පවන් පතිරාජත් ශතක සමාජයට

ශ්‍රී ලංකා ක්‍රිකට් සංවිධානය කරන වයස අවුරුදු 23න් පහළ Emerging Club දෙදින ක්‍රිකට් තරගාවලියේ තවත් ද්විත්වයක් අද (21) ආරම්භ වූ අතර එහි දී Ace Capital CC කණ්ඩායමේ පවන් පතිරාජ ශතකයක් වාර්තා කිරීමට සමත් වෙනවා.

එය මෙවර තරගාවලියේ වාර්තා වූ 15 වැනි ශතකයයි.

Colombo Malay CC කණ්ඩායම හා පැවැති තරගයේ දී ඔහු පන්දු 205කට මුහුණ දෙමින් හතරේ පහර 17ක් සහ හයේ පහර 3ක් සමඟින් ලකුණු 153ක් ලබා ගත්තා.

ඊට අමතර ව එම කණ්ඩායමේ ටනුජ රාජපක්ෂ පන්දු 66කට මුහුණ දෙමින් හතරේ පහර 9ක් සමඟින් ලකුණු 53ක් ලබා ගත්තා.

මේ අතර Leos CC සහ CCC කණ්ඩායම අතර තරගයේ දී CCC කණ්ඩායමේ අංජල බණ්ඩාර, ඉනුක කරන්නාගොඩ සහ සහන් කෝසල අර්ධ ශතක ඉනිම් වාර්තා කිරීමට සමත් වුණා.

එහි දී අංජල බණ්ඩාර පන්දු 101කට මුහුණ දෙමින් හතරේ පහර 10ක් සමඟින් ලකුණු 74ක් ද, ඉනුක කරන්නාගොඩ පන්දු 92කට මුහුණ දෙමින් හතරේ පහර 8ක් සමඟින් ලකුණු 68ක් ද සහ සහන් කෝසල පන්දු 47කට මුහුණ දෙමින් හතරේ පහර 11ක් සමඟින් ලකුණු 60ක් ද ලබා ගත්තා.

• හිමත්, හිරුන්, කෞෂික සහ හිමරු දක්ෂතා දක්වයි
• Major Club තරගාවලියට දින වෙන්කරයි
• ඉශාන් අනුරාධ දක්ෂතම පන්දු යැවීම වාර්තා කරයි
• 23න් පහළ පළමු දිනයට ශතක වැස්සක්
• 2025 LPL තරගාවලියට දින වකවානු තහවුරු වෙයි

පැවැති තරගවල කෙටි ලකුණු පුවරුව

Colombo Malay CC සහ Ace Capital CC අතර තරගය කටුනායක, ගුවන් හමුදා ක්‍රිකට් ක්‍රීඩාංගණයේ දී.

• Ace Capital CC –පළමු ඉනිම කඩුලු 8ක් දැවී 378 (76.3) ටනුජ රාජපක්ෂ 53, පවන් පතිරාජ 153, රනේෂ් සිල්වා 45, තීරක රණතුංග 47, ලහිරු අබේසිංහ 33, නිමන් උමේෂ් 3/90
• Colombo Malay CC – පළමු ඉනිම කඩුල්ලක් දැවී 35 (11.0)හිරන්ත ජයසිංහ 31

Leos CC සහ CCC අතර තරගය කොස්ගම, සාලාව යුද හමුදා ක්‍රීඩාංගණයේ දී.

• CCC – පළමු ඉනිම සියලුම දෙනා දැවී 327 (77.5) දුල්නිත් සිගේරා 27, පවන් සංදේශ් 27, අංජල බණ්ඩාර 74, සහන් කෝසල 60, ඉනුක කරන්නාගොඩ 68, සෙත්රු ප්‍රනාන්දු නොදැවී 27, විශ්ව රාජපක්ෂ 4/101, ගිත්මින් කොළඹගේ 2/57, ඔෂද ගිම්හාන් 3/68
• Leos CC– පළමු ඉනිම කිසිවෙක් නොදැවී 25 (6.0)

මේ තරග හෙට (22) දෙවැනි දිනයටත් පැවැත්වීමට නියමිතයි.

තරගාවලියේ උණුසුම් පුවත් සහ දෙස් විදෙස් ක්‍රීඩා පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම.

>> තවත් ක්‍රිකට් පුවත් සඳහා පිවිසෙන්න <<