2019 කෝපා ඇමරිකා පාපන්දු තරගාවලියේ දෙවන හා තෙවැනි අර්ධ අවසන් පූර්ව තරග අද (29) පැවැත්වුණු අතර Lautaro Martinezගේ පිහිටෙන් ආර්ජන්ටිනාවත්, දඬුවම් පහරවල පිහිටෙන් චිලී කණ්ඩායමත් අවසන් පූර්ව වටයන්ට පිවිසීමට සමත් විය.
කවානිගේ ගෝලයෙන් වත්මන් ශූරයන් පරාජය වේ
2019 කෝපා ඇමරිකා තරගාවලියේ කාණ්ඩ තරග අද (25) අවසන් විය. අවසන් තරගය ලෙස පැවැත්වූ උරුගුවේ හා චිලී…
ආර්ජන්ටිනාව හා වෙනිසියුලාව
සුපිරි ක්‍රීඩක ලයනල් මෙසීගේ මෙන්ම ලොව පුරා ආර්ජන්ටිනා රසිකයින්ගේ ද බලාපොරොත්තු තව දුරටත් දල්වමින් ආර්ජන්ටිනාව ගෝල 2-0ක් ලෙස වෙනිසියුලාව පරාජය කිරීමට සමත් විය. ඒ Lautaro Martinezගේ හා Giovani Lo Celsoගේ ගෝලවල පිහිටෙන්. ඒ අනුව පාපන්දු ලොවම කලඹමින් 2019 කෝපා ඇමරිකා පාපන්දු තරගාවලියේ පළමු අවසන් පූර්ව තරගයේ දී ආර්ජන්ටිනාව හා ප්‍රබල බ්‍රසීලය සමඟ තරග වදිනු ඇත.
මාර්ටිනේස් 10 වැනි මිනිත්තුවේ දී ආර්ජන්ටිනාව වෙනුවෙන් වාර්තා කළ ගෝලයත් සමඟ ඔහුගේ ජාත්‍යන්තර ගෝල සංඛ්‍යාව ගෝල 6ක් දක්වා ඉහළ ගිය අතර ඔහු තවමත් ක්‍රීඩා කර ඇත්තේ තරග 10ක් පමණක් වීම විශේෂත්වයක්.
දෙවන අර්ධයේ දී ආර්ජන්ටිනා කණ්ඩායම යම් පසුබෑමකට ලක්වූ නමුත් Lo Celso වෙනිසියුලා ගෝල රකින ක්‍රීඩක Wuilker Farinezගේ අත්වැරදීමක් උපයෝගී කර ගෙන අලංකාර ගෝලයක් වාර්තා කළේ ආර්ජන්ටිනා ජයග්‍රහණය ස්ථිර කරමින්. තරගය පැවැත්වුණේ මරකානා ක්‍රීඩාංගණයේ දීයි.
තරගයේ පළමු මිනිත්තුවේ සිටම ආර්ජන්ටිනා ක්‍රීඩකයින් ප්‍රබල ආක්‍රමණයක නිරත වූ අතර Sergio Aguero සමඟින් එක්වූ මාර්ටිනේස්, අගුවෙරෝගේ පන්දුව යොමු කිරීමකට ප්‍රහාරයක් එල්ල කළත් වෙනිසියුලා ගෝල රකින්නා එම අවස්ථාව ව්‍යර්ථ කරන්නට සමත් විය.
මෙසී හා Leandro Paredes ද කලින් සැලසුම් කරන ලද ප්‍රහාරයන් දෙකක් සාර්ථක කර ගනිමින් වෙනිසියුලා ආරක්ෂක ක්‍රීඩකයින් අපහසුවට ලක් කරන ලදි. German Pezzella අතින් අගනා අවස්ථාවක් ගිලිහී ගියේ දඬුවම් පහර චතුරශ්‍රය ඇතුළත සිටිය දී කිසිවෙකු ඔහුව නැවැත්වීමට නොසිටි අවස්ථාවකයි. කෙසේ වෙතත් ආර්ජන්ටිනාව වෙනුවෙන් මාර්ටිනේස් ඊට මිනිත්තු කිහිපයකට පසුව ගෝල ලබා ගැනීම ආරම්භ කළා.
ඉන්ටර් මිලාන් කණ්ඩායමේ මාර්ටිනේස් අගුවෙරෝට ඉලක්කය මගහැරී ආපසු ආ පන්දුව ක්ෂණිකව දැල වෙත යොමු කළේ පළමු ආර්ජන්ටිනා ගෝලය වාර්තා කරමින්. ඊට මිනිත්තු කිහිපයකට පසුව වෙනිසියුලා නායක රින්කොන්ට හා යන්ගෙල් හරෙරා හට කහ කාඩ් පත් හිමි වූයේ ඔවුන්ගේ සුපුරුදු රිද්මය බිඳී ගිය බව පෙන්නුම් කරමින්.
