இலங்கை கிரிக்கெட் அணியின் நட்சத்திர துடுப்பாட்ட வீரரான பெதும் நிஸ்ஸங்க, நாட்டின் இளைய தலைமுறையினரிடையே மிகவும் பிரபலமாக காணப்படும் பிரிமா KottuMee (Noodles) வியாபார நாமத்தின் புதிய விளம்பர தூதுவராக அதிகாரப்பூர்வமாக அறிவிக்கப்பட்டுள்ளார்.
துடிப்பான ஆற்றல் மற்றும் உற்சாகத்தின் அடையாளமாக விளங்கும் Prima KottuMee (Noodles) வியாபார நாமத்துடன் பெதும் நிஸ்ஸங்க இணைந்துள்ளமை, அதனை இன்னும் வலுப்பெற்றதாக மாற்றும் என எதிர்பார்க்கப்படுகின்றது.
இங்கிலாந்து T20 தொடரிலிருந்து விலகும் எஷான் மாலிங்க
இது தொடர்பில் கருத்து வெளியிட்டுள்ள சிலோன் எக்ரோ இண்டஸ்ட்ரீஸ் (பிரிமா குழுமத்தின்) பொது முகாமையாளர் திரு. சஜித் குணரத்ன, பெதும் நிஸ்ஸங்க இந்த வியாபார நாமத்திற்கு மிகவும் பொருத்தமானவர் என்று குறிப்பிட்டார். அதேநேரம் கிரிக்கெட் மீது அவர் கொண்டுள்ள அர்ப்பணிப்பு, உற்சாகம் மற்றும் ஆர்வம் ஆகியவை தம்முடன் ஒத்துப்போவதாகவும், வளர்ந்து வரும் திறமைகளை ஊக்குவிப்பதில் தமது நிறுவனம் எப்போதும் முன்னணியில் இருப்பதாகவும் அவர் சுட்டிக்காட்டினார்.
நிஸ்ஸங்க சர்வதேச கிரிக்கெட்டில் இலங்கையின் மிகச்சிறந்த வீரர்களில் ஒருவராகத் திகழ்கின்றார். தனது அறிமுக டெஸ்ட் போட்டியிலேயே சதம் விளாசிய அவர், ஒருநாள் சர்வதேச போட்டிகளில் இரட்டைச் சதம் விளாசிய முதல் இலங்கை வீரர் என்ற வரலாற்றுச் சாதனையையும் படைத்துள்ளார். அழுத்தமான சூழ்நிலைமைகளிலும் கூட நிதானமாக விளையாடும் அவரது திறமை, அவரை ஒரு நட்சத்திர வீரராக மாற்றியுள்ளது.
அதேவேளை தான் விளம்பர தூதுவராக மாறிய விடயம் தொடர்பில் கருத்து வெளியிட்ட பெதும் நிஸ்ஸங்க இது தனக்கு மகிழ்ச்சி அளிப்பதாகத் தெரிவித்தார். கிரிக்கெட் மைதானத்திலோ அல்லது அன்றாட வாழ்க்கையிலோ, ஒவ்வொரு கணத்தையும் உற்சாகமாக அனுபவிக்க வேண்டும் என்பதில் தான் நம்பிக்கை கொண்டிருப்பதாக அவர் கூறினார். அத்தோடு இந்த இணைப்பு மூலம் இலங்கை முழுவதும் உள்ள தனது இரசிகர்களுடன் இணைந்து செயற்பட ஆர்வமாக இருப்பதாகவும் அவர் குறிப்பிட்டார்.
>>மேலும் கிரிக்கெட் செய்திகளைப் படிக்க<<
 வியாபார நாமத்தின் புதிய விளம்பர தூதுவராக அதிகாரப்பூர்வமாக அறிவிக்கப்பட்டுள்ளார். ){kind=link}