ஐ.சி.சி ஆடவர் T20 உலகக் கிண்ணத் தொடரில் ஓமான் அணிக்கு எதிரான லீக் போட்டியில் இலங்கை இன்று (12) 105 ஓட்டங்களால் பாரிய வெற்றியினைப் பதிவு செய்துள்ளது. இதன் மூலம் இந்த உலகக் கிண்ணத் தொடரில் இலங்கை அணி தனது இரண்டாவது தொடர்ச்சியான வெற்றியினை உறுதி செய்துள்ளது.
>>T20 உலகக் கிண்ணத் தொடரில் இருந்து விலகும் வனிந்து ஹஸரங்க<<
இந்த உலகக் கிண்ணத் தொடரின் 16ஆவது லீக் போட்டியாக அமைந்த குழு B அணிகளின் மோதல், முன்னதாக பல்லகலே சர்வதேச மைதானத்தில் ஆரம்பமாகியது. போட்டியின் நாணய சுழற்சியில் வென்ற ஓமான் அணியின் தலைவர் ஜடின்தர் சிங் முதலில் களத்தடுப்பினை தெரிவு செய்தார்.
இப்போட்டிக்கான இலங்கை குழாம் உபாதை காரணமாக தொடரில் இருந்து வெளியேறிய வனிந்து ஹஸரங்கவிற்குப் பதிலாக துஷான் ஹேமன்தவை இணைந்திருந்தது.
இலங்கை XI:
பெதும் நிஸ்ஸங்க, கமில் மிஷார, குசல் மெண்டிஸ், பவன் ரத்நாயக்க, கமிந்து மெண்டிஸ், தசுன் ஷானக்க (தலைவர்), துனித் வெல்லாலகே, துஷான் ஹேமன்த, மகீஷ் தீக்ஸன, துஷ்மன்த சமீர, மதீஷ பத்திரண.
பின்னர் முதலில் துடுப்பாடத் தொடங்கிய இலங்கை அணிக்கு ஆரம்பமே அதிரடியாக அமைந்தது. கமில் மிஷார 8 ஓட்டங்களுடன் ஆட்டமிழந்த போதிலும், பின்னர் இணைந்த குசல் மெண்டிஸ் மற்றும் பவன் ரத்நாயக்க ஜோடி ஓமான் பந்துவீச்சாளர்களை திணறடித்தது. அதிரடியாக ஆடிய பவன் ரத்நாயக்க வெறும் 28 பந்துகளில் 8 பௌண்டரிகள் மற்றும் ஒரு சிக்ஸர் அடங்கலாக 60 ஓட்டங்களைக் குவித்து ஆட்டமிழந்தார்.
மறுமுனையில் தனது அபாரமான ஆட்டத்தைத் தொடர்ந்த குசல் மெண்டிஸ் 45 பந்துகளில் 61 ஓட்டங்களைப் பெற்று அணியின் ஓட்ட எண்ணிக்கையை வலுப்படுத்தினார். அத்துடன் இது அவரது தொடர்ச்சியான இரண்டாவது அரைச்சதமாகவும் இந்த தொடரில் மாறியது.
அதன் பின்னர் போட்டியின் பிந்தைய ஓவர்களில் களம் வந்த இலங்கை அணியின் தலைவர் தசுன் ஷானக்க, சிக்ஸர் மழை பொழிந்து வெறும் 20 பந்துகளில் 5 சிக்ஸர்கள் மற்றும் 2 பௌண்டரிகளுடன் 50 ஓட்டங்களை பெற்றார்.
>>SSC-யில் T20 உலகக் கிண்ண முதல் போட்டி: இலவச அனுமதி<<
இறுதியில் இலங்கை அணியானது 20 ஓவர்கள் நிறைவில் 5 விக்கெட்டுகளை இழந்து 225 ஓட்டங்கள் என்ற இமாலய இலக்கை நிர்ணயித்தது. இப்போட்டியில் வெறும் 19 பந்துகளில் அரைச்சதம் விளாசியிருந்த தசுன் ஷானக்க T20 உலகக் கிண்ணத்தில் வேகமான அரைச்சதம் பெற்ற அணித்தலைவராக ரோஹித் சர்மாவின் சாதனையினை சமன் செய்தார்.
ஓமான் அணியின் பந்துவீச்சில் ஜிட்டன் ரமணாந்தி 41 ஓட்டங்களுக்கு 2 விக்கெட்டுகளைக் கைப்பற்றியிருந்தார்.
பின்னர் 226 என்ற கடினமான வெற்றி இலக்கை நோக்கித் துடுப்பாடிய ஓமான் அணிக்கு ஆரம்பமே அதிர்ச்சியாக அமைந்தது. தொடர்ச்சியாக குறுகிய இடைவெளிகளில் விக்கெட்டுக்களை இழந்த ஓமான் வீரர்கள் துஷ்மன்த சமீரவின் வேகத்தில் சிக்கியிருந்தனர். பின்னர் களம் வந்த வீரர்களும் எதிர்பாராத ஆட்டத்தினை வெளிப்படுத்தாத நிலையில் மொஹமட் நதீம் மாத்திரம் தனித்து நின்று போராடி ஆட்டமிழக்காது 53 ஓட்டங்களைப் பெற்றார்.
இறுதியில் ஓமான் அணியானது 20 ஓவர்கள் நிறைவில் 9 விக்கெட்டுகளை இழந்து 120 ஓட்டங்களை மாத்திரம் பெற்று போட்டியில் 105 ஓட்டங்களால் தோல்வியைத் தழுவியது.
