இலங்கை – இந்திய அணிகள் இடையிலான இரண்டாவது டெஸ்ட் போட்டியின் முதல் நாள் ஆட்ட முடிவில், டேவ்தத் படிக்கலின் சதத்தின் துணையோடு இந்திய அணி வலுப் பெற்றுள்ளது.
>>இலங்கை டெஸ்ட் குழாத்தில் சந்திமால், மதுஷ்க நீக்கம்<<
கொழும்பு SSC மைதானத்தில் ஆரம்பமாகிய இந்தப் போட்டியில் நாணய சுழற்சியில் வென்று முதலில் இந்திய அணி துடுப்பாட்டத்தினை தெரிவு செய்தது.
இந்திய அணி இரு போட்டிகள் கொண்ட டெஸ்ட் தொடரில் 1-0 என முன்னிலை பெற்றிருக்க, தீர்மானம் கொண்ட இந்தப் போட்டியில் இலங்கை இரு மாற்றங்களை மேற்கொண்டிருந்தது. இலங்கை அணிக்காக கமில் மிஷார டெஸ்ட் அறிமுகம் பெற, பசிந்து சூரியபண்டார தினேஷ் சந்திமாலின் பிரதியீடாக தொடர்ந்து அணியில் இணைக்கப்பட்டிருந்தார்.
இலங்கை XI
லஹிரு உதார, கமில் மிஷார, கமிந்து மெண்டிஸ், தனஞ்சய டி சில்வா (தலைவர்), சோனல் தினுஷ, பசிந்து சூரியபண்டார, நிரோஷன் டிக்வெல்ல (விக்கெட்காப்பாளர்), கேசர நுவன்த, பிரபாத் ஜயசூரிய, அசித பெர்னாண்டோ, லஹிரு குமார
தொடர்ந்து நாணய சுழற்சிக்கு அமைய துடுப்பாட்டத்தினை ஆரம்பித்த இந்திய அணிக்காக அதிரடியாக ஆடிய யஷஸ்வி ஜெய்ஸ்வால் 9 பௌண்டரிகள் அடங்கலாக 45 ஓட்டங்கள் பெற்றார்.
இவரின் பின்னர் இந்திய அணி விக்கெட்டுக்களை இழந்த போதும், தேவ்தத் படிக்கல் காலி டெஸ்ட் போன்று இப்போட்டியிலும் தனது சிறப்பான ஆட்டத்தை வெளிப்படுத்தினார். அதன்படி இலங்கை வீரர்களின் மோசமான களத்தடுப்பில் கிடைத்த வாய்ப்புக்களைச் சரியாக பயன்படுத்திக் கொண்ட அவர் இப்போட்டியிலும், சுப்மான் கில்லுடன் இணைந்து சிறந்த இணைப்பாட்டம் ஒன்றினை உருவாக்கியதோடு சதமும் விளாசினார். அத்துடன் அவர் புஜாராவிற்குப் பிறகு வெளிநாட்டு டெஸ்ட் போட்டிகளில் தொடர்ச்சியாக சதமடித்த இந்தியாவின் 3ஆம் இலக்கத் துடுப்பாட்டவீரர் என்கிற சாதனையைப் படைத்தார்.
இந்த இணைப்பாட்டம் சுப்மான் கில்லின் விக்கெட்டோடு நிறைவுக்கு வந்தது. சுப்மான் கில் 50 ஓட்டங்களைக் குவித்திருந்தார். இது அவரது 08ஆவது அரைச்சதமாகவும் மாறியது.
அதன் பின்னர் புதிய துடுப்பாட்டவீரராக வந்த ரிசாப் பாண்ட் தேநீர் இடைவேளைக்குப் பிறகு, லஹிரு குமார வீசிய பந்து மணிக்கட்டில் பலமாகத் தாக்கியதால் மைதானத்தினை விட்டு 03 ஓட்டங்களுடன் வெளியேறினார்.
பின்னர் ரவிந்தீர ஜடேஜாவும் துடுப்பாட்டப் பங்களிப்பு ஒன்றினை வழங்க இந்தியா முதல்நாள் ஆட்டநிறைவில் 85 ஓவர்களில் 5 விக்கெட்டுக்களை இழந்து 300 ஓட்டங்கள் பெற்றுள்ளது.
இந்திய அணியின் துடுப்பாட்டத்தில் தேவ்தட் படிக்கல் 12 பெளண்டரிகள் அடங்கலாக 117 ஓட்டங்கள் எடுத்தார். இலங்கை அணியின் பந்துவீச்சில் அசித பெர்னாண்டோ 46 ஓட்டங்களுக்கு 3 விக்கெட்டுகளைக் கைப்பற்றினார்.
ஸ்கோர் விபரம்
Stumps
| Batsmen | R | B | 4s | 6s | SR | |
|---|---|---|---|---|---|---|
| Yashasvi Jaiswal | b Asitha Fernando | 45 | 53 | 9 | 0 | 84.91 |
| KL Rahul | c Niroshan Dickwella b Lahiru Kumara | 18 | 33 | 2 | 1 | 54.55 |
| Devdutt Padikkal | b Keshara Nuwantha | 117 | 193 | 12 | 0 | 60.62 |
| Shubman Gill | c Niroshan Dickwella b Asitha Fernando | 50 | 108 | 6 | 0 | 46.30 |
| Rishab Pant | not out | 3 | 15 | 0 | 0 | 20.00 |
| Ravindra Jadeja | b Asitha Fernando | 43 | 83 | 4 | 0 | 51.81 |
| Dhruv Jurel | not out | 7 | 21 | 1 | 0 | 33.33 |
| Yashasvi Jaiswal | not out | 4 | 5 | 0 | 0 | 80.00 |
| Extras | 13 (b 4 , lb 3 , nb 1, w 5, pen 0) |
| Total | 300/5 (85 Overs, RR: 3.53) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 16 | 5 | 46 | 3 | 2.88 | |
| Lahiru Kumara | 13 | 4 | 38 | 1 | 2.92 | |
| Prabath Jayasuriya | 27 | 4 | 90 | 0 | 3.33 | |
| Keshara Nuwantha | 22 | 0 | 93 | 1 | 4.23 | |
| Sonal Dinusha | 1 | 0 | 2 | 0 | 2.00 | |
| Dhananjaya de Silva | 2 | 0 | 8 | 0 | 4.00 | |
| Kamil Mishara | 4 | 0 | 16 | 0 | 4.00 | |
>> மேலும் கிரிக்கெட் செய்திகளைப் படிக்க <<
