ක්‍රිකට් නිලවරණයට අලුත් දිනයක්; උණුසුම් තරගයක් අපේක්ෂිතයි

121

බොහෝ දෙනා අපේක්‍ෂාවෙන් බලා සිටි ශ්‍රී ලංකා ක්‍රිකට් ආයතනයේ (SLC) නිලවරණය, ක්‍රීඩා නීතියට ගෙන එන ලද නව රෙගුලාසිවලට අදාළ තාක්ෂණික දෝෂයක් නිසා නීතිපතිවරයාගේ උපදෙස් පරිදි පෙබරවාරි මස 21 වැනි දින දක්වා කල්දැමීමට තීරණය කර ඇත.

මෙම නිලවරණය ආරම්භයේ දී පෙබරවාරි මස 07 වැනි දින පැවැත්වීමට තීරණය කර තිබුනත් ඊට අදාළව නෛතික බාධක කිහිපයක්ම පැනනැඟුණු අතර ඒ අතරින් එල්ල වූ නවතම බාධකය නිසා එය තවත් සති දෙකක කාලයකින් අනතුරුව පැවැත්වීමට තීරණයක් ගෙන ඇත.

ICCයේ ලොකු පුටුවකට අලුත් අයෙක්

අන්තර්ජාතික ක්‍රිකට් කවුන්සිලයේ නව ප්‍රධාන විධායක නිලධාරීවරයා ලෙස …

මීට පෙර සිටි බලධාරීන් නිලවරණ විධිවිධාන උල්ලංඝනය කිරීම හේතුවෙන් පසුගිය වසරේ මැයි මස 21 වැනි දින ශ්‍රී ලංකා අභියාචනාධිකරණය විසින් ඔවුන්ව තහනම් කිරීමට නියෝගයක් නිකුත් කෙරුණු අතර එතැන් පටන් ශ්‍රී ලංකා ක්‍රිකට් ආයතනය ක්‍රියාවට නැංවුණේ බලයලත් අධිකාරියක් යටතේ ය.

අභියාචනාධිකරණය විසින් ලබා දුන් තහනම් නියෝගය හරහා හිටපු ක්‍රීඩා අමාත්‍ය ෆයිසර් මුස්තාෆා මහතා හට පැවති ක්‍රීඩා නීතිය කඩිනමින් සංශෝධනය කරමින් ස්වාධීන නිලවරණ කමිටුවක් පත්කිරීමට නියෝග කෙරුණු අතර ඒ අතරතුර අන්තර්ජාතික ක්‍රිකට් මණ්ඩලය (ICC) විසින් පෙබරවාරි මස 09 වැනි දිනට පෙර නව නිලධාරි මණ්ඩලය පත්කරගන්නා ලෙස ද නියෝගයක් නිකුත් විය.

Photo Album – SLC Elections 2019/2020 – Jayantha Dharmadasa led group | Press Conference

නව ක්‍රීඩා අමාත්‍ය හරීන් ප්‍රනාන්දු මහතා ආරම්භයේ දී මේ සඳහා තාවකාලික කමිටුවක් පත්කර රොෂාන් මහානාම සහ සිදත් වෙත්තමුණි හට ක්‍රිකට් පරිපාලනයේ වගකීම් බාරදෙමින් ශ්‍රී ලංකා ක්‍රිකට් ආයතනය තුළ ඇති දූෂණය මුලිනුපුටා දැමීමේ අදහසින් අන්තර්ජාතික ක්‍රිකට් කවුන්සිලයෙන් ඔවුන් ලබා දුන් කාල පරාසය තවදුරටත් දීර්ඝ කරන ලෙස ඉල්ලා සිටියත් ඔවුන් එය දැඩිව ප්‍රතික්‍ෂේප කරමින් සිදු වූ දූෂණ සහ වංචා සඳහා පොදු සමා කාලයක් පමණක් ලබා දුන්නේ ය.

කෙසේ නමුත් පසුගිය සතියේ දී ක්‍රීඩා අමාත්‍යවරයා ශ්‍රී ලංකා ක්‍රිකට් ආයතනයේ නිලවරණය පවත්වා නැවතත් ඒ තුළ ප්‍රජාතන්ත්‍රවාදය ස්ථාපිත කිරීමට එහි සාමාජිකයින් සමඟ එකඟතාවයකට පැමිණෙන ලදි.

ඉන්දියාවට එරෙහිව වන නවසීලන්ත සංචිතය නිකුත් වේ

ඉන්දියාව සමඟ පැවැත්වීමට නියමිත එක්දින තරගාවලියේ ප්‍රථම….

ඒ අනුව නිලවරණය සඳහා තරග කිරීමට කණ්ඩායම් දෙකකින් සුපුරුදු මුහුණු කිහිපයක්ම නැවතත් ඉදිරිපත්ව ඇති අතර හිටපු සභාපති තිලංග සුමතිපාල මහතා සිය දේශපාලන කටයුතු හේතුවෙන් මෙවර නිලවරණය සඳහා ඉදිරිපත් නොවීමට තීරණය කළේය.

ඒ අනුව හිටපු පරිපාලන ලේකම් මොහාන් ද සිල්වා මහතා එක් කණ්ඩායමකින් මෙවර සභාපති ධූරය සඳහා තරග කරන අතර අනෙක් පසින් හිටපු මණ්ඩලයේ උපසභාපතිත්වය දරමින් සිටිය දී විධායක කමිටුව සමඟ ඇතිවූ මතභේද හේතුවෙන් ඉන් ඉවත් වූ ජයන්ත ධර්මදාස මහතා මෙවර සභාපති ධූරය සඳහා තරග කරනු ලබයි. ඔවුන් දෙදෙනාම මීට පෙර ශ්‍රී ලංකා ක්‍රිකට් ආයතනයේ සභාපති ධූරය දරා ඇති අතර ඒ අනුව ඔවුන් දෙදෙනා ශ්‍රී ලංකා ක්‍රිකට් පරිපාලනයට අදාළ ප්‍රසිද්ධ චරිත දෙකකි.

