අංජුල, පසිඳු සහ නිමේෂ් අර්ධ ශතකවලින් සංග්‍රහ කරයි

ශ්‍රී ලංකා ක්‍රිකට් සංවිධානය කරන අන්තර් ක්‍රීඩා සමාජ Major Emerging ක්‍රිකට් තරගාවලියේ අවසන් පූර්ව වටයේ දෙවැනි දින වූ අද (20) පිතිකරුවන් ලෙසින් දක්ෂතා දැක්වීමට කවිශ්ක අංජුල, පසිඳු සූරියබණ්ඩාර සහ නිමේෂ් විමුක්ති සමත් වූහ. 

කවිඳු සහ සනෝජ් මේරියන්ස් ගොඩදායි

ශ්‍රී ලංකා ක්‍රිකට් සංවිධානය කරන අන්තර් ක්‍රීඩා සමාජ Major Emerging ක්‍රිකට්….

එස්. එස්. සී සහ කෝල්ට්ස් තරගය

කටුනායක නිදහස් වෙළෙඳ කලාප ක්‍රිකට් ක්‍රීඩාංගණයේ දී ආරම්භ වූ මෙම තරගයේ කාසියේ වාසිය දිනා ගත් එස්. එස්. සී. ක්‍රීඩකයෝ පළමුවෙන් පන්දුවට පහර දීමට පිටියට පිවිස තම පළමු ඉනිමට ලකුණු 128ක් ලබා ගත් අතර ඊට පිළිතුරු ලෙසින් කෝල්ට්ස් ක්‍රීඩකයෝ තම පළමු ඉනිමට සියලුම දෙනා දැවී ලකුණු 185ක් ලබා ගත්හ. 

තරගයේ පළමු දිනය අවසන් වන විට කෝල්ට්ස් ක්‍රීඩකයෝ කඩුලු 4ක් පමණක් දැවී ලකුණු 61ක් ලබා සිටි අතර අද දවසේ දී කෝල්ට්ස් ඉනිමට ප්‍රාණයක් එක් කළේ කවිශ්ක අංජුල ය. ඔහු පන්දු 80කට මුහුණ දෙමින් හතරේ පහර 5ක් සහ හයේ පහර 2ක් සමඟින් ලකුණු 64ක් ලබා ගත්තේය. ඊට අමතරව විශාද් රන්දික රැස් කළ ලකුණු සංඛ්‍යාව 34කි. ඔහුට ඒ වෙනුවෙන් පන්දු 55ක් වැය වූ අතර හතරේ පහර 3ක් එම ඉනිමේ අතුලත් විය. 

කෝල්ට්ස් ඉනිමට එරෙහිව ලකුණු 67කට කඩුලු 5ක් දවා ගැනීමට ආකාශ් සේනාරත්න සමත් වීම කැපී පෙණුනි. 

ලකුණු 57ක් පිටුපස සිටිමින් තම දෙවැනි ඉනිම ආරම්භ කළ එස්. එස්. සී. ක්‍රීඩකයෝ තරගයේ දෙවැනි දිනය අවසන් වන විට කඩුලු 8ක් දැවී ලකුණු 177ක් ලබා සිටියහ. එම ඉනිම වෙනුවෙන් පසිඳු සූරියබණ්ඩාර පන්දු 112කට මුහුණ දෙමින් හතරේ පහර 9ක් සමඟින් නොදැවී ලකුණු 69ක් ලබා සිටියේය. 

එස්. එස්. සී. දෙවැනි ඉනිමේ කඩුලු 4ක් ලකුණු 73කට දවා ගැනීමට ප්‍රවීන් ජයවික්‍රම සමත් වූයේය. 

