16ஆவது பருவத்திற்கான பிக் பேஷ் லீக் (BBL) T20 தொடரின் முதல் போட்டி சென்னையில் இடம்பெறும் எனத் தெரிவிக்கப்பட்டிக்கின்றது.
அதன்படி அவுஸ்திரேலியாவின் உள்ளூர் T20 லீக் தொடரான BBL தொடரின் போட்டியொன்று முதல் தடவை அவுஸ்திரேலிய மண்ணுக்கு வெளியே நடைபெறுவது இதுவே முதல் தடவையாகும்.
>>டெஸ்ட் தொடர் வென்ற போதும் அபாரதம் பெறும் மேற்கிந்திய தீவுகள்<<
மெல்பர்ன் ரெனகேட்ஸ் மற்றும் பேர்த் ஸ்கொச்சர்ஸ் அணிகள் இடையிலான BBL போட்டியே இவ்வாறு சென்னையில் ஒழுங்கு செய்யப்பட்டுள்ளது.
இப் போட்டியில் மெல்பர்ன் ரெனகேட்ஸ் அணி சென்னையின் அதிகாரப்பூர்வ ஹோம் அணியாகச் செயற்படும் எனத் தெரிவிக்கப்பட்டுள்ளது.
2026ஆம் ஆண்டின் டிசம்பர் மாதம் 12ஆம் திகதி நடைபெற உறுதி செய்யப்பட்டுள்ள இந்தப் போட்டி தொடர்பான அறிவிப்பை அவுஸ்திரேலிய பிரதமர் அந்தோனி அல்பானிஸ் மற்றும் இந்திய பிரதமர் நரேந்திர மோடி ஆகியோர் மெல்பெர்ன் கிரிக்கெட் மைதானத்தில் நடைபெற்ற இருதரப்பு சந்திப்பின் போது இந்த முக்கிய அறிவிப்பை அதிகாரப்பூர்வமாக வெளியிட்டனர்.
அதேநேரம் இந்தப் போட்டி அவுஸ்திரேலியாவின் நேர நிலைமைகளைக் கருத்திற் கொண்டு இந்திய நேரப்படி மதியம் 2:40 மணிக்கு தொடங்கும் எனவும் கூறப்பட்டுள்ளது.
இதேநேரம் BBL போட்டி, இந்தியா மற்றும் ஆஸ்திரேலியா இடையிலான கலாச்சார மற்றும் விளையாட்டு உறவுகளை வலுப்படுத்தும் ‘G’day Namaste’ என்ற திட்டத்தின் ஒரு பகுதியாக நடத்தப்படுகின்றமை சுட்டிக்காட்டத்தக்கது.
>>மேலும் கிரிக்கெட் செய்திகளைப் படிக்க<<
 T20 தொடரின் முதல் போட்டி சென்னையில் இடம்பெறும் எனத் தெரிவிக்கப்பட்டிக்கின்றது.){kind=link}