මොහාන් ද සිල්වා මහතා හට හිටපු සභාපති තිලංග සුමතිපාල මහතා සිය සහයෝගය ප්‍රකාශ කර ඇති අතර ඔහුගේ කණ්ඩායමෙන් ශම්මි සිල්වා සහ රවීන් වික්‍රමරත්න දෙදෙනා උප සභාපති තනතුරු සඳහා ද, බන්දුල දිසානායක සහ ලසන්ත වික්‍රමසිංහ පිළිවෙළින් ලේකම් සහ භාණ්ඩාගාරික තනතුරු සඳහා ද තරග කරනු ඇත.

Photo Album – SLC Elections 2019/2020 – Mohan De Silva led group | Press Conference

“ස්වාධීනව කටයුතු කළ නිලවරණ කමිටුව විධායක කමිටුවට තරග කරන අපේ නාම යෝජනා 7ට අනුමැතිය ලබා දීලා තියෙනවා. අපේ කණ්ඩායමේ නායකයා විදිහට ‘ICC’ය ලබා දුන් උපදෙස්වලට අනුව නිලවරණය පවත්වන්නට එකඟ වීම සම්බන්ධයෙන් මම ගරු ක්‍රීඩා අමාත්‍යවරයාට ස්තූතිවන්ත වෙනවා. අපි බලාපොරොත්තු වෙනවා ඡන්දය පවත්වන අවස්ථාවේ දී සාමාජිකයින් අපට ඡන්දය ලබා දෙයි කියලා.”

ශ්‍රී ලංකා ක්‍රිකට් ආයතනයේ සභාපති ධූරය සඳහා තරග වදින මොහාන් ද සිල්වා මහතා ඊයේ (17) පැවති මාධ්‍ය සාකච්ඡාවකට එක්වෙමින් පැවසීය.

පොඩි කුසල්ට ආබාධයක්; තරගාවලිය අහිමි වෙයි ද?

ඕස්ට්‍රේලියාවට එරෙහිව පැවැත්වෙන තරග දෙකකින් සමන්විත ටෙස්ට් …

ජයන්ත ධර්මදාස මහතා අනෙක් කණ්ඩායමෙන් සභාපති ධූරය සඳහා තරග කරද්දී කේ. මතිවනන් සහ ශ්‍රී ලංකා කණ්ඩායමේ හිටපු නායකයෙක් වන අර්ජුණ රණතුංග උප සභාපති තනතුරු ද්විත්වය සඳහා ද, නිශාන්ත රණතුංග නැවතත් ලේකම් ධූරය සඳහා ද, ඊස්ට්මන් නාරංගොඩ භාණ්ඩාගාරික තනතුර සඳහා ද එම කණ්ඩායමෙන් නිලවරණයට ඉදිරිපත් තරග කරති.

“මෙවර අපිට නිලවරණය ජයග්‍රහණය කරන්න ප්‍රබල කණ්ඩායමක් සිටිනවා. ඒක නිසා අනිවාර්යයෙන්ම අපි මෙවර නිලවරණය ජයග්‍රහණය කරනවා. අපේ එකම අරමුණ නැවතත් ශ්‍රී ලංකාවේ ක්‍රිකට් ක්‍රීඩාව ඉහළටම ඔසවා තබන එක. අපේ පරිපාලනය යටතේ දූෂණ, වංචා, මුදලට තරග පාවා දීම් වැනි කටයුතු වලට ඉඩක් නැහැ.”

අනෙක් කණ්ඩායමෙන් ශ්‍රී ලංකා ක්‍රිකට් ආයතනයේ සභාපති ධූරය සඳහා තරග වදින ජයන්ත ධර්මදාස මහතා ඊයේ පැවති මාධ්‍ය සාකච්ඡාවකට එක්වෙමින් පැවසීය.

ඒ අනුව පෙබරවාරි මස 21 වැනි දින පැවැත්වෙන නිලවරණය ඉතා උණුසුම් මුහුණුවරක් ගනු ඇතැයි අපේක්‍ෂා කෙරෙන අතර එහි ජයග්‍රහණය තහවුරු කරගැනීමට නම් ඔවුන් එහි දී සාමාජික ඡන්ද 140කින් ප්‍රමාණවත් ඡන්ද ප්‍රමාණයක් ලබාගත යුතුය.

කණ්ඩායම් දෙකෙන්ම අතීතයේ දී යම් යම් අත්වැරදීම් සිදුව ඇතත් ඔවුන් ඡන්ද ලබා ගැනීමට අවශ්‍ය මූලික කටයුතු මේ වන විට සිදුකර ඇත. ඒ අනුව මෙවර නිලවරණය කවුරුන් ජයග්‍රහණය කරනු ඇත්දැයි තවමත් නිශ්චිත ලෙස අනුමාන කළ නොහැක. නමුත් පෙනෙන අන්දමට මෙවර නිලවරණයේ අවසන් තීරණය ‘පාවෙන ඡන්ද’ (ඡන්ද 20-25 පමණ) හරහා තීරණය වෙනු ඇත.    

>> තවත් ක්‍රිකට් පුවත් සඳහා පිවිසෙන්න <<