40 වැනි මිනිත්තුවේ දී වෙනිසියුලා ක්‍රීඩක Jhon Chancellor හට ගෝල රැස් කිරීමට ලැබුණු අවස්ථාවක් මගහැරී ගිය අතර මෙසී හා මාර්කෝස්ගේ අලංකාර පන්දු හුවමාරුවක් ලබා ගත් මාර්ටිනේස් ගෝලයක් සඳහා ප්‍රබල උත්සහයක් දැරූ නමුත් එම අවස්ථාව වෙනිසියුලා ගෝල රකින්නා ව්‍යර්ථ කර දැමුවා.
පළමු අර්ධය: ආර්ජන්ටිනාව 01 – 00 වෙනිසියුලාව
දෙවන අර්ධය ආරම්භයත් සමඟ 48 වැනි මිනිත්තුවේ දී Paredesගේ පන්දු පිරිනැමීමකින් මාර්ටිනේස් ගෝලයක් සඳහා ප්‍රබල උත්සහයක් දැරූ මුත්, ඔහුගේ සමබරතාව ගිලිහි යෑම නිසා එම අවස්ථාවත් සාර්ථක වූයේ නැහැ.
දෙවන අර්ධයේ 60 වැනි මිනිත්තුවට ආසන්නයේ දී වෙනිසියුලාව ප්‍රබල ආක්‍රමණයන් දියත් කිරීම ඇරඹූ අතර තරගයේ පළමු වතාවට ආර්ජන්ටිනා රිද්මය බිඳ වැටීම විශේෂත්වයක්.
රොනාල්ඩෝ හර්නෑන්ඩේස්ගේ ප්‍රහාරයක් ආර්ජන්ටිනා ගෝල රකින ක්‍රීඩක අර්මානි රැකගත්තේ දැඩි අපහසුවෙන්. අනතුරුව ආර්ජන්ටිනා පුහුණුකරු තරගය පුරා ඉතා හොඳින් ක්‍රීඩා කළ මාර්ටිනේස් හා Acuna ක්‍රීඩා පිටියෙන් ඉවත් කිරීමට ප්‍රේක්ෂකයින්ගේ දැඩි විරෝධයක් එල්ල විය.
කෙසේ වෙතත් 74 වැනි මිනිත්තුවේ දී අගුවෙරෝගේ ප්‍රහාරයක් වෙනිසියුලා ගෝල රකින්නාට මගහැරුණු අතර Lo Celso පහසුවෙන් පන්දුව දැල් ගත කරන්නට සමත් විය.
අවසන් ලකුණු තත්වය: ආර්ජන්ටිනාව 02 – 00 වෙනිසියුලාව
- ලකුණු රැස් කළ ක්‍රීඩකයෝ
- ආර්ජන්ටිනාව – මාර්ටිනේස් (10), Lo Celso (74)
ආර්ජන්ටිනාව යාන්තමින් අවසන් 8 දෙනා අතරට
2019 කෝපා ඇමරිකා පාපන්දු තරගාවලියේ කාණ්ඩ අදියරේ අවසන් දින කිහිපයයි මේ ගතවන්නේ. අද (24) දිනයේ….
චිලී හා කොලොම්බියාව
ඇලෙක්සිස් සැන්චේස් තීරණාත්මක දඬුවම් පහර සාර්ථක කර ගැනීමත් සමඟ චීලි කණ්ඩායම කොලොම්බියාව දඬුවම් පහර 5-4ක් ලෙස පරාජය කරමින් අවසන් පූර්ව වටයට පිවිසෙන්නට සමත් වුනා.
මෙම තරගයත් එතරම් උණුසුම් තරගයක් නොවූ අතර කණ්ඩායම් දෙකම සිය සුපුරුදු රිද්මයට පිවිසීමට අසමත් වීම විශේෂත්වයක්. ගෝල රහිතව නියමිත කාලය අවසන් වීමත් විනිසුරුට දඬුවම් පහර අවස්ථා සඳහා යොමු වීමට සිදු විය. තරගය පැවැත්වුණේ සාවෝ පාවුලෝ හිදීයි.
චිලි කණ්ඩායම දෙවරක් පන්දුව දැල තුළට යොමු කළේ Charles Aranguizගේ හා අරුටෝ විඩාල්ගේ ප්‍රහාරයන් මගින්. කෙසේ වෙතත් VAR තාක්ෂණය භාවිතයෙන් පසු එම අවස්ථා දෙකම ව්‍යර්ථ වීම විශේෂත්වයක්.
