ආර්ජන්ටිනා බ්‍රසීල සුපිරි ගැටුමෙන් ආර්ජන්ටිනාවට අසාධ්‍යයි

2019 කෝපා ඇමරිකා පාපන්දු තරගාවලියේ පළමු අවසන් පූර්ව තරගය අද (3) බ්‍රසීලයේ Belo Horizonte හිදී පැවැත්වුණේ බ්‍රසීල කණ්ඩායම හා ආර්ජන්ටිනා කණ්ඩායම අතරයි. තරු පිරි කණ්ඩායම් දෙකක් අතර පැවැත්වුණු මෙම තරගයෙන් ගෝල 2-0ක් ලෙස ජය ගත්තේ සත්කාරක බ්‍රසීල කණ්ඩායමයි.

සුවාරෙස්ගේ අත්වැරැද්දෙන් උරුගුවේ සිහිනය බොඳ වේ

2019 කෝපා ඇමරිකා පාපන්දු තරගාවලියේ ………

ඒ අනුව 2007 වසරට පසුව බ්‍රසීල කණ්ඩායමක් කෝපා ඇමරිකා පාපන්දු තරගාවලියේ අවසන් තරගයට පිවිසුණු පළමු අවස්ථාව මෙයයි.  

ගේබ්‍රියෙල් ජේසුස් තරගයේ පළමු ගෝලය වාර්තා කරමින් බ්‍රසීලයට තරගයේ පෙරමුණ දිනා දුන් අතර රොබර්ටෝ ෆර්මිනියෝ අලංකාර ගෝලයකින් බ්‍රසීල ජයග්‍රහණ ස්ථිර කළේ Estadio Mineirao හි පැවැත්වෙන අවසන් මහා තරගයට බ්‍රසීලය රැගෙන යමින්.  

ලයනල් මෙසීගේ නායකත්වයෙන් තරග වැදුණු ආර්ජන්ටිනාවට ඉතා ආසන්න අවස්ථා කිහිපයක් ලැබුනත් ඔහුගේ පාදයෙන් මෙන්ම සර්ජියෝ අගුවෙරෝගේ පාදයෙන් ද එල්ල වුනු ප්‍රහාර දෙකක් ගෝල රාමුවේ වැදී ඉවත ගියේ අවාසනාවන්ත ලෙසයි.

කෙසේ වෙතත් ආර්ජන්ටිනා බලාපොරොත්තු 71 වැනි මිනිත්තුවේ දී බිඳ වැටුණේ  රොබර්ටෝ ෆර්මිනියෝ අට වතාවක් කෝපා ඇමරිකා ශූරයින් වෙනුවෙන් දෙවන ගෝලයත් වාර්තා කිරීමත් සමඟයි.

ආර්ජන්ටිනාව ඉතා ජවයකින් තරගය ආරම්භ කළ අතර තරගයේ පළමු ආසන්නතම අවස්ථාව ලබා ගත්තේ Leandro Paredes. ආර්ජන්ටිනාව වෙනුවෙන් ඔහු ගෝල රාමුව වෙත එල්ල කළ ප්‍රහාරය ගෝල රාමුවට ඉහළින් ඇදී ගියේය. 

ආර්ජන්ටිනාව හා චිලී ශූරතාවයට තවත් පියවරක් ළංවෙයි

2019 කෝපා ඇමරිකා පාපන්දු තරගාවලියේ දෙවන …..

ජේසුස් බ්‍රසීලය වෙනුවෙන් ඉතා දක්ෂ ලෙස ක්‍රීඩා කරනු දක්නට ලැබුණු අතර මැන්චෙස්ටර් සිටි යොවුන් ක්‍රීඩකයා 19 වැනි මිනිත්තුවේ දී අලංකාර ගෝලයක් වාර්තා කළේ තරගයේ ලකුණු පුවරුව ක්‍රියාත්මක කරමින්. 

ෆර්මිනියෝ හට නිදහසේ පන්දු ප්‍රහාරයක් එල්ල කිරීමට ඉඩ කඩ සකසා දුන් අතර ෆර්මිනියෝ ගේ හරස් පන්දු යොමු කිරීම ජේසුස් අලංකාර ලෙස ලබාගෙන ගෝලයක් රැස් කළේ බ්‍රසීල ප්‍රේක්ෂකයින්ගේ ඔල්වරසන් මධ්‍යයේයි.

