சுற்றுலா இலங்கை – மேற்கிந்திய தீவுகள் இடையிலான முதல் டெஸ்ட் போட்டியின் முதல்நாள் ஆட்டநிறைவில் இலங்கை அணியினை அதன் தலைவர் தனஞ்சய டி சில்வா தனது அபார சதத்துடன் சரிவில் இருந்து மீட்டுள்ளார்.
>>சினெத்தின் அதிரடி சதத்தால் இலங்கை வளர்ந்து வரும் அணிக்கு வெற்றி<<
ஐ.சி.சி. உலக டெஸ்ட் சம்பியன்ஷிப்பின் ஒரு அங்கமாக இலங்கை மற்றும் மேற்கிந்திய தீவுகள் அணிகள் ஆகிய இரண்டும் இரு போட்டிகள் கொண்ட டெஸ்ட் தொடரில் ஆடுகின்றன. அதன்படி இந்த தொடரின் முதல் டெஸ்ட் போட்டி நேற்று (25) அன்டிகுவாவில் ஆரம்பமாகியது.
போட்டியின் நாணய சுழற்சியில் வென்ற மேற்கிந்திய தீவுகள் தலைவர் ரொஸ்டன் சேஸ் பந்துவீச்சிற்கு சாதகமான ஆடுகளத்தில், இலங்கை வீரர்களை முதலில் துடுப்பாடப் பணித்தார்.
முதலில் துடுப்பாடிய இலங்கை அணிக்கு சிறந்த ஆரம்பம் அமையவில்லை. நம்பிக்கை வீரரான பெதும் நிஸ்ஸங்க வெறும் 02 ஓட்டங்களுடன் ஓய்வறை நடக்க, நிஷான் மதுஷ்க 23 ஓட்டங்கள் பெற்றார். அதன் பின்னர் முன்வரிசை வீரர்களில் தினேஷ் சந்திமால் தவிர கமிந்து மெண்டிஸ் மற்றும் குசல் மெண்டிஸ் ஆகிய இருவரும் ஓட்டங்கள் எதனையும் பெறாமல் ஏமாற்றினர். இதன் காரணமாக சந்திமாலின் அரைச்சதத்தின் பின்னர் 111 ஓட்டங்களுக்கு 5 விக்கெட்டுக்களை இழந்து இலங்கைத் தரப்பானது சரிவு நிலையினை அடைந்தது.
இந்த சந்தர்ப்பத்தில் நிதான ஆட்டத்துடன் இலங்கை அணிக்காக சோனால் தினுஷ மற்றும் தனஞ்சய டி சில்வா ஜோடி போராட்டமான ஆட்டத்தினை வெளிப்படுத்த தொடங்கியது. தனஞ்சய டி சில்வா தன்னுடைய 13ஆவது டெஸ்ட் சதத்தினை இப்போட்டியில் பூர்த்தி செய்த நிலையில் ஆறாம் விக்கெட் இணைப்பாட்டமாக, சோனால் தினுஷ 99 ஓட்டங்களையும் பகிர்ந்தார்.
>>பங்களாதேஷ் கிரிக்கெட்டில் மீண்டும் இணையும் இலங்கைப் பயிற்சியாளர்<<
இதனால் சரிவில் இருந்து இலங்கைத் தரப்பானது மீளத் தொடங்கியது. தொடர்ந்து 7ஆம் விக்கெட்டுக்கும் தனஞ்சய டி சில்வா மிலான் ரத்நாயக்கவுடனான கூட்டோடு 64 ஓட்டங்களை இணைப்பாட்டமாகப் பெற்றார்.
இந்த இணைப்பாட்டங்களின் உதவியினால் இலங்கை அணியானது சரிவில் இருந்து மீண்டு முதல் இன்னிங்ஸில் 71.5 ஓவர்களுக்கு அனைத்து விக்கெட்டுக்களையும் இழந்து 308 ஓட்டங்கள் பெற்றது.
இலங்கை அணியின் துடுப்பாட்டம் சார்பாக தனஞ்சய டி சில்வா 17 பௌண்டரிகள் அடங்கலாக 120 ஓட்டங்களையும், தினேஷ் சந்திமால் அவரின் 34ஆவது டெஸ்ட் அரைச்சதத்தோடு 54 ஓட்டங்களையும் பெற்றார். அதேநேரம் சொனால் தினுஷ 43 ஓட்டங்களுடனும், 7ஆம் விக்கெட்டுக்காக பங்களிப்பு வழங்கிய மிலான் ரத்நாயக்க 27 ஓட்டங்களையும் பெற்றனர்.