කෙසේ වෙතත් ඔවුන් දඬුවම් පහරවල දී තමන්ට මගහැරුණු අවස්ථා යළි සාර්ථක කර ගත්තේ ගෝල 5-4ක් ලෙස කොලොම්බියාව පරාජය කරමින්. විලියම් ටෙසිල්ලෝ අවාසනාවන්ත ලෙස කොලොම්බියාව වෙනුවෙන් වටිනා දඬුවම් පහරක් අපතේ යැව්වේ කොලොම්බියා බලාපොරොත්තු බිඳිමින්.
12 වැනි මිනිත්තුවේ දී Aranguiz අලංකාර ලෙස හිසෙන් කළ පන්දු ප්‍රහාරයක් කොලොම්බියා ගෝල රකින ක්‍රීඩක ඩේවිඩ් ඔස්පිනා ව්‍යර්ථ කළේ ගුවනේ පාවී යමින්.
Aranguiz ඊට මිනිත්තු හතරකට පසුව තවත් ඉතා ආසන්න අවස්ථාවක් උදා කර ගැනීමට සමත් වුනා.
Sanchez ව ආරක්ෂා කිරීමට Jean Beausejour හා ගෝල රකින ක්‍රීඩක ඩේවිඩ් ඔස්පිනා උත්සහ කළ අතර Sanchez හරස් පන්දු යොමු කිරීම Aranguiz අලංකාර ලෙස දැල වෙත යොමු කිරීමට සමත් විය.
කෙසේ වෙතත් එම ගෝලය OFF SIDE අවස්ථාවකට හසු වූ බව පවසමින් විනිසුරු VAR ඔස්සේ එම ගෝලය නිෂ්ප්‍රභා කළේය.
මැකාවූ පාඩමක් ඉගෙන ගනිද්දී ලංකාව ඉදිරියට
‘FIFA’ පාපන්දු ලෝක කුසලාන තරගාවලියේ සහ 2023 ‘AFC’ ආසියානු තරගාවලියේ සුදුසුකම් ලබා ගැනීමේ මූලික පළමු….
පළමු අර්ධයේ කණ්ඩායම් දෙකටම කිසිදු රිද්මයක් නොතිබුණු අතර 35 වැනි මිනිත්තුවේ දී Guillermo Maripan, Beausejourගේ හරස් පන්දු යොමු කිරීමක් ගෝල රාමුවට ඉහළින් ඉවතට යොමු කළ අතර චීලි කණ්ඩායම වෙනුවෙන් විඩාල්ගේ පන්දු ප්‍රහාරයක් ද ගෝල රාමුවට එපිටින් ඉවත ගියේය.
පළමු අර්ධය: කොලොම්බියාව 00 – 00 චිලී
71 වැනි මිනිත්තුවේ දී චිලී කණ්ඩායමේ බලාපොරොත්තු නැවතත් දැල්වුණේ විඩාල් තවත් නැවත වතාවක් පන්දුව දැල්ගත කිරීමත් සමඟයි.
විඩාල් අලංකාර ලෙස දඬුවම් පහර චතුරශ්‍රය ඇතුළත සිට දක්ෂ ලෙස පන්දුව දැල වෙත යොමු කළ නමුත් විනිසුරු VAR භාවිතා කර එම ගෝලයත් නිෂ්ප්‍රභා කළේ විඩාල්ට පන්දුව ලබා දීමට පෙර Sanchezගේ පන්දු යොමු කිරීම Maripanගේ අතෙහි ස්පර්ශ වූවා යැයි සලකමින්. නියමිත කාලය අවසන් වීම නිසා විනිසුරු තීරණය කළේ දඬුවම් පහර කරා යොමු වීමටයි.
දෙවැනි අර්ධය: කොලොම්බියාව 00 – 00 චිලී
Vidal, Eduardo Vargas, Erick Pulgar හා Aranguiz සිය දඬුවම් පහර අවස්ථා සාර්ථක කර ගත් අතර Tesillo කොලොම්බියාව වෙනුවෙන් දඬුවම් පහර අසාර්ථක කර ගත්තේ චිලී කණ්ඩායමට තීරණාත්මක දඬුවම් පහර ලබා දෙමින්. Sanchez පහසුවෙන් පස්වැනි හා අවසන් දඬුවම් පහර සාර්ථක කර ගත්තේ චිලී කණ්ඩායම අවසන් පූර්ව වටයට රැගෙන යමින්.
අවසන් ලකුණු තත්වය: චිලී 0 (5) – 0 (4) කොලොම්බියාව
>> පාපන්දු පුවත් සඳහා පිවිසෙන්න – පාපන්දු ක්‍රීඩා පිටුවට <<