இலங்கை பந்துவீச்சில் சிறப்பாகச் செயற்பட்ட மகீஷ் தீக்ஸன 11 ஓட்டங்களுக்கு 2 விக்கெட்டுகளையும், துஷ்மன்த சமீரா 19 ஓட்டங்களுக்கு 2 விக்கெட்டுகளையும் வீழ்த்தினர். அத்துடன் துனித் வெல்லாலகே மற்றும் துஷான் ஹேமன்த ஆகியோர் தலா ஒரு விக்கெட்டைக் கைப்பற்றினர்.
போட்டியின் ஆட்டநாயகனாக இலங்கை அணியின் பவன் ரத்நாயக்க தெரிவானார். இலங்கை அணியானது தனது அடுத்த போட்டியில் பலம் வாய்ந்த அவுஸ்திரேலிய அணியை 16ஆம் திகதி எதிர்கொள்ளவுள்ளமை குறிப்பிடத்தக்கது.
போட்டியின் சுருக்கம்
Result
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | lbw b Sufyan Mehmood | 13 | 11 | 2 | 0 | 118.18 |
| Kamil Mishara | b Jay Odedra | 8 | 7 | 2 | 0 | 114.29 |
| Kusal Mendis | run out (Jiten Ramanandi) | 61 | 45 | 7 | 0 | 135.56 |
| Pavan Rathnayake | b Jiten Ramanandi | 60 | 28 | 8 | 1 | 214.29 |
| Dasun Shanaka | c Mohammad Nadeem b Jiten Ramanandi | 50 | 20 | 2 | 5 | 250.00 |
| Kamindu Mendis | not out | 19 | 7 | 1 | 2 | 271.43 |
| Dunith Wellalage | not out | 6 | 4 | 1 | 0 | 150.00 |
| Extras | 8 (b 0 , lb 4 , nb 2, w 2, pen 0) |
| Total | 225/5 (20 Overs, RR: 11.25) |
| Bowling | O | M | R | W | Econ | |
|---|---|---|---|---|---|---|
| Shah Faisal | 4 | 0 | 28 | 0 | 7.00 | |
| Jay Odedra | 1 | 0 | 14 | 1 | 14.00 | |
| Wasim Ali | 3 | 0 | 38 | 0 | 12.67 | |
| Sufyan Mehmood | 4 | 0 | 60 | 1 | 15.00 | |
| Mohammad Nadeem | 4 | 0 | 40 | 0 | 10.00 | |
| Jiten Ramanandi | 4 | 0 | 41 | 2 | 10.25 | |
| Batsmen | R | B | 4s | 6s | SR | |
|---|---|---|---|---|---|---|
| Aamir Kaleem | lbw b Maheesh Theekshana | 6 | 5 | 1 | 0 | 120.00 |
| Jatinder Singh | b Dushmantha Chameera | 1 | 2 | 0 | 0 | 50.00 |
| Hammad Mirza | c Kamil Mishara b Dushmantha Chameera | 9 | 12 | 1 | 0 | 75.00 |
| Mohammad Nadeem | not out | 53 | 56 | 3 | 1 | 94.64 |
| Wasim Ali | c Kusal Mendis b Maheesh Theekshana | 27 | 20 | 0 | 3 | 135.00 |
| Vinayak Shukla | run out (Kamil Mishara ) | 1 | 1 | 0 | 0 | 100.00 |
| Jiten Ramanandi | st Kusal Mendis b Dushan Hemantha | 0 | 1 | 0 | 0 | 0.00 |
| Mohammad Nadeem | c Kamindu Mendis b Dushmantha Chameera | 2 | 3 | 0 | 0 | 66.67 |
| Sufyan Mehmood | run out (Kamindu Mendis) | 1 | 1 | 0 | 0 | 100.00 |
| Shah Faisal | c Pathum Nissanka b Dunith Wellalage | 1 | 8 | 0 | 0 | 12.50 |
| Jay Odedra | not out | 4 | 12 | 0 | 0 | 33.33 |
| Extras | 15 (b 0 , lb 1 , nb 1, w 13, pen 0) |
| Total | 120/9 (20 Overs, RR: 6) |
| Bowling | O | M | R | W | Econ | |
|---|---|---|---|---|---|---|
| Dushmantha Chameera | 2 | 0 | 19 | 2 | 9.50 | |
| Maheesh Theekshana | 4 | 0 | 11 | 2 | 2.75 | |
| Matheesha Pathirana | 3 | 0 | 11 | 0 | 3.67 | |
| Dunith Wellalage | 4 | 0 | 17 | 1 | 4.25 | |
| Dasun Shanaka | 1 | 0 | 6 | 0 | 6.00 | |
| Dushan Hemantha | 4 | 0 | 45 | 1 | 11.25 | |
| Kamindu Mendis | 2 | 0 | 10 | 1 | 5.00 | |
>>மேலும் கிரிக்கெட் செய்திகளைப் படிக்க<<
 105 ஓட்டங்களால் பாரிய வெற்றியினைப் பதிவு செய்துள்ளது. இதன் மூலம் இந்த உலகக் கிண்ணத் தொடரில் இலங்கை அணி தனது இரண்டாவது தொடர்ச்சியான வெற்றியினை உறுதி செய்துள்ளது.){kind=link}