International Masters Cricket (IMC) සංවිධානය කරන වයස අවුරුදු 40ට වැඩි ප්‍රවීනයන්ගේ විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකා 40s ප්‍රවීනයන්ගේ කණ්ඩායම සහ කැනඩා 40s ප්‍රවීණයන්ගේ කණඩායම සමඟින් කටාර් හී Southend Club ක්‍රීඩා සමාජ ක්‍රීඩාංගණයේ දී පැවැති තරගයෙන් කඩුලු 9ක ජයග්‍රහණයක් ලබා ගැනීමට කැනඩා 40s ප්‍රවීනයන්ගේ කණ්ඩායමට හිමි වූවා.
මෙම තරගයේ කාසියේ වාසිය ලබා ගත් ශ්‍රී ලංකා කණ්ඩායම පළමුවෙන් පන්දුවට පහර දීමට පිටියට පිවිසි ශ්‍රී ලංකා 40s ප්‍රවීනයන්ගේ කණ්ඩායම කඩුලු 7ක් දැවී ලකුණු 140ක් ලබා ගත් අතර ඊට පිළිතුරු ලෙසින් කැනඩා ප්‍රවීණයන්ගේ කණඩායම කඩුල්ලක් පමණක් දැවී ලකුණු 142ක් ලබා ගනිමින් තරගය ජයග්‍රහණය කළා.
- පාකිස්තානය පහසුවෙන් ශූරතාව කරා!
- ශ්‍රී ලංකා 40s ප්‍රවීනයන්ට Gulf ප්‍රහාරයක්
- Rest of World 40s ප්‍රවීනයෝ ශ්‍රී ලංකාව පරාජය කරයි
- පාකිස්තානය ආසියාවේ නැගී එන තරුව බවට පත් වෙයි
- C කොටසේ ශූරතාව වව්නියාව පොලිසියට
පළමුවෙන් පන්දුවට පහර දීමට පිටියට පිවිසි ශ්‍රී ලංකා කණ්ඩායමේ පළමු කඩුල්ල ලකුණු 16 දී දැවී යන අතර 2 වැනි කඩුල්ලට පන්දු 26ක දී ලකුණු 43ක සබඳතාවක් ගොඩ නැගීමට සුනෙත් සම්පත් සහ හිරාන් කුලරත්න සමත් වෙනවා. මේ ලකුණු අතුරින් ඒ වෙද්දී හිරාන් කුලරත්නට ලබා ගැනීමට හැකි වෙන්නේ ලකුණු 3ක් පමණක් වන අතර ඔහු මුහුණ දෙන්නේ ද පන්දු 5කට පමණයි.
එම කඩුල්ලේ සබඳතාව සුනෙත් සම්පත් ගේ දැවී යෑමත් සමඟින් අවසන් වෙන අතර ඒ වෙද්දී ඔහු පන්දු 24කට මුහුණ දෙමින් හතරේ පහර 7ක් සහ හයේ පහරක් සමඟින් ලකුණු 45ක් ලබා සිටියා.
එම කඩුල්ලෙන් පසුව ශ්‍රී ලංකා ඉනිමට එක් වූ අනෙක් වැදගත් ලකුණු සබඳතාව බවට පත් වූයේ ඉනිමේ වාර්තා වූ ඉහළ ම ලකුණු සබඳතාව බවට පත් වූ 9 වැනි කඩුල්ලට නොදැවී එක් වූ ලකුණු 58යි. ලංකා රොද්‍රිගෝ සහ උදය කුමාර එක් ව එක් කළ එම ලකුණු සබඳතාවට පන්දු 42ක් පමණක් වැය වූ අතර එහි දී ලංකා රොද්‍රිගෝ පන්දු 45කට මුහුණ දෙමින් හතරේ පහර 5ක් සහ හයේ පහරක් සමඟ නොදැවී ලබා ගත් ලකුණු 42ක් ද සහ උදය කුමාර පන්දු 18කට මුහුණ දෙමින් හතරේ පහරක් සහ හයේ පහරක් සමඟින් නොදැවී ලබා ගත් ලකුණු 20ක් ඇතුලත් වුණා.
කඩුලු දවා ගැනීමේ දී Khalid Gilani සහ Ali Farooqi කඩුලු ද්විත්වය බැගින් දවා ගත් අතර Sugith Karunaratne සහ නායක Muhamnad Ramzan Abdul Cader කඩුල්ල බැගින් දවා ගත්තා.
පිළිතුරු ඉනිම සඳහා පිටියට පිවිසි කැනඩා කණ්ඩායමේ පළමු කඩුල්ල දැවී යන්නේ ජයග්‍රහණයට ලකුණු 3ක් පමණක් පසු පසින් සිටියදීයි. ඒ වෙද්දී ඉනිමේ පන්දු 108ක් යවා තිබූ අතර Sabir Sheikh සහ Andras Adaikkalam එම කඩුල්ලට සක්‍රීය ව සිටියා.
Sabir Sheikh පන්දු 63කට මුහුණ දෙමින් හතරේ පහර 10ක් සහ හයේ පහරක් සමඟින් ලකුනු 76ක් ලබා සිටි අතර ඉනිම අවසන් වන විට Andras Adaikkalam පන්දු 47කට මුහුණ දෙමින් හතරේ පහර 5ක් සහ හයේ පහරක් සමඟින් නොදැවී ලකුණු 48ක් ලබා සිටියා.
ඉනිමේ දැවී ගිය එක ම කඩුල්ලේ හිමිකාරීත්වය උදය කුමාර සතු වූවා.
තරගයේ කෙටි ලකුණු පුවරුව
ශ්‍රී ලංකා 40s ප්‍රවීණයන්ගේ කණ්ඩායම – කඩුලු 7ක් දැවී 140 (20.0) සුනෙත් සම්පත් 45, ලංකා රොද්‍රිගෝ නොදැවී 42, උදය කුමාර නොදැවී 20, Khalid Gilani 2/12, Ali Farooqi 2/11
කැනඩා 40s ප්‍රවීණයන්ගේ කණ්ඩායම – කඩුල්ලක් දැවී 142 (18.2) Sabir Sheikh 76, Andras Adaikkalam නොදැවී 48, ලංකා රොද්‍රිගෝ 1/11
කැනඩා 40s ප්‍රවීණයන්ගේ කණ්ඩායමට කඩුලු 9ක ජයක්.
එම තරග ජයග්‍රහණයත් සමඟින් කැනඩා 40s ප්‍රවීණයන්ගේ කණ්ඩායම Bowl වටයේ අවසන් තරගය සඳහා සුදුසුකම් ලබා ගත්තා.
දෙස් විදෙස් ක්‍රීඩා පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම.
>> තවත් ක්‍රිකට් පුවත් සඳහා පිවිසෙන්න <<
 සංවිධානය කරන වයස අවුරුදු 40ට වැඩි ප්‍රවීනයන්ගේ විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකා 40s ප්‍රවීනයන්ගේ කණ්ඩායම සහ කැනඩා 40s ප්‍රවීණයන්ගේ කණඩායම සමඟින් කටාර් හී Southend Club ක්‍රීඩා සමාජ ක්‍රීඩාංගණයේ දී පැවැති තරගයෙන් කඩුලු 9ක ජයග්‍රහණයක් ලබා ගැනීමට කැනඩා 40s ප්‍රවීනයන්ගේ කණ්ඩායමට හිමි වූවා.){kind=link}