இலங்கைக்கு சுற்றுப்பயணம் மேற்கொண்டுள்ள நியூசிலாந்து மற்றும் இலங்கை A கிரிக்கெட் அணிகள் இடையிலான ஒருநாள் தொடரின் இறுதிப் போட்டியில் 4 விக்கெட்டுக்களால் வெற்றியினைப் பதிவு செய்திருப்பதோடு மூன்று போட்டிகள் கொண்ட ஒருநாள் தொடரிலும் நியூசிலாந்து அணியினை 3-0 என வைட்வொஷ் செய்திருக்கின்றது.
இலங்கை A அணிக்கு முதல் ஒருநாள் போட்டியில் அபார வெற்றி
ஒருநாள் தொடரில் இலங்கை இலங்கை A அணியானது 2-0 என முன்னிலை பெற்றிருக்க தீர்மானம் கொண்ட ஒருநாள் தொடரின் இறுதிப் போட்டி இன்று ஹம்பாந்தோட்டை சூரியவவ மைதானத்தில் ஆரம்பமாகியிருந்தது.
முன்னதாக போட்டியின் நாணய சுழற்சியில் வென்ற நியூசிலாந்து A அணியானது நிர்ணயிக்கப்பட்ட 50 ஓவர்கள் நிறைவில் 7 விக்கெட்டுக்களை இழந்து 302 ஓட்டங்களைக் குவித்தது. நியூசிலாந்து A முஹம்மது அப்பாஸ் 4 சிக்ஸர்கள் மற்றும் 7 பௌண்டரிகள் அடங்கலாக 112 ஓட்டங்களை ஆட்டமிழக்காமல் பெற்றார். அவருக்குப் பக்கபலமாக விளையாடிய மெதிவ் போயல் 80 பந்துகளில் 12 பௌண்டரிகள் அடங்கலாக 85 ஓட்டங்களைச் சேர்த்தார்.
இலங்கை A அணி சார்பில் பந்துவீச்சில் விஜயகாந்த் வியாஸ்காந்த் 46 ஓட்டங்களுக்கு 2 விக்கெட்டுக்களைக் கைப்பற்றினார். அதேவேளை டில்ஷான் மதுஷங்க, மொஹமட் ஷிராஸ் மற்றும் மிலான் ரத்நாயக்க ஆகியோர் தலா ஒரு விக்கெட் வீதம் வீழ்த்தினர்.
பின்னர் 303 என்கிற கடின வெற்றி இலக்கை நோக்கிப் பதிலுக்குத் துடுப்பாடிய இலங்கை A அணியானது, 46.2 ஓவர்கள் நிறைவில் 6 விக்கெட்டுக்களை மாத்திரம் இழந்து 303 ஓட்டங்களுடன் போட்டியில் வெற்றியினைப் பதிவு செய்தது. இலங்கை A அணியின் வெற்றியினை உறுதி செய்த ஆரம்ப துடுப்பாட்ட வீரர் கமில் மிஷார 83 ஓட்டங்களைப் பெற்று அணிக்குச் சிறந்த அடித்தளமிட்டார்.
சகலதுறையிலும் பிரகாசித்த இலங்கை 19 வயதின் கீழ் மகளிர் அணிக்கு முதல் வெற்றி
இதேவேளை பவன் ரத்நாயக்க 62 பந்துகளுக்கு 77 ஓட்டங்களையும், இறுதிவரை களத்தில் இருந்த அஹான் விக்ரமசிங்க 52 பந்தகளுக்கு 7 பௌண்டரிகள் அடங்கலாக 64 ஓட்டங்களையும் பெற்றிருந்தார்.
நியூசிலாந்து A அணியின் பந்துவீச்சு சார்பில் சைமன் கீனே 54 ஓட்டங்களுக்கு 4 விக்கெட்டுக்களைக் கைப்பற்றிய போதிலும் அணியின் தோல்வியைத் தவிர்க்க முடியாமல் போனது.
ஒருநாள் தொடரில் வெற்றி பெற்றிருக்கும் இலங்கை A அணியானது அடுத்ததாக இரு போட்டிகள் கொண்ட நான்கு நாட்கள் கொண்ட உத்தியோகபூர்வமற்ற டெஸ்ட் தொடரில் பங்கேற்கின்றமை குறிப்பிடத்தக்கது.
போட்டியின் சுருக்கம்
>>மேலும் கிரிக்கெட் செய்திகளைப் படிக்க<<