මෙසී මැද පෙළ ක්‍රීඩකයින් සමඟ කලින් සැලසුම් කරන ලද ප්‍රහාරයක් ගොඩ නැගූ අතර මෙසීගේ පන්දු යොමු කිරීමකට අගුවෙරෝ කළ ප්‍රහාරයක් ගෝල රාමුවේ වැදී නැවත පැමිණියේ අවාසනාවන්ත ලෙසයි. 

පළමු අර්ධය: ආර්ජන්ටිනාව 00 – 01 බ්‍රසීලය

56 වැනි මිනිත්තුවේ දී පිලිපේ කුටිනියෝ හට බ්‍රසීල ගෝල ගණන දෙගුණ කිරීමට අනර්ඝ අවස්ථාවක් හිමි වුණු නමුත් එම අවස්ථාව සාර්ථක වූයේ නැහැ. ගේබ්‍රියෙල් ජේසුස් විසින් දක්ෂ ලෙස ආර්ජන්ටිනා ක්‍රීඩකයින් නොමඟ යැවීමෙන් අනතුරුව කුටිනියෝ පන්දුව ලබා ගත් අතර අවාසනාවන්ත ලෙස පන්දුව ගෝල රාමුවට මදක් ඉහළින් ඇදී ගියේය.

ඊට මිනිත්තුවකට පසුව ආර්ජන්ටිනා ප්‍රහාරයක් ගෝල රාමුවේ වැදී ඉවත ගිය අතර මෙවර ගෝලය ඉදිරියේ සිටියේ සුපිරි ක්‍රීඩක ලයනල් මෙසී. මාර්ටිනේස්ගේ ප්‍රහාරයක් බ්‍රසීල ක්‍රීඩකයෙකු අවහිර කළ අතර ආපසු පැමිණි පන්දුව මෙසී දැල වෙත යොමු කළත් එම උත්සාහය සාර්ථක වූයේ නැහැ,

අවසන් දඬුවම් පහරෙන් බ්‍රසීලය පැරගුවේ සිත් බිඳ දමයි

2019 කෝපා ඇමරිකා පාපන්දු තරගාවලියේ අර්ධ ………

ආර්ජන්ටිනාව දිගින් දිගටම පන්දුව සියතේම තබාගෙන ක්‍රීඩා කළේ ගෝල සම කරන්නට අවස්ථාවක් සොයමින්. මෙසී යාර විස්සේ සීමාවේ සිට එල්ල කළ නිදහස් පහරක් 66 වැනි මිනිත්තුවේ දී ඇලිසන් බෙකර් විසින් පහසුවෙන් රැක ගන්නා ලදි. 

ආර්ජන්ටිනා ප්‍රහාරයට සාර්ථක ප්‍රතිප්‍රහාර එල්ල කළ බ්‍රසීල ක්‍රීඩකයින් සිය ලකුණු පුවරුව  දෙගුණ කළේ ගේබ්‍රියෙල් ජේසුස්ගේ අනගි ධාවනයකට පිං සිදු වන්නටයි. 

ජේසුස් සිය අර්ධයේ සිට ආර්ජන්ටිනා අර්ධයට දක්ෂ ධාවනයක නිරත වූ අතර පන්දුව ෆර්මිනියෝ වෙත යොමු කළ පසු ෆර්මිනියෝ අලංකාර ගෝලයක් වාර්තා කළේ බ්‍රසීල ජය ස්ථිර කරමින්.

එතැන් සිට තරගයේ ග්‍රහණය සම්පූර්ණයෙන්ම සියතට ගත් බ්‍රසීල ක්‍රීඩකයෝ විනිසුරු අවසන් නලාව නාද කරන තුරු පන්දුව සියතේ තබාගෙන අවසන් මහා තරගයේ සිය අසුන වෙන් කර ගැනීමට සමත් විය.

අවසන් ලකුණු තත්වය: බ්‍රසීලය 02 – 00 ආර්ජන්ටිනාව

ගෝල රැස් කළ ක්‍රීඩකයෝ

• බ්‍රසීලය – ගේබ්‍රියෙල් ජේසුස් (16), රොබර්ටෝ ෆර්මිනියෝ (71)  

>> පාපන්දු පුවත් සඳහා පිවිසෙන්න – පාපන්දු ක්‍රීඩා පිටුවට <<