එස්. එස්. සී.; පළමු ඉනිම සියලුම දෙනා දැවී 128 (39.2): සොහාන් ද ලිවේරා 25, ක්‍රිශාන් සංජුල 28, ආකාශ් සේනාරත්න 20, තෙවිඳු සේනාරත්න 17, කවිශ්ක අංජුල 2/36, ධනංජය ලක්ෂාන් 4/28, ප්‍රවීන් ජයවික්‍රම 3/12

කෝල්ට්ස් ක්‍රිකට් සමාජය; පළමු ඉනිම (පළමු දිනයට තරගය නතර කරන විට පන්දුවාර 22ක දී කඩුලු 4ක් දැවී 61) සියලුම දෙනා දැවී 185 (52.2): ප්‍රින්ස් ප්‍රනාන්දු 24, විශාද් රන්දික 34, කවිශ්ක අංජුල 64, නිපුන් මාලිංග 19, ආකාශ් සේනාරත්න 5/67, තනීෂ වීරකෝන් 2/44

එස්. එස්. සී.; දෙවැනි ඉනිම කඩුලු 8ක් දැවී 177 (46.2) :අවිශ්ක සේනාධීර 23, පසිඳු සූරියබණ්ඩාර නොදැවී 69, ආකාෂ් සේනාරත්න 25, තෙවිඳු සේනාරත්න 23, කවිශ්ක අංජුල 2/29, ප්‍රවීන් ජයවික්‍රම 4/73

විශ්‍රාම යන දවස ගැන මාලිංගගෙන් ඉඟියක්!

එළඹෙන වසරේ පැවැත්වීමට නියමිත ICC ලෝක කුසලාන විස්සයි විස්ස ක්‍රිකට්….


හලාවත මේරියන්ස් සහ යුද හමුදා තරගය

කොළඹ පී. සරා ඕවල් පිටියේ දී පැවති මෙම තරගයේ කාසියේ වාසිය දිනා ගත් හලාවත මේරියන්ස් ක්‍රීඩකයෝ පළමුවෙන් පන්දුවට පහර දීම තෝරා ගනිමින් පිටියට පිවිස තරගය වර්ෂාව හේතුවෙන් නතර කරන විට තම පළමු ඉනිමට කඩුලු 2ක් දැවී ලකුණු 125ක් ලබා සිටියහ. අද ඔවුන් තවත් පන්දුවාර 58කට මුහුණ දෙමින් කඩුලු 9ක් පමණක් දැවී ලකුණු 254ක් ලබා ගනිමින් දෙවැනි දිනය ද නිමා කළහ. 

අද හලාවත මේරියන්ස් ඉනිම වෙනුවෙන් කැපී පෙනෙන ඉනිමක් ක්‍රීඩා කළේ නිමේෂ් විමුක්තිය. ඔහු ලකුණු 58ක් ලබා ගත්තේය. ඊට අමතරව පෙර දිනයේ නොදැවී පිටියේ රැඳී සිටි සනෝජ් විජේතුංග ලකුණු 47ක් ද කවිඳු බණ්ඩාර ලකුණු 37ක් ද ලබා ගත්හ. 

කඩුලු ලබා ගැනීමේ දී මලීෂ අලුත්ගෙදර ලකුණු 60කට කඩුලු 3ක් දවා ගනිමින් ඉනිමේ හොඳම පන්දු යැවීම වාර්තා කළ අතර තුළිණ ඩිල්ෂාන් සහ හේෂාන් හෙට්ටිආරච්චි කඩුලු 2 බැගින් දවා ගත්හ. 

හලාවත මේරියන්ස් ක්‍රිකට් සමාජය

පළමු ඉනිම (පළමු දිනය නතර කරන විට පන්දුවාර 54ක දී කඩුලු 2ක් දැවී 125):කඩුලු 9ක් දැවී 254 (112) ලසිත් කෘස්පුල්ලේ 20, කවිඳු ඉරෝෂ් 56, සනෝජ් විජේතුංග 47, කවිඳු බණ්ඩාර 37, නිමේෂ් විමුක්ති 58, මලීෂ අලුත්ගෙදර 3/60, තුළිණ ඩිල්ෂාන් 2/26, හේෂාන් හෙට්ටිආරච්චි 2/35

මෙම තරග හෙට (2) තෙවැනි සහ අවසන් දිනයට ක්‍රියාත්මක වීමට නියමිතය.

>> තවත් ක්‍රිකට් පුවත් සඳහා පිවිසෙන්න <<