26 ஆண்டுகால இலங்கை சாதனையை முறியடித்தார் அயோமால் அகலங்க

சீனாவில் நடைபெற்று வரும் ஆசிய 23 வயதுக்குட்பட்டோருக்கான (U-23) தடகள சம்பியன்ஷிப் 2026 தொடரில், ஆண்களுக்கான 400 மீற்றர் தடைதாண்டல் ஓட்டப் போட்டியில் இலங்கையின் இளம் வீரர் அயோமால் அகலங்க லியனகே வெள்ளிப் பதக்கம் வென்று சாதனை படைத்துள்ளார். அத்துடன், 26 ஆண்டுகள் பழமையான இலங்கையின் தேசிய சாதனையை முறியடித்து அவர் புதிய வரலாற்றைப் படைத்துள்ளார்.

9 வீரர்கள் பங்கேற்ற இப்போட்டியில் 7ஆவது சுவட்டில் ஓடிய 20 வயதான அயோமால் அகலங்க, போட்டித் தூரத்தை 49.03 செக்கன்களில் கடந்து தனது தனிப்பட்ட சிறந்த காலப்பதிவை பதிவு செய்தார். இப்போட்டியில் முதலிடத்தைப் பிடித்த சீனாவின் சின்ஃபெங் சூ 48.68 செக்கன்களில் போட்டித் தூரத்தைக் கடந்து, புதிய போட்டி சாதனையுடன் தங்கப் பதக்கத்தைக் கைப்பற்றினார்.

• ரமேஷ் தரங்கவின் ஒலிம்பிக் பயணத்திற்கு உஸ்வத்த பிஸ்கட் நிறுவனம் அனுசரணை
• முதன்முறையாக 39 செக்கன்களுக்குள் ஓடி இலங்கை அஞ்சலோட்ட அணி சாதனை

இதன் மூலம், கடந்த 2000ஆம் ஆண்டு ஆகஸ்ட் 31ஆம் திகதி இந்தோனேசியாவின் ஜகார்த்தாவில் நடைபெற்ற ஆசிய சாம்பியன்ஷிப் தொடரில் ஹரிஜன் ரத்நாயக்க நிலைநாட்டியிருந்த 49.44 செக்கன்கள் என்ற தேசிய சாதனையை அயோமால் அகலங்க 26 ஆண்டுகளுக்குப் பிறகு முறியடித்துள்ளார். அன்று ஹரிஜன் ரத்நாயக்க ஆசிய மட்டத்தில் வெள்ளிப் பதக்கம் வென்றதுடன், சிட்னி ஒலிம்பிக் போட்டிக்கும் தகுதி பெற்றிருந்தார் என்பது குறிப்பிடத்தக்கது.

26 ஆண்டுகால நீண்ட இடைவெளிக்குப் பிறகு, 49.03 செக்கன்களில் போட்டியை நிறைவு செய்து இந்த வரலாற்றுச் சாதனையை தன்வசப்படுத்தியுள்ள அயோமால், மில்லி வினாடி வித்தியாசத்தில் சீனாவின் அனான் யே என்பவரைப் பின்னுக்குத் தள்ளி வெண்கலப் பதக்கத்தை வென்றார். இந்த வெற்றியானது அவரது பிரகாசமான எதிர்கால தடகள வாழ்க்கைக்கு ஒரு சிறந்த ஆரம்பமாக அமைந்துள்ளது.

இதேவேளை, பெண்களுக்கான 400 மீற்றர் ஓட்டப் போட்டியில் பங்கேற்ற இலங்கையின் ஜித்மா விஜேதுங்க போட்டித் தூரத்தை 53.10 செக்கன்களில் கடந்து வெண்கலப் பதக்கத்தை வென்றார். இது அவரது தனிப்பட்ட சிறந்த காலப்பதிவாகும். இப்போட்டியில் உஸ்பெகிஸ்தானின் ஜோன்பிபி {ஹக்மோவா (51.19 செக்.) தங்கப் பதக்கத்தையும், பிலிப்பைன்ஸின் நவோமி ஜான்சன் (52.34 செக்.) வெள்ளிப் பதக்கத்தையும் வென்றனர்.

>>மேலும் பல மெய்வல்லுனர் செய்திகளைப் படிக்க<<