சுற்றுலா இலங்கை – மேற்கிந்திய தீவுகள் இடையிலான இரண்டாவது டெஸ்ட் போட்டியின் முதல்நாள் ஆட்டநிறைவில், இலங்கைத் தரப்பானது லஹிரு உதாரவின் மிரட்டல் சதத்துடன் வலிமை அடைந்திருக்கின்றது.
>>இங்கி. ஒருநாள் அணியின் ஆரம்ப துடுப்பாட்ட வீரராகும் இளம் சகலதுறை வீரர்<<
அன்டிகுவாவில் இடம்பெற்று வருகின்ற இந்த டெஸ்ட் போட்டி முதல் போட்டியில் படுதோல்வி அடைந்த இலங்கை வீரர்களுக்கு தீர்மானம் கொண்டதாக அமைந்திருந்தது. தொடரில் மேற்கிந்திய தீவுகள் 1-0 என முன்னிலை அடைந்திருந்த சந்தர்ப்பத்தில், இலங்கை முன்னணி வீரர்கள் சிலரின் உபாதை என மூன்று மாற்றங்களுடன் இப்போட்டியில் களமிறங்கியது.
இலங்கை அணியின் ஆரம்ப வீரராக இப்போட்டியில் பெதும் நிஸ்ஸங்கவிற்குப் பதிலாக லஹிரு உதாரவும், லஹிரு குமாரவிற்குப் பதிலாக இசித விஜேசுந்தரவும், கசுன் ராஜிதவிற்குப் பதிலாக பிரபாத் ஜயசூரியவும் இலங்கை குழாத்தில் உள்வாங்கப்பட்டிருந்தனர்.
இலங்கை XI:
நிஷான் மதுஷ்க, லஹிரு உதார, தினேஷ் சந்திமால், கமிந்து மெண்டிஸ், தனஞ்சய டி சில்வா (தலைவர்), குசல் மெண்டிஸ், சொனால் தினுஷ, மிலான் ரத்நாயக்க, இசித விஜேசுந்தர, பிரபாத் ஜயசூரிய, அசித பெர்னாண்டோ
போட்டியின் நாணய சுழற்சியில் வென்ற இலங்கை அணியின் தலைவர் தனஞ்சய டி சில்வா மைதானத்தின் நிலையினைக் கருத்திற்கொண்டு, முதலில் துடுப்பாட்டத்தினை தெரிவு செய்தார்.
>>LPL 2026 தொடர் டிக்கட் விற்பனை ஆரம்பம்<<
முதலில் துடுப்பாடத் தொடங்கிய இலங்கை அணியின் ஆரம்ப வீரர்களில் நிஷான் மதுஷ்க இம்முறையும் மோசமான ஆட்டத்தினை வெளிப்படுத்தியிருந்தார். பொயின்ட் திசையில் ஷமார் ஜோசேப்பின் பந்தை கட் செய்த அவர் பிடியெடுப்பை வழங்கி வெறும் 06 ஓட்டங்களுடன் ஆட்டமிழந்தார்.
இதன் பின்னர் புதிய வீரராக வந்த தினேஷ் சந்திமாலும் வெறும் ஒரு ஓட்டத்துடன் ஓய்வறை செல்ல இலங்கை ஒரு கட்டத்தில் 25 ஓட்டங்களுக்கு 2 விக்கெட்டுக்களை இழந்து தடுமாறியது.
இந்த நிலையில் மிகவும் பொறுப்பாக ஆடத் தொடங்கிய ஏனைய ஆரம்பத் துடுப்பாட்ட வீரர் லஹிரு உதார மற்றும் கமிந்து மெண்டிஸ் மூன்றாம் விக்கெட்டுக்காக மிகப் பெரிய இணைப்பாட்டம் ஒன்றினை உருவாக்கியதோடு, அது முதல் நாளின் தேநீர் இடைவேளை வரை நீடித்தது. தேநீர் இடைவேளைக்கு சற்று முன்னர் லஹிரு உதார தன்னுடைய கன்னி டெஸ்ட் சதத்தினையும் விளாசியிருந்தார்.
215 ஓட்டங்கள் வரை நீடித்த இலங்கை அணியின் மூன்றாம் விக்கெட் இணைப்பாட்ட நிறைவில் இலங்கை அணியின் மூன்றாம் விக்கெட்டாக ஆட்டமிழந்த கமிந்து மெண்டிஸ் தன்னுடைய 6ஆவது டெஸ்ட் அரைச்சதத்துடன் 84 ஓட்டங்கள் பெற்றார்.
கமிந்து மெண்டிஸின் பின்னர் லஹிரு உதார தன்னுடைய சதத்தினை இரட்டைச் சதமாக மாற்ற முயற்சி செய்து, நான்காம் விக்கெட் இணைப்பாட்டமாக 93 ஓட்டங்களை தனஞ்சய டி சில்வாவுடன் பகிர்ந்து ஆட்டமிழந்தார்.
