சர்வதேச கிரிக்கெட் வாரியம் வெளியிட்டுள்ள புதிய டெஸ்ட் துடுப்பாட்ட வீரர்களுக்கான தரவரிசையில் இலங்கை அணியைச் சேர்ந்த கமிந்து மெண்டிஸ் மற்றும் சொனால் தினுஷ ஆகியோர் அதிசிறந்த முன்னேற்றங்களை பெற்றுள்ளனர்.
இந்திய அணிக்கு எதிரான இரண்டாவது டெஸ்ட் போட்டியில் அரைச்சதம் ஒன்றினை பெற்று, போட்டியை சமப்படுத்துவதற்கு பங்களிப்பு வழங்கியிருந்த இவர் இரண்டு இடங்கள் முன்னேறி 10ஆவது இடத்தை பிடித்துள்ளார்.
ஜிம்பாப்வே, தென்னாபிரிக்க தொடர்களுக்கான ஆஸி. குழாம் வெளியீடு
அதேநேரம் இந்த தொடரில் தான் துடுப்பெடுத்தாடிய நான்கு இன்னிங்ஸ்களில் மூன்று சதங்கள் மற்றும் ஒரு அரைச்சதம் பெற்ற சொனால் தினுஷ 29 இடங்கள் முன்னேறி 25ஆவது இடத்தை பிடித்துள்ளதுடன், அணித்தலைவர் தனஞ்சய டி சில்வா நான்கு இடங்கள் பின்தள்ளப்பட்டு 26ஆவது இடத்தை பிடித்துள்ளார்.
மேலும், இந்திய அணிக்கு எதிரான இரண்டாவது டெஸ்ட் போட்டியில் இரண்டு அரைச்சதங்களை விளாசிய இளம் துடுப்பாட்ட வீரர் பசிந்து சூரியபண்டார 170 இடங்கள் முன்னேறி 74ஆவது இடத்தை பிடித்துள்ளார்.
இந்திய அணியின் சார்பாக ரிஷப் பண்ட் 7ஆவது இடத்தை தக்கவைத்துள்ளதுடன், முதல் மற்றும் இரண்டாவது டெஸ்ட் போட்டிகளில் சதங்களை விளாசிய தேவ்துத் படிக்கல் 5 இடங்கள் முன்னேறி 54ஆவது இடத்தை பிடித்துள்ளார்.
மகளிர் சம்பியன்ஸ் கிண்ணம்; நடாத்தும் வாய்ப்பை இழக்குமா இலங்கை?
பந்துவீச்சாளர்கள் தரவரிசையில் இலங்கை அணியின் வேகப்பந்துவீச்சாளர் அசித பெர்னாண்டோ 4 இடங்கள் முன்னேறி 11ஆவது இடத்தை பிடித்துள்ளார். எனினும் பிரபாத் ஜயசூரிய 5 இடங்கள் பின்னடைவை சந்தித்து 22ஆவது இடத்தை பிடித்துள்ளார்.
இந்திய அணியை பொருத்தவரை மொஹமட் சிராஜ் ஒரு இடம் முன்னேறி 17ஆவது இடத்தையும், மானவ் சுதர் 4 இடங்கள் முன்னேறி 44ஆவது இடத்தையும், பிரசித் கிரிஷ்ணா 8 இடங்கள் முன்னேறி 45ஆவது இடத்தையும் பிடித்துள்ளனர் என்பது குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