மேற்கிந்திய தீவுகள் அணியின் பந்துவீச்சில் ஜஸ்டின் கீரிவ்ஸ் 3 விக்கெட்டுக்களையும் சமார் ஜோசேப், அல்சாரி ஜோசேப் மற்றும் கீமர் ரோச் ஆகியோர் தலா 2 விக்கெட்டுக்கள் வீதமும் சுருட்டினர்.
இலங்கையைத் தொடர்ந்து முதல் இன்னிங்ஸ் துடுப்பாட்டத்தினை ஆரம்பம் செய்த மேற்கிந்திய தீவுகள் அணியானது முதல் ஆட்டநிறைவில் ஓட்டங்கள் எதனையும் பெறாது காணப்படுகின்றது. களத்தில் ஜோன் கெம்பல் மற்றும் பிரண்டன் கிங் ஆகியோர் ஓட்டங்களின்றி காணப்படுகின்றனர்.
போட்டியின் சுருக்கம்
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | c Amir Jangoo b Kemar Roach | 2 | 6 | 0 | 0 | 33.33 |
| Nishan Madushka | lbw b Alzarri Joseph | 23 | 27 | 3 | 1 | 85.19 |
| Dinesh Chandimal | b Shamar Joseph | 54 | 67 | 8 | 0 | 80.60 |
| Kamindu Mendis | c John Campbell b Alzarri Joseph | 0 | 1 | 0 | 0 | 0.00 |
| Dhananjaya de Silva | c Brandon King b Justin Greaves | 120 | 168 | 17 | 0 | 71.43 |
| Kusal Mendis | c Justin Greaves b Shamar Joseph | 0 | 4 | 0 | 0 | 0.00 |
| Sonal Dinusha | lbw b Kemar Roach | 43 | 75 | 6 | 0 | 57.33 |
| Milan Rathnayake | b Justin Greaves | 27 | 52 | 3 | 0 | 51.92 |
| Kasun Rajitha | c Kemar Roach b Justin Greaves | 8 | 18 | 1 | 0 | 44.44 |
| Lahiru Kumara | not out | 12 | 14 | 0 | 0 | 85.71 |
| Asitha Fernando | c Alzarri Joseph b Jayden Seales | 0 | 3 | 0 | 0 | 0.00 |
| Extras | 19 (b 4 , lb 5 , nb 4, w 6, pen 0) |
| Total | 308/10 (71.5 Overs, RR: 4.29) |
| Bowling | O | M | R | W | Econ | |
|---|---|---|---|---|---|---|
| Kemar Roach | 12 | 2 | 32 | 2 | 2.67 | |
| Jayden Seales | 15.5 | 2 | 73 | 1 | 4.71 | |
| Alzarri Joseph | 12 | 1 | 60 | 2 | 5.00 | |
| Shamar Joseph | 16 | 1 | 79 | 2 | 4.94 | |
| Justin Greaves | 11 | 1 | 39 | 3 | 3.55 | |
| Roston Chase | 5 | 1 | 16 | 0 | 3.20 | |
| Batsmen | R | B | 4s | 6s | SR | |
|---|---|---|---|---|---|---|
| John Campbell | c Nishan Madushka b Sonal Dinusha | 39 | 64 | 3 | 2 | 60.94 |
| Brandon King | c Sonal Dinusha b Milan Rathnayake | 31 | 52 | 4 | 0 | 59.62 |
| Kavem Hodge | b Milan Rathnayake | 16 | 44 | 3 | 0 | 36.36 |
| Amir Jangoo | not out | 172 | 310 | 16 | 1 | 55.48 |
| Joshua Da Silva | c sooriya bandara b Asitha Fernando | 20 | 56 | 2 | 0 | 35.71 |
| Justin Greaves | c Kamindu Mendis b Asitha Fernando | 3 | 11 | 0 | 0 | 27.27 |
| Roston Chase | not out | 114 | 240 | 9 | 0 | 47.50 |
| Extras | 52 (b 25 , lb 18 , nb 3, w 6, pen 0) |
| Total | 447/5 (129 Overs, RR: 3.47) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 25 | 8 | 44 | 2 | 1.76 | |
| Lahiru Kumara | 1 | 0 | 4 | 0 | 4.00 | |
| Kasun Rajitha | 22 | 3 | 88 | 0 | 4.00 | |
| Milan Rathnayake | 29 | 8 | 91 | 2 | 3.14 | |
| Sonal Dinusha | 40 | 1 | 134 | 1 | 3.35 | |
| Dhananjaya de Silva | 5 | 0 | 17 | 0 | 3.40 | |
| Kamindu Mendis | 7 | 0 | 26 | 0 | 3.71 | |
>>மேலும் கிரிக்கெட் செய்திகளைப் படிக்க<<
