ශ්රී ලංකා වයස අවුරුදු 17න් පහළ කණ්ඩායම සහ බංග්ලාදේශ වයස අවුරුදු 17න් පහළ කණ්ඩායම අතර පැවැත්වෙන පළමු තුන් දින තරගයේ 2 වැනි දිනය අවසන් වෙන විට තම දෙවැනි ඉනිම ක්රීඩා කරන බංග්ලාදේශ වයස අවුරුදු 17න් පහළ ක්රීඩකයෝ ප්රතිවාදීන් අභිබවා ලකුණු 248ක් ඉදිරියෙන් පසු වෙනවා.
Sher-e-Bangla ජාතික ක්රිකට් ක්රිකට් ක්රීඩාංගණයේ දී පැවැත්වෙන මෙම තරගයේ 2 වැනි දිනය වූ අද (28) දවස ආරම්භ වෙන්නේ බංග්ලාදේශ වයස අවුරුදු 17න් පහළ ක්රීඩකයෝ තම 2 වැනි ඉනිමට කඩුලු 2ක් දැවී ලකුණු 28ක් ලබා සිටියදී වන අතර තරගය 2 වැනි දිනයට නතර කරන විට ඔවුන් කඩුලු 8ක් දැවී ලකුණු 230ක් ලබා සිටියා. දිනයේ පැවැති අයහපත් ආලෝක තත්ත්වය හමුවේ සවස් කාලයේ දී තරගය විදුලි ආලෝකය මධ්යයේ දී ද පැවැත්වීමට සිදු වූවා.
බංග්ලාදේශ වයස අවුරුදු 17න් පහළ කණ්ඩායමේ ලකුණු පුවරුව වරෙක කඩුලු 5කට ලකුණු 70ක් ලෙසින් දැක් වුණ අතර දිවා විවේකය වෙද්දී ලකුණු පුවරුව දැක් වුණේ එම කඩුල්ලේ දී ම ලකුණු 88ක් ලෙසයි.
කෙසේ වෙතත් 6 වැනි එම කඩුල්ලට ලකුණු 92ක සබඳතාවක් එක් වීමත් සමඟින් ලකුණු පුවරුව කඩුලු 6කට ලකුණු 162ක් බවට පත් කර ගැනීමට බංග්ලාදේශ වයස අවුරුදු 17න් පහළ ක්රීඩකයෝ සමත් වෙනවා.
එහි දී Md Rakibul Hossan සහ Junayed Hossain එක් ව මෙම සබඳතාව ගොඩ නගන අතර එය බිඳ වැටෙන්නේ Md Rakibul Hossan ගේ දැවී යෑමත් සමඟිනුයි. ඒ වෙද්දී ඔහු පන්දු 130කට මුහුණ දෙමින් හතරේ පහරක් සමඟින් ලකුණු 41ක් ලබා ගන්නවා.
- පළමු දිනයට කඩුලු 22ක් බිලිවෙයි
- ශ්රී ලංකා 40s ප්රවීනයෝ නැවත ජයග්රාහී මාවතට
- “දිට්වා” තරගාවලි 3ක් බිලි ගනී
- රෙහාන්, අරෝෂ සහ චනුල්ලා බංග්ලාදේශයට යයි
- ගාල්ල සහ කොළඹ දකුණ නැවතත් ජයග්රහණ වාර්තා කරයි
අනතුරු ව වූ Junayed Hossain අංක 8 ස්ථානයෙන් පිටියට පිවිසි Sourav Karmakar හා එක් 7 වැනි කඩුල්ලට ද ලකුණු 59ක සබඳතාවක් එක් කරනවා. එහි දී Sourav Karmakar පන්දු 62කට මුහුණ