவும் கைகொடுத்திருந்தார். பெதும் நிஸ்ஸங்க 19ஆவது ஒருநாள் அரைச்சதத்தினைப் பெற்றிருந்தார்.
அதனையடுத்து இலங்கை அணிக்கு மத்திய வரிசையில் ஆடிய சரித் அசலன்க மற்றும் ஜனித் லியனகே கைகொடுக்க இலங்கை வீரர்கள் 50 ஓவர்கள் நிறைவில் 7 விக்கெட்டுக்களை இழந்து 303 ஓட்டங்கள் பெற்றனர்.
இலங்கைத் துடுப்பாட்டம் சார்பில் பெதும் நிஸ்ஸங்க ஒரு சிக்ஸர் மற்றும் 9 பௌண்டரிகள் அடங்கலாக 79 ஓட்டங்கள் எடுக்க, குசல் மெண்டிஸ் 64 பந்துகளில் 4 சிக்ஸர்கள் மற்றும் 4 பௌண்டரிகள் அடங்கலாக 72 ஓட்டங்கள் பெற்றிருந்தார்.
மேற்கிந்திய தீவுகள் பந்துவீச்சில் ஜய்டன் சீல்ஸ், மெதிவ் போர்டே மற்றும் ரொஸ்டன் சேஸ் ஆகியோர் தலா 2 விக்கெட் வீதம் சுருட்டினர்.
பின்னர் போட்டியின் வெற்றி இலக்காக நிர்ணயிக்கப்பட்ட 304 ஓட்டங்களை அடைய பதிலுக்கு துடுப்பாடிய மேற்கிந்திய தீவுகள் அணியானது 49.2 ஓவர்களில் அனைத்து விக்கெட்டுக்களையும் இழந்து 262 ஓட்டங்கள் பெற்று போட்டியில் தோல்வியினைத் தழுவியது.
மேற்கிந்திய தீவுகள் அணியின் துடுப்பாட்டம் சார்பில் அதிகபட்சமாக அதன் தலைவர் ஷேய் ஹொப் 56 ஓட்டங்கள் பெற்றார். அதேவேளை ஜஸ்டின் கீரிவ்ஸ் 45 ஓட்டங்கள் எடுத்திருந்தார்.
இலங்கை அணியின் பந்துவீச்சில் துஷ்மன்த சமீர 67 ஓட்டங்களில் 4 விக்கெட்டுக்களைச் சாய்க்க, மகீஸ் தீக்ஷன 26 ஓட்டங்களில் 2 விக்கெட்டுக்களைக் கைப்பற்றினார்.
போட்டியின் ஆட்டநாயகன் விருது குசல் மெண்டிஸிற்கு வழங்கப்பட்டது. இலங்கை அணியானது இந்த சுற்றுப் பயணத்தில் அடுத்த போட்டியில் ஞாயிற்றுக்கிழமை (07) ஆடுகின்றமை குறிப்பிடத்தக்கது.
போட்டியின் சுருக்கம்
Result
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | c Shai Hope b Roston Chase | 79 | 103 | 9 | 1 | 76.70 |
| Kamindu Mendis | c Shai Hope b Jayden Seales | 12 | 21 | 1 | 1 | 57.14 |
| Kusal Mendis | c Shamar Joseph b Matthew Forde | 72 | 62 | 4 | 4 | 116.13 |
| Pavan Rathnayake | c Jayden Seales b Roston Chase | 24 | 38 | 0 | 1 | 63.16 |
| Charith Asalanka | c Jayden Seales b Matthew Forde | 45 | 44 | 3 | 1 | 102.27 |
| Janith Liyanage | not out | 44 | 29 | 5 | 1 | 151.72 |
| Wanindu Hasaranga | c Sherfane Rutherford b Jayden Seales | 7 | 4 | 1 | 0 | 175.00 |
| Milan Rathnayake | run out (Shai Hope) | 0 | 1 | 0 | 0 | 0.00 |
| Maheesh Theekshana | not out | 0 | 0 | 0 | 0 | 0.00 |
| Extras | 20 (b 0 , lb 2 , nb 2, w 16, pen 0) |
| Total | 303/7 (50 Overs, RR: 6.06) |
| Bowling | O | M | R | W | Econ | |
|---|---|---|---|---|---|---|
| Jayden Seales | 10 | 3 | 67 | 2 | 6.70 | |
| Matthew Forde | 9 | 1 | 44 | 2 | 4.89 | |
| Shamar Joseph | 8 | 0 | 38 | 0 | 4.75 | |
| Alzarri Joseph | 9 | 0 | 65 | 0 | 7.22 | |
| Gudakesh Motie | 4 | 0 | 40 | 0 | 10.00 | |
| Roston Chase | 10 | 1 | 47 | 2 | 4.70 | |
| Batsmen | R | B | 4s | 6s | SR | |
|---|---|---|---|---|---|---|
| John Campbell | run out (Janith Liyanage ) | 17 | 14 | 2 | 1 | 121.43 |
| Justin Greaves | b Maheesh Theekshana | 45 | 38 | 5 | 1 | 118.42 |
| Keacy Carty | c Kamindu Mendis b Asitha Fernando | 27 | 37 | 1 | 0 | 72.97 |
| Shai Hope | c Pavan Rathnayake b Dushmantha Chameera | 56 | 66 | 2 | 2 | 84.85 |
| Sherfane Rutherford | lbw b Wanindu Hasaranga | 5 | 12 | 0 | 0 | 41.67 |
| Roston Chase | b Dushmantha Chameera | 33 | 46 | 3 | 0 | 71.74 |
| Gudakesh Motie | c Pavan Rathnayake b Maheesh Theekshana | 22 | 30 | 3 | 0 | 73.33 |
| Matthew Forde | b Dushmantha Chameera | 15 | 26 | 1 | 0 | 57.69 |
| Alzarri Joseph | b Dushmantha Chameera | 0 | 2 | 0 | 0 | 0.00 |
| Shamar Joseph | not out | 23 | 22 | 1 | 1 | 104.55 |
| Jayden Seales | c Janith Liyanage b Charith Asalanka | 2 | 4 | 0 | 0 | 50.00 |
| Extras | 17 (b 5 , lb 2 , nb 3, w 7, pen 0) |
| Total | 262/10 (49.2 Overs, RR: 5.31) |
| Bowling | O | M | R | W | Econ | |
|---|---|---|---|---|---|---|
| Dushmantha Chameera | 10 | 0 | 67 | 4 | 6.70 | |
| Asitha Fernando | 8 | 0 | 59 | 1 | 7.38 | |
| Maheesh Theekshana | 10 | 1 | 26 | 2 | 2.60 | |
| Milan Rathnayake | 10 | 0 | 54 | 0 | 5.40 | |
| Wanindu Hasaranga | 10 | 0 | 43 | 1 | 4.30 | |
| Charith Asalanka | 1.2 | 0 | 6 | 1 | 5.00 | |
>>மேலும் கிரிக்கெட் செய்திகளைப் படிக்க<<
