இலங்கை-இந்திய கிரிக்கெட் அணிகள் இடையிலான முதல் டெஸ்ட் போட்டியின் இரண்டாம் நாள் ஆட்டநிறைவில், இலங்கை அணியானது சுழல்வீரர்களின் ஆதிக்கத்தோடு இந்திய அணியின் முக்கிய விக்கெட்டுக்களை கைப்பற்றியிருக்கின்றது
போட்டியின் முதல்நாள் ஆட்டம் நேற்று (15) நிறைவுக்கு வரும் போது நாணய சுழற்சியில் வென்று முதலில் துடுப்பாடிய இந்தியா தேவ்தட் படிக்கலின் சதத்துடன் 288 ஓட்டங்களுக்கு 2 விக்கெட்டுக்களை இழந்து காணப்பட்டிருந்தது. களத்தில் ஆட்டமிழக்காது காணப்பட்ட டேவ்தத் படிக்கல் 131 ஓட்டங்களுடனும், ரிசாப் பாண்ட் 27 ஓட்டங்களுடனும் இருந்தனர்.
போட்டியின் இரண்டாம் நாள் ஆட்டம் மழையின் தாக்கம் காரணமாக, இரண்டாம் நாளின் முதல் இடைவெளி முழுமையாகப் பாதிக்கப்பட்டிருந்தது.
பின்னர் தொடர்ந்த ஆட்டத்தில் அபாரமாக விளையாடிய தேவ்தட் படிக்கல் 15 பெளண்டரிகள் மற்றும் ஒரு சிக்ஸர் அடங்கலாக 167 ஓட்டங்கள் பெற்றார். அத்துடன் நேற்று மைதானத்தினை விட்டு வெளியேறிய KL ராகுல் மீண்டும் துடுப்பாட வந்து 82 ஓட்டங்கள் எடுத்தார்.
பின்னர் இலங்கை அணியின் சுழல்வீரர்களான பிரபாத் ஜயசூரிய மற்றும் கேசர நுவன்த ஆகியோர் போட்டியில் ஆதிக்கம் காண்பிக்க தொடங்கியிருந்தனர். எனினும் பொறுப்புடன் ஆடிய துருவ் ஜூரெலின் ஆட்டத்துடன் இந்தியா முதல் இன்னிங்ஸில் 9 விக்கெட்டுகள் இழப்பிற்கு 116 ஓவர்களில் 460 ஓட்டங்கள் எடுத்து இரண்டாம் நாள் ஆட்டநிறைவில் காணப்படுகின்றது.
துருவ் ஜூரெல் 68 பந்துகளில் 51 ஓட்டங்கள் எடுத்திருந்தார். ரிஷப் பாண்ட் 39 ஓட்டங்கள் எடுத்திருந்தார். இலங்கை அணியின் பந்துவீச்சில் பிரபாத் ஜயசூரிய 4 விக்கெட்டுக்களை கைப்பற்ற அறிமுக சுழல்வீரர் கேசர நுவன்த 3 விக்கெட்டுக்களை எடுத்திருந்தார்.
