இலங்கை மற்றும் இந்தியாவில் நாளை (07) ஆரம்பமாகும் 2026ஆம் ஆண்டுக்கான ஐ.சி.சி ஆடவர் T20 உலகக் கிண்ணத் தொடரிலிருந்து அவுஸ்திரேலிய வேகப்பந்துவீச்சாளர் ஜோஷ் ஹேசல்வூட் விலகியுள்ளதாக தெரிவிக்கப்பட்டிருக்கின்றது.
>>T20 உலகக் கிண்ணத்துக்கான டிக்கெட் விற்பனை நிலையங்கள் திறப்பு<<
தசை உபாதைக்கு உட்பட்டிருந்த போதும் T20 உலகக் கிண்ணத் தொடரிற்கான அவுஸ்திரேலிய அணியில் பெயரிடப்பட்டிருந்த ஜோஷ் ஹேசல்வூட், சுப்பர் 8 சுற்றுக்கு முன்னதாக பூரண உடற்தகுதியினைப் பெற்று ஆஸி. அணியில் இணைவார் என எதிர்பார்க்கப்பட்டது.
எனினும் தற்போதைய சூழலில் அவரை விரைவாக விளையாட வைப்பது அதிக ஆபத்தை ஏற்படுத்தும் என்று அவுஸ்திரேலிய தெரிவுக் குழு உறுப்பினரான டோனி டோடெமெய்ட் தெரிவித்துள்ளதோடு, அவர் இதன் காரணமாகவே தொடரிலிருந்து விலக்கப்பட்டுள்ளதாகவும் கூறப்பட்டிருக்கின்றது.
அதேநேரம் ஹேசல்வூட்டுக்கு பதிலாக மாற்று வீரரை உடனடியாக அறிவிக்கப்போவதில்லை என்றும், தொடரில் அணியில் முன்னேற்றம் மற்றும் தேவையைப் பொறுத்து பின்னர் முடிவெடுக்கப்படும் என்றும் டோனி டோடெமெய்ட் குறிப்பிட்டிருக்கின்றார்.
ஏற்கனவே அவுஸ்திரேலிய அணியில் இருந்து பேட் கம்மின்ஸ் காயம் காரணமாக விலகியுள்ள நிலையில், ஹேசல்வூடின் இந்த விலகல் அவுஸ்திரேலிய அணிக்கு மற்றுமொரு பின்னடைவாக அமைந்துள்ளது.
அவுஸ்திரேலியா T20 உலகக் கிண்ணத் தொடரின் முதல் போட்டியில் அயர்லாந்தினை எதிர்வரும் புதன்கிழமை (11) எதிர்கொள்கின்றமை சுட்டிக்காட்டத்தக்கது.
>>மேலும் கிரிக்கெட் செய்திகளைப் படிக்க<<
 ஆரம்பமாகும் 2026ஆம் ஆண்டுக்கான ஐ.சி.சி ஆடவர் T20 உலகக் கிண்ணத் தொடரிலிருந்து அவுஸ்திரேலிய வேகப்பந்துவீச்சாளர் ஜோஷ் ஹேசல்வூட் விலகியுள்ளதாக தெரிவிக்கப்பட்டிருக்கின்றது.){kind=link}