தம்புள்ள சிக்ஸர்ஸ் மற்றும் ஜப்னா கிங்ஸ் இடையே நடைபெற்று முடிந்திருக்கும் லங்கா பிரீமியர் லீக் (LPL) T20 தொடரின் நான்காவது லீக் போட்டியில் ஜப்னா கிங்ஸ் 5 விக்கெட்டுக்களால் வெற்றி பெற்றிருப்பதோடு, இந்தப் பருவத்திற்கான தொடரில் முதல் வெற்றியினையும் பதிவு செய்துள்ளது.
>>தொடர் வெற்றிகளுடன் LPL தொடரில் முன்னேறும் கோல் கெலன்ட்ஸ்<<
கொழும்பு SSC மைதானத்தில் இன்று (19) மாலை ஆரம்பமாகிய போட்டியில் ஜப்னா கிங்ஸ் தரப்பானது நாணய சுழற்சியில் வென்று முதலில் களத்தடுப்பினைத் தெரிவு செய்தது.
இதன்படி போட்டியில் முதலில் துடுப்பாடிய தம்புள்ள சிக்ஸர்ஸ் அணி தடுமாறியதோடு 19.3 ஓவர்களில் அனைத்து விக்கெட்டுக்களையும் இழந்து 130 ஓட்டங்கள் மாத்திரமே பெற்றது.
தம்புள்ள சிக்ஸர்ஸ் துடுப்பாட்டம் சார்பில் பவான் ரத்நாயக்க 27 ஓட்டங்களுடன் அதிகபட்ச ஓட்டங்களைப் பெற்றார். ஜப்னா கிங்ஸ் பந்துவீச்சில் லிசார்ட் வில்லியம்ஸ் மற்றும் ட்ரவீன் மெதிவ் ஆகியோர் தலா 3 விக்கெட்டுக்கள் வீதம் கைப்பற்றினர்.
>>ரீசா ஹென்ரிக்ஸ் அதிரடியில் தம்புள்ள சிக்ஸர்ஸ் அசத்தல் வெற்றிய<<
பின்னர் போட்டியின் வெற்றி இலக்காக நிர்ணயம் செய்யப்பட்ட 131 ஓட்டங்களை அடைய பதிலுக்கு ஆடிய ஜப்னா கிங்ஸ் 5 விக்கெட்டுக்களை இழந்து 19 ஓவர்களில் 133 ஓட்டங்கள் பெற்று வெற்றி இலக்கினை நெருங்கியது.
ஜப்னா கிங்ஸ் அணியின் துடுப்பாட்டத்தில் அதன் வெற்றியினை உறுதி செய்த அதன் தலைவர் பானுக்க ராஜபக்ஷ ஆட்டமிழக்காது 37 பந்துகளில் 4 சிக்ஸர்கள் மற்றும் 4 பௌண்டரிகள் 61 ஓட்டங்கள் பெற்றார்.
தம்புள்ள சிக்ஸர்ஸ் பந்துவீச்சில் துஷ்மன்த சமீர 2 விக்கெட்டுக்கள் வீதம் கைப்பற்றிய போதும் அது வீணாகியது. போட்டியின் ஆட்டநாயகனாக பானுக்க ராஜபக்ஷ தெரிவாகியிருந்தார்.
>>மேலும் கிரிக்கெட் செய்திகளைப் படிக்க<<
 T20 தொடரின் நான்காவது லீக் போட்டியில் ஜப்னா கிங்ஸ் 5 விக்கெட்டுக்களால் வெற்றி பெற்றிருப்பதோடு, இந்தப் பருவத்திற்கான தொடரில் முதல் வெற்றியினையும் பதிவு செய்துள்ளது.){kind=link}