பங்களாதேஷிற்கு எதிரான இரண்டு போட்டிகள் கொண்ட டெஸ்ட் தொடருக்கான 13 பேர் கொண்ட அவுஸ்திரேலிய குழாம் வெளியிடப்பட்டுள்ளது.
>>இலங்கைத் தொடருக்கான பாகிஸ்தான் மகளிர் ஒருநாள், T20I குழாம் அறிவிப்பு<<
வெளியிடப்பட்டிருக்கும் குழாத்தில் முக்கிய பந்துவீச்சாளர்களான ஜோஸ் ஹேசல்வூட், நதன் லயன் மற்றும் அணித்தலைவர் பேட் கம்மின்ஸ் ஆகிய மூவரும் மீண்டுள்ளனர். கடந்த ஆஷஸ் தொடரில் முழுமையாக பங்கேற்க முடியாமல் போயிருந்த இந்த முன்னணி பந்துவீச்சாளர்கள் மீண்டும் அணிக்கு திரும்பியிருப்பது ஆஸி. தரப்பிற்கு பலம் சேர்த்துள்ளது.
முன்னணி வேகப்பந்துவீச்சாளர்கள் மீண்டும் திரும்பியதைத் தொடர்ந்து, மைக்கல் நெஸ்ஸர் மற்றும் ப்ரண்டன் டக்கெட் ஆகியோர் அணியில் இருந்து விடுவிக்கப்பட்டுள்ளனர். எனினும் ஆஸி. அணிக்கு மேலதிக வீரர்கள் தேவைப்பட்டால் இவர்கள் எப்போது வேண்டுமானாலும் அழைக்கப்படலாம் எனத் தெரிவிக்கப்பட்டுள்ளது.
ஐ.சி.சி. உலக டெஸ்ட் சம்பியன்ஷிப்பின் ஒரு பகுதியாக நடைபெறும் இந்த இரண்டு டெஸ்ட் போட்டிகளும் டார்வின் (ஒகஸ்ட் 13-17) மற்றும் மேக்கே (ஒகஸ்ட் 22-26) ஆகிய மைதானங்களில் நடைபெறவுள்ளன.
தற்போது அவுஸ்திரேலியா ஐ.சி.சி. உலக டெஸ்ட் சம்பியன்ஷிப்பிற்காக 8 போட்டிகளில் விளையாடி, 7 வெற்றிகள் மற்றும் ஒரு தோல்வியுடன் 87.50 சதவீதப் புள்ளிகளுடன் தரவரிசையில் முதலிடத்தில் உள்ளது.
ஆஸி. டெஸ்ட் குழாம்
பேட் கம்மின்ஸ் (தலைவர்), ஸ்கொட் போலண்ட், அலெக்ஸ் கெர்ரி, கேமரூன் கிரீன், ஜோஷ் ஹேசல்வூட், டிராவிஸ் ஹெட், ஜோஷ் இங்லீஸ், மார்னஸ் லபுச்சேன், நதன் லயன், ஸ்டீவ் ஸ்மித், மிச்சல் ஸ்டார்க், ஜேக் வெதரால்ட், போ வெப்ஸ்டர்
>>மேலும் கிரிக்கெட் செய்திகளைப் படிக்க<<