லஹிரு உதாரவின் பின்னர் தனஞ்சய டி சில்வாவும் 33 ஓட்டங்களுடன் ஆட்டமிழந்து செல்ல, முதல் நாள் ஆட்டம் 83 ஓவர்களுடன் நிறைவடைந்தது.
முதல் நாள் ஆட்டம் நிறைவுக்கு வரும் போது இலங்கை அணியானது 83 ஓவர்கள் நிறைவில் 5 விக்கெட்டுக்களை இழந்து 338 ஓட்டங்களுடன் காணப்படுகின்றது.
>>இலங்கை வரும் இந்திய டெஸ்ட் அணி; போட்டி அட்டவணை வெளியீடு<<
இலங்கை அணியின் துடுப்பாட்டத்தில் இந்தப் போட்டி மூலம் தனது சிறந்த டெஸ்ட் இன்னிங்ஸ் ஆட்டத்தினைப் பதிவு செய்த லஹிரு உதார 5 சிக்ஸர்கள் மற்றும் 21 பௌண்டரிகள் அடங்கலாக 188 ஓட்டங்கள் பெற்றிருந்தார்.
மேற்கிந்திய தீவுகள் பந்துவீச்சில் ஷமார் ஜோசேப் 2 விக்கெட்டுக்களை கைப்பற்றியமை குறிப்பிடத்தக்கது.
போட்டியின் சுருக்கம்
Stumps
| Batsmen | R | B | 4s | 6s | SR | |
|---|---|---|---|---|---|---|
| Nishan Madushka | c Brandon King b Shamar Joseph | 6 | 11 | 1 | 0 | 54.55 |
| Lahiru Udara | c Shamar Joseph b Alzarri Joseph | 188 | 248 | 21 | 5 | 75.81 |
| Dinesh Chandimal | c Brandon King b Shamar Joseph | 1 | 15 | 0 | 0 | 6.67 |
| Kamindu Mendis | st Shai Hope b Justin Greaves | 84 | 120 | 11 | 0 | 70.00 |
| Dhananjaya de Silva | c John Campbell b Jayden Seales | 33 | 90 | 2 | 0 | 36.67 |
| Kusal Mendis | b Anderson Phillip | 69 | 115 | 8 | 3 | 60.00 |
| Sonal Dinusha | c Brandon King b Kavem Hodge | 92 | 166 | 12 | 0 | 55.42 |
| Milan Rathnayake | c Justin Greaves b Roston Chase | 15 | 43 | 0 | 0 | 34.88 |
| Prabath Jayasuriya | not out | 17 | 22 | 1 | 0 | 77.27 |
| Isitha Wijesundara | c John Campbell b Jayden Seales | 14 | 14 | 1 | 1 | 100.00 |
| Extras | 30 (b 1 , lb 14 , nb 7, w 8, pen 0) |
| Total | 549/9 (139.3 Overs, RR: 3.94) |
| Bowling | O | M | R | W | Econ | |
|---|---|---|---|---|---|---|
| Jayden Seales | 25.3 | 5 | 98 | 2 | 3.87 | |
| Shamar Joseph | 23 | 4 | 98 | 2 | 4.26 | |
| Alzarri Joseph | 21 | 4 | 98 | 1 | 4.67 | |
| Anderson Phillip | 19 | 0 | 72 | 1 | 3.79 | |
| Justin Greaves | 18 | 2 | 43 | 1 | 2.39 | |
| Roston Chase | 29 | 2 | 99 | 1 | 3.41 | |
| Kavem Hodge | 4 | 0 | 26 | 1 | 6.50 | |
| Batsmen | R | B | 4s | 6s | SR | |
|---|---|---|---|---|---|---|
| John Campbell | c Dinesh Chandimal b Asitha Fernando | 72 | 154 | 9 | 2 | 46.75 |
| Brandon King | c Kamindu Mendis b Asitha Fernando | 17 | 26 | 3 | 0 | 65.38 |
| Kavem Hodge | c Kamindu Mendis b Prabath Jayasuriya | 31 | 139 | 2 | 0 | 22.30 |
| Amir Jangoo | c Nishan Madushka b Prabath Jayasuriya | 9 | 15 | 1 | 0 | 60.00 |
| Shai Hope | not out | 86 | 173 | 9 | 0 | 49.71 |
| Justin Greaves | not out | 85 | 162 | 10 | 0 | 52.47 |
| Extras | 18 (b 8 , lb 1 , nb 3, w 6, pen 0) |
| Total | 318/4 (111 Overs, RR: 2.86) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 25 | 3 | 74 | 2 | 2.96 | |
| Isitha Wijesundara | 25 | 2 | 90 | 0 | 3.60 | |
| Milan Rathnayake | 19 | 4 | 49 | 0 | 2.58 | |
| Prabath Jayasuriya | 36 | 6 | 77 | 2 | 2.14 | |
| Dhananjaya de Silva | 2 | 1 | 3 | 0 | 1.50 | |
| Sonal Dinusha | 4 | 0 | 16 | 0 | 4.00 | |
>>மேலும் கிரிக்கெட் செய்திகளைப் படிக்க<<
