ஜிம்பாப்வே அணிக்கு எதிரான மூன்று போட்டிகள் கொண்ட T20 தொடருக்கான இந்திய கிரிக்கெட் குழாத்தை இந்திய கிரிக்கெட் கட்டுப்பாட்டு வாரியம் (BCCI) அறிவித்துள்ளது.
>>இலங்கைக்கு சவால் வழங்கும் மே.இ.தீவுகள் ஜோடியின் இணைப்பாட்டம்<<
அதன்படி வெளியிடப்பட்டுள்ள குழாத்தில் T20 உலகக் கிண்ணத் தொடரில் சிறப்பாக விளையாடி தொடர் நாயகன் விருது வென்று அதற்குப் பிறகு T20 போட்டிகளில் சோபிக்கத் தவறி வருகின்ற சஞ்சு சாம்ஷன் அணியில் இருந்து நீக்கப்பட்டுள்ளார்.
இந்த நிலையில் அதிரடி வீரர் ரிங்கு சிங் மற்றும் வேகப்பந்துவீச்சாளர் மயங்க் யாதவ் ஆகியோர் மீண்டும் T20 அணிக்குத் திரும்பியுள்ளனர்.
உள்ளூர் போட்டிகள் மற்றும் IPL தொடரில் சிறப்பாக செயற்பட்ட பிரப்சிம்ரன் சிங், யாஷ் தாக்கூர் மற்றும் அசோக் ஷர்மா ஆகியோருக்கு முதன் முறையாக இந்திய T20 அணியில் வாய்ப்பு கிடைத்துள்ளது.
ஜிம்பாப்வே தொடருக்கு ஸ்ரேயாஸ் ஐயர் தலைவராகவும், திலக் வெர்மா பிரதி தலைவராகவும் நியமிக்கப்பட்டுள்ளனர்.
இந்திய – ஜிம்பாப்வே அணிகள் இடையிலான T20 தொடரின் போட்டிகள் ஜூலை 23 முதல் ஜூலை 26 வரை ஹராரேவில் நடைபெறவிருக்கின்றன.
ஜிம்பாப்வே தொடருக்கான இந்திய T20 அணி
ஷ்ரேயாஸ் ஐயர் (தலைவர்), வைபவ் சூர்யவன்ஷி, அபிஷேக் ஷர்மா, திலக் வர்மா (துணை தலைவர்), இஷான் கிஷான், சிவம் தூபே, சூர்யான்ஷ் ஷெட்ஜ், ரிங்கு சிங், ஹர்ஷ் துபே, வருண் சக்கரவர்த்தி, பிரின்ஸ் யாதவ், யாஷ் தாக்கூர், அசோக் ஷர்மா, மயங்க் யாதவ், பிரப்சிம்ரன் சிங்
>>மேலும் கிரிக்கெட் செய்திகளைப் படிக்க<<
 அறிவித்துள்ளது.){kind=link}