දකුණු අප්‍රිකානු ජාතික ක්‍රිකට් කණ්ඩායම නියෝජනය කරන තෝරාගත් ක්‍රීඩකයින් ප්‍රමාණයකට ඔවුන්ට ළඟම තිබෙන ක්‍රීඩා පිටියට ගොස් සිය පුහුණුවීම් කටයුතු ආරම්භ කිරීමට අවස්ථාව ලබා දීමට එරට රජය සහ ක්‍රිකට් ආයතනයේ අවසර හිමිව තිබේ.
දකුණු අප්‍රිකානු ක්‍රිකට් ආයතනයත් කොරෝනා ආක්‍රමණයට නතු වේ
කොරෝනා වසංගත තත්වය නිසා මේ මාසයේ දී පැවැත්වීමට නියමිතව තිබූ දකුණු අප්‍රිකාවේ ශ්‍රී ලංකා තරග සංචාරය දින නියමයක් නොමැතිව කල් දැමීමට දෙරටේ ක්‍රිකට් බලධාරීන් හට සිදුවිය. දකුණු අප්‍රිකානු ක්‍රිකට් ආයතනයේ ක්‍රිකට් අධ්‍යක්ෂ ග්‍රැහැම් ස්මිත් පවසන්නේ තරගයක් සඳහා කණ්ඩායමට පිටියට පිවිසීමට පෙර අවම ලෙස සති හයක සූදානමක් අවශ්‍ය බවයි.
දකුණු අප්‍රිකානු පුහුණු සංචිතය: ක්වින්ටන් ඩි කොක්, ඩීන් එල්ගාර්, ලුන්ගි න්ගිඩි, එයිඩ්න් මාක්‍රම්, ජූනියර් දලා, තියුනිස් ඩි බෘයින්, රාසි වැන් ඩර් ඩුසන්, ෂෝන් වොන් බර්ග්, ඩ්වේන් ප්‍රිටෝරියස්, හෙන්රිච් ක්ලාසන්, ටෙම්බා බවුමා, රීසා හෙන්ඩ්රික්ස්, කගීසෝ රබාඩා, ටබ්‍රායිස් ෂම්සි, වියාන් මුල්ඩර්, බ්ර්ජෝන් ෆෝටූයින්, ඇන්ඩිලේ ෆෙහුක්වායෝ, ඩේවිඩ් මිලර්, සාරෙල් අර්වී, කයා සොන්ඩෝ, ඩැරින් ඩුපාවිලන්, කේෂව් මහරාජ්, සේනුරාන් මුතුසාමි, කීගන් පීටර්සන්, ඉම්රාන් තාහීර්, ලූතෝ සිපම්ලා, එඩ්වඩ් මුවර්, ඇන්රිච් නෝර්ට්ජේ, සිසන්ද මාග්ලා, ග්ලෙන්ටන් ස්ටුවර්මන්, ජෝන්-ජෝන් ස්මට්ස්, රූඩි සෙකන්ඩ්, පයිට් වැන් බිල්ජොන්, රේනාඩ් වැන් ටොන්ඩර්, ජෙරල්ඩ් කෝට්සි, පීටර් මාලන්, සුබයර් හම්සා, ජැනේමන් මාලන්, ෆෆ් ඩු ප්ලෙසිස්, ටෝනි ඩි සෝර්සි, බියුරන් හෙන්ඩ්රික්ස්, නන්ද්‍රේ බර්ගර්, ජෝර්ජ් ලින්ඩේ, කයිල් වෙරයින්, මාර්ක්ස් ඇකර්මන්.
දකුණු අප්‍රිකාවේ මේ වන විට Covid-19 ආසාදිත පුද්ගලයින් ගණන 144,000 ඉක්මවා තිබෙන අතර ඉන් සුවය ලබා තිබෙන පුද්ගලයින් ගණන 70,000 ඉක්මවා තිබේ. එසේම දකුණු අප්‍රිකාව තුළ 2529කට අධික පුද්ගලයින් ප්‍රමාණයක් මේ වන විට කොරෝනා වෛරසය ආසාදනය වීමෙන් ජීවිතක්ෂයට පත්ව ඇත.
Covid-19 වෛරසයට ගොදුරු වී සිටින සියලුම දෙනාට ඉක්මන් සුවය ප්‍රාර්ථනා කරන අතර ඔබත් සෞඛ්‍යාරක්ෂිත උපදෙස් නිසි ලෙස පිළිපදිමින් ආරක්ෂිතව සිටින්න.
>> තවත් ක්‍රිකට් පුවත් සඳහා පිවිසෙන්න <<
