மேற்கிந்தியத் தீவுகளுக்கு சுற்றுப்பயணம் மேற்கொள்ளும் இலங்கை கிரிக்கெட் அணியின் ஒருநாள் மற்றும் T20I குழாம்களின் புதிய தலைவராக இலங்கை கிரிக்கெட் அணியின் நட்சத்திர துடுப்பாட்டவீரரான குசல் மெண்டிஸ் நியமிக்கப்பட்டுள்ளார்.
>>SLC உயர் செயற்திறன் நிலைய பதவியில் இருந்து விலகும் சனத் ஜயசூரிய<<
அதேநேரம் மூவகைப் போட்டிகளும் இந்த சுற்றுப்பயணத்தில் அனைத்து வகைப் போட்டிகளுக்கும் பிரதி தலைவர் பொறுப்பு இளம் சகலதுறைவீரரான கமிந்து மெண்டிஸிற்கு வழங்கப்ட்டுள்ளது.
இலங்கை கிரிக்கெட் நிர்வாகத்தில் ஏற்பட்ட புதிய மாற்றங்களை அடுத்தே இந்த புதிய நியமனங்களும் இடம்பெற்றுள்ளன. எனினும் மேற்கிந்திய தீவுகள் சுற்றுப் பயணத்தில் இலங்கை டெஸ்ட் அணியின் தலைவர் பொறுப்பு தொடர்ந்து தனன்ஞய டி சில்வாவிடம் நீடிக்கின்றது.
இலங்கை கிரிக்கெட்டின் தெரிவுக் குழு இன்று (25) வெளியிட்டுள்ள ஊடக அறிக்கையின்படி, மட்டுப்படுத்தப்பட்ட ஓவர்கள் கொண்ட போட்டிகளில் நீண்டகால ஸ்திரத்தன்மையைக் கொண்டுவரும் நோக்கில் அதிரடியாக தலைமைத்துவ மாற்றங்கள் மேற்கொள்ளப்பட்டுள்ளதாக குறிப்பிடப்பட்டிருக்கின்றது.
ஒருநாள் போட்டிகளில் சரித் அசலங்கவும், T20I போட்டிகளில் தசுன் ஷானக்கவும் தலைவர்களாக செயற்பட்ட நிலையில் குசல் மெண்டிஸ் தற்போது குறித்த வீரர்களின் பொறுப்பினை தனக்காக பெற்றிருக்கின்றமை சுட்டிக்காட்டத்தக்கது.
அதேநேரம் புதிய தலைவருடனான இலங்கை அணி நாளை (26) மேற்கிந்தியத் தீவுகளுக்குப் புறப்படவுள்ளது. மேற்கிந்திய தீவுகள் தொடர்களில் முதலாவதாக மூன்று போட்டிகள் கொண்ட ஒருநாள் தொடரும், அதன் பின்னர் மூன்று போட்டிகள் கொண்ட T20 தொடரும், அதனை அடுத்து ஐ.சி.சி. இன் உலக டெஸ்ட் சம்பியன்ஷிப்பிற்காக இரு போட்டிகள் கொண்ட டெஸ்ட் தொடரும் இடம்பெறவிருக்கின்றது.
இலங்கையின் மேற்கிந்திய தீவுகள் சுற்றுப்பயணத்தில் ஒருநாள் தொடர் ஜூன் மாதம் 03ஆம் திகதி ஜமெய்க்காவில் ஆரம்பமாகுகின்றமை குறிப்பிடத்தக்கது.
இலங்கை குழாம்கள்
இலங்கை டெஸ்ட் குழாம்
தனன்ஞய டி சில்வா (தலைவர்), கமிந்து மெண்டிஸ் (பிரதி தலைவர்), பெதும் நிஸ்ஸங்க, லஹிரு உதார, நிஷான் மதுஷ்க, தினேஷ் சந்திமால், பசிந்து சூரியபண்டார, சொனால் தினுஷ, குசல் மெண்டிஸ், மிலான் ரத்நாயக்க, பிரபாத் ஜயசூரிய, ரமேஷ் மெண்டிஸ், அசித பெர்னாண்டோ, விஷ்வ பெர்னாண்டோ, லஹிரு குமார, இசித விஜேசுந்தர, கசுன் ராஜித
இலங்கை ஒருநாள் குழாம்
குசல் மெண்டிஸ் (தலைவர்), கமில் மிஷார, பவன் ரத்நாயக்க, பெதும் நிஸ்ஸங்க, ஜனித் லியனகே, சரித் அசலங்க, கமிந்து மெண்டிஸ் (பிரதி தலைவர்), மிலான் ரத்நாயக்க, வனிந்து ஹசரங்க, துனித் வெல்லாலகே, மஹீஷ் தீக்ஷன, துஷ்மந்த சமீர, டில்ஷான் மதுஷங்க, எஷான் மலிங்க, அசித பெர்னாண்டோ, ப்ரமோத் மதுஷான்.
இலங்கை T20I குழாம்
பெதும் நிஸ்ஸங்க, கமில் மிஷார, லசித் குரூஸ்புள்ளே, பவன் ரத்நாயக்க, குசல் மெண்டிஸ் (தலைவர்), கமிந்து மெண்டிஸ் (பிரதி தலைவர்), தசுன் ஷானக, மிலான் ரத்நாயக்க, துனித் வெல்லாலகே, வனிந்து ஹசரங்க, மஹீஷ் தீக்ஷன, துஷ்மந்த சமீர, டில்ஷான் மதுஷங்க, எஷான் மலிங்க, பினுர பெர்னாண்டோ, நுவான் துஷார.
>>மேலும் கிரிக்கெட் செய்திகளைப் படிக்க<<
