பாகிஸ்தான், இங்கிலாந்து மற்றும் இலங்கை அணிகள் பங்கேற்கும் முத்தரப்பு ஒருநாள் தொடருக்கான இலங்கை குழாத்தில் இருந்து பெதும் நிஸ்ஸங்க உபாதை காரணமாக நீக்கப்பட்டுள்ளார்.
>>ஹொங் கொங் சிக்ஸஸ் தொடருக்கான இலங்கை குழாம் அறிவிப்பு<<
இங்கிலாந்து சுற்றுப்பயணத்தின் போது தசை உபாதைக்குள்ளான பெதும் நிஸ்ஸங்க தேறி வருகின்ற போதும் பாகிஸ்தான் முத்தரப்பு ஒருநாள் தொடரில் ஆடுவதற்கான மருத்துவ அனுமதி அவருக்கு இன்னும் வழங்கப்படவில்லை. இதுவே அவர் இந்த ஒருநாள் தொடரில் இருந்து நீக்கப்பட்டமைக்கான காரணமாக குறிப்பிடப்பட்டிருக்கின்றது.
அதேவேளை இலங்கை கிரிக்கெட் சபை (SLC) வெளியிட்டுள்ள ஊடக அறிக்கையில் லஹிரு உதார பெதும் நிஸ்ஸங்கவின் பிரதியீட்டு வீரராக, இலங்கை குழாத்தில் இணைந்திருப்பதாக குறிப்பிடப்பட்டுள்ளது.
பெதும் நிஸ்ஸங்க பூரண உடற்தகுதியினை பெற்ற பின்னர் இலங்கை – பாகிஸ்தான் டெஸ்ட் தொடரில் மீண்டும் இலங்கை குழாத்தில் இணைவார் என எதிர்பார்க்கப்படுகின்றது.
