பங்களாதேஷ் அணிக்கு எதிரான முதலாவது டெஸ்ட் போட்டியில் ஆடும் தமது முதல் பதினொருவர் அணியினை அவுஸ்திரேலியா அறிவித்துள்ளது.
சாய் சுதர்ஷனுக்குப் பதிலாக இந்திய டெஸ்ட் குழாத்தில் சர்பராஸ் கான்
ஐ.சி.சி. இன் உலக டெஸ்ட சம்பியன்ஷிப்பிற்குள் அடங்கும் இந்த டெஸ்ட் தொடரின் முதல் போட்டியில் ஆஷஸ் டெஸ்ட் போட்டிகளின் போது ஏற்பட்ட தொடை உபாதையினால் பாதிக்கப்பட்டு அதில் இருந்து மீண்டுள்ள அனுபவ சுழற்பந்துவீச்சாளர் நதன் லயன் மீண்டும் டெஸ்ட் அணிக்கு திரும்பியுள்ளார்.
மேற்கிந்தியத் தீவுகள் சுற்றுப்பயணத்திற்குப் பிறகு கடந்த 12 மாதங்களாக டெஸ்ட் போட்டிகளில் விளையாடாமல் இருந்த ஹேசல்வூட், தற்போது மீண்டும் அணிக்குத் திரும்பியுள்ளார். ஹேசல்வூட் தவிர அணித் தலைவர் பேட் கம்மின்ஸ், மிச்சல் ஸ்டார்க் ஆகியோர் மூலம் ஆஸி. அணியின் பந்துவீச்சு பலப்படுத்தப்பட்டுள்ளது.
அணியின் துடுப்பாட்ட வரிசையை நோக்கும் போதும் அதில் சில முக்கிய மாற்றங்கள் செய்யப்பட்டுள்ளன. உஸ்மான் கவாஜாவின் ஓய்வைத் தொடர்ந்து, அறிமுக வீரரான ஜேக் வெதரால்ட், டிராவிஸ் ஹெட்டுடன் இணைந்து தொடக்க ஆரம்ப வீரராக களமிறங்கவுள்ளார்.
அதேவேளை மார்னஸ் லபுச்சேன் மற்றும் ஸ்டீவ் ஸ்மித் ஆகியோர் முறையே மூன்று மற்றும் நான்காம் இலக்கங்களிலும், கேமரூன் கிரீன் ஐந்தாம் இலக்கத்திலும் துடுப்பாட்ட வீரர்களாக களமிறங்க எதிர்பார்க்கப்படுகின்றது. விக்கெட்காப்பாளர் அலெக்ஸ் கெர்ரி, சகலதுறைவீரர் போ வெப்ஸ்டர் ஆகியோர் அணிக்கு கூடுதல் பலம் சேர்க்கவுள்ளனர்.
பங்களாதேஷ் அணிக்கு எதிரான முதல் டெஸ்ட் போட்டி நாளை (13) டார்வினில் தொடங்குகின்றது. இதன் மூலம் பல வருட இடைவெளிக்குப் பின்னர் டெஸ்ட் கிரிக்கெட் மீண்டும் இந்தப் பகுதிக்கு திரும்பியுள்ளது. பங்களாதேஷ் அணி இரண்டு போட்டிகள் கொண்ட டெஸ்ட் தொடரில் ஆஸி. வீரர்களை எதிர்கொள்வது குறிப்பிடத்தக்கது.
அவுஸ்திரேலிய பதினொருவர்: ஜேக் வெதரால்ட், டிராவிஸ் ஹெட், மார்னஸ் லபுச்சேன், ஸ்டீவ் ஸ்மித், கேமரூன் கிரீன், அலெக்ஸ் கெர்ரி, போ வெப்ஸ்டர், பேட் கம்மின்ஸ் (அணித்தலைவர்), மிச்சல் ஸ்டார்க், நதன் லயன், ஜோஷ் ஹேசல்வூட்
>>மேலும் கிரிக்கெட் செய்திகளைப் படிக்க<<
