தென்னாபிரிக்காவின் முன்னாள் முதல்தர கிரிக்கெட் வீரரும் பயிற்சியாளருமான மைக்கல் ஸ்மித், பாகிஸ்தான் ஆடவர் கிரிக்கெட் அணியின் புதிய துடுப்பாட்டப் பயிற்சியாளராக இரண்டு ஆண்டு ஒப்பந்த அடிப்படையில் நியமிக்கப்பட்டுள்ளதாக பாகிஸ்தான் கிரிக்கெட் வாரியம் (PCB) குறிப்பிட்டுள்ளது.
>>பிளே-ஓஃப் சுற்றுக்கு முன் முக்கிய வீரர்களை விடுவித்த LPL அணிகள்
46 வயது நிரம்பிய மைக்கல் ஸ்மித் பாகிஸ்தானின் மூவகை கிரிக்கெட் போட்டிகளுக்குமான அணிகளுக்கும் பயிற்சியளிப்பார் எனக் கூறப்பட்டிருக்கின்றது. மேற்கிந்தியத் தீவுகளுக்கு எதிரான முதல் டெஸ்ட் போட்டியில் பாகிஸ்தான் துடுப்பாட்ட சரிவுடன் படுதோல்வியடைந்ததைத் தொடர்ந்து அவர்களுக்கென ஒரு சிறப்பு துடுப்பாட்டப் பயிற்சியாளர் ஒருவரின் தேவை அதிகரித்த நிலையிலையே மைக்கல் ஸ்மித் புதிய பொறுப்பினை ஏற்றிருக்கின்றார்.
ஒகஸ்ட் 19ஆம் திகதி ஆரம்பிக்கும் இங்கிலாந்துக்கு எதிரான மூன்று போட்டிகள் கொண்ட டெஸ்ட் தொடருக்கு முன்னதாக ஸ்மித் பாகிஸ்தான் அணியுடன் இணைவார் எனத் தெரிவிக்கப்பட்டிருக்கின்றது.
ஸ்மித் இதற்கு முன்னதாக பாகிஸ்தான் சுப்பர் லீக் (PSL) தொடரில் இஸ்லாமாபாத் யுனைடட், கராச்சி கிங்ஸ் மற்றும் முல்டான் சுல்தான்ஸ் ஆகிய அணிகளுடன் பணிபுரிந்ததன் மூலம் பாகிஸ்தான் கிரிக்கெட்டுடன் நெருக்கத்தினை கொண்டிருப்பதும் குறிப்பிடத்தக்கது. அத்துடன் இவர் அவுஸ்திரேலியாவின் ஹோபார்ட் ஹர்ரிகேன்ஸ் மற்றும் கிரிக்கெட் டாஸ்மேனியா அணிகளின் துடுப்பாட்டப் பயிற்சியாளராகவும் செயற்பட்டுள்ளமை சுட்டிக்காட்டத்தக்கது.
>>மேலும் கிரிக்கெட் செய்திகளைப் படிக்க<<
 குறிப்பிட்டுள்ளது.){kind=link}