ஜப்பானின் கிரிக்கெட் வளர்ச்சிக்கு உதவும் இலங்கை

ஐ.சி.சி. இன் கிரிக்கெட் அங்கத்துவ நாடுகளிடையே (ICC Associate Nations) கிரிக்கெட் விளையாட்டின் வளர்ச்சியை மேம்படுத்தும் தொடர் முயற்சிகளின் ஒரு பகுதியாக, ஜப்பான் 19 வயதுக்குட்பட்டோர் கிரிக்கெட் அணியின் இலங்கை சுற்றுப்பயணத்திற்கு இலங்கை கிரிக்கெட் சபை (SLC) உதவியிருக்கின்றது.

>>படிக்கல் மீண்டும் அபார சதம்; முதல் நாளில் வலுப்பெற்ற இந்தியா

அந்தவகையில் இலங்கைக்கு சுற்றுப்பயணம் மேற்கொண்டிருந்த ஜப்பான் 19 வயதின் கீழ் கிரிக்கெட் அணியுடன் மொத்தமாக 5 ஒருநாள் போட்டிகளில் விளையாடுவதற்காக இலங்கையின் 17 வயதுக்குட்பட்ட மாவட்ட அணிகளை இலங்கை கிரிக்கெட் நிறுவனம் ஏற்பாடு செய்திருந்தமை சுட்டிக்காட்டத்தக்கது.

அத்துடன் இலங்கைக்கு சுற்றுப்பயணம் மேற்கொண்ட ஜப்பானின் இளம் அணிக்குத் தேவையான மைதானங்கள், நடுவர்கள் மற்றும் ஓட்டப்பதிவாளர்கள் (Scorers) உள்ளிட்ட பயிற்சி மற்றும் போட்டி வசதிகளையும் இலங்கை கிரிக்கெட் வழங்கி, தொடர் முழுவதும் தேவையான முழுமையான ஆதரவினை உறுதி செய்தது.

இச்சுற்றுப்பயணத்தின் போது, ஜப்பான் 19 வயதுக்குட்பட்டோர் கிரிக்கெட் அணியினர் இலங்கை கிரிக்கெட் மறுசீரமைப்புக் குழுவின் தலைவர் திரு. இரான் விக்ரமரட்ன அவர்களையும் சந்தித்தனர்.

இச்சந்திப்பில் ஜப்பான் 19 வயதுக்குட்பட்டோர் அணியின் தலைமைப் பயிற்சியாளர் ரியோ சகுரானோ, அணி முகாமையாளர் டங்கன் ஹரிசன் மற்றும் ஜப்பான் கிரிக்கெட் சபை (JC) நல்லெண்ணத் தூதுவர் திரு. பிரியந்த காரியப்பெரும ஆகியோர் கலந்துகொண்டமை குறிப்பிடத்தக்கது.

கிரிக்கெட் வளர்ச்ஞி அடைந்து வருகின்ற நாடுகளுடன் தனது வளங்களையும் நிபுணத்துவத்தையும் பகிர்ந்து கொள்வதன் மூலம், சர்வதேச அளவில் கிரிக்கெட் விளையாட்டை மேம்படுத்துவதற்கு இலங்கை கிரிக்கெட் சபை மேற்கொண்டு வரும் தொடர் முயற்சிகளில் இந்த சுற்றுப்பயணமும் மாறியிருந்தமை மகிழ்ச்சி தருவதாக இந்த விடயம் தொடர்பில் வெளியிடப்பட்ட ஊடக அறிக்கையில் தெரிவிக்கப்பட்டுள்ளது.

>> மேலும் கிரிக்கெட் செய்திகளைப் படிக்க <<