වසර 50ක පමණ කාලයකට පසුව ශ්‍රී ලංකා රාජ්‍ය විශ්ව විද්‍යාල පද්ධතිය තුල බොක්සිං ක්‍රීඩාව යළි ස්ථාපිත කිරීම සඳහා වන වැඩපිළිවෙළ යටතේ සිදු වන පළමු දැනුවත් කිරීමේ වැඩසටහන ඊයේ (14) ශ්‍රී ජයවර්ධනපුර විශ්ව විද්‍යාල පරිශ්‍රයේ දී පැවැත්විය.
ශ්‍රී ලංකාවේ ඩයන් ගෝමස් ආසියාවේ විධායක කමිටුවට
“ශ්‍රී ලංකා බොක්සිං භාරකරු” යන නමින් හැඳින්වෙන ශ්‍රී ලංකා බොක්සිං සංගමයේ සභාපති…
ශ්‍රී ජයවර්ධනපුර විශ්ව විද්‍යාලයීය බොක්සිං කණ්ඩායම සහ ශාරීරික අධ්‍යාපන දෙපාර්තමේන්තුව එක්ව සංවිධානය කළ මේ වැඩමුළුව සඳහා කොළඹ, රුහුණ, මොරටුව, කැලණිය, සබරගමුව, පේරාදෙණිය, අග්නිදිග සහ ශ්‍රී ජයවර්ධනපුර යන රාජ්‍ය විශ්ව විද්‍යාල නියෝජනය කරමින් ක්‍රීඩකයින් 60කට ආසන්න ප්‍රමාණයක් සහභාගී වීම කැපී පෙනුණි.
තවද මේ වැඩමුළුව සාර්ථක කරගැනීම සඳහා ශ්‍රී ලංකා බොක්සිං සංගමය විසින් පූර්ණ තාක්ෂණික දායකත්වය දක්වන ලදි. ඒ සඳහා එම සංගමයේ ලේකම් වන හේමන්ත වීරසිංහ මහතා, ශ්‍රී ලංකා පාසල් බොක්සිං සංගමයේ ලේකම් රුක්මන් වෑකඩපොළ මහතා සහය විය. ශ්‍රී ලංකා බොක්සිං සංගමයේ සභාපති ඩයන් ගෝමස් මහතාගේ උපදෙස් පරිදි මෙම වැඩසටහනට සමගාමීව විශ්ව විද්‍යාල සඳහා බොක්සිං ක්‍රීඩාව පවත්වා ගෙන යාම සඳහා අවශ්‍ය වන ක්‍රීඩා උපකරණ බෙදා දීමක් ද සිදු කෙරුණි.
අභිරහස් ලෙස මියැදුණු බොක්සිං පාතාලයාගේ කතාව
ලොව ශ්‍රේෂ්ඨතම බොක්සිං ක්‍රීඩකයා කවුරුන් දැයි විමසුවොත් බොහෝ දෙනාගේ පිළිතුර…
ඉන් අනතුරුව මෙම වැඩමුළුව පිළිබඳව අදහස් දැක්වූ ගෝමස් මහතා පැවසුවේ, විශ්ව විද්‍යාල බොක්සිං ක්‍රීඩාව නගා සිටුවීම සඳහා ශ්‍රී ලංකා බොක්සිං සංගමය කැපවී වැඩ කටයුතු කිරීමට සූදානම් බවයි. අතීතයේ දී විශ්ව විද්‍යාල පද්ධතිය තුලින් ලෙස්ලි හඳුන්ගේ වැනි සුපිරි බොක්සිං ක්‍රීඩකයින් බිහි වූ බවත්, ලෝක විශ්ව විද්‍යාලයීය බොක්සිං තරගාවලිය සඳහා නුදුරේ දී ම නැවතත් ශ්‍රී ලංකාව නියෝජනය කරමින් ක්‍රීඩක ක්‍රීඩිකාවන් සහභාගී කරවීම තම සංගමයේ අරමුණ බවත් ඒ මහතා පැවසීය.
පාසල් බොක්සිං ක්‍රීඩකයින් විශ්ව විද්‍යාල තුලට ඇතුළත් වීමෙන් පසුව ඔවුන්ගේ ඒ ක්‍රීඩා හැකියාවන් ප්‍රගුණ කිරීමට නොහැකි වීම ඔවුන්ට කරන බලවත් අසාධාරණයක් බවත්, ඒ නිසා ඔවුන්ට අවශ්‍ය හා ඔවුන් දක්ෂතා දක්වන ක්‍රීඩාවන්ට සහභාගී වීම සඳහා අවස්ථාව ලබා දීමට අවශ්‍ය පහසුකම් සලසා දෙමින් ඒ සඳහා විධිමත් සහ ක්‍රමානුකූල වැඩපිළිවෙළක් ආරම්භ කිරීම ඉක්මනින්ම කළ යුතු බව මෙම වැඩමුළුව අවසානයේ දී අදහස් දැක්වූ ශ්‍රී ජයවර්ධනපුර විශ්ව විද්‍යාලයේ ශාරීරික අධ්‍යාපන දෙපාර්තමේන්තුවේ අධ්‍යක්ෂිකා නිශාන්ති විදානගේ මහත්මිය පැවසීය.
>> තවත් පුවත් සඳහා පිවිසෙන්න – මුල් පිටුවට <<
 ශ්‍රී ජයවර්ධනපුර විශ්ව විද්‍යාල පරිශ්‍රයේ දී පැවැත්විය.){kind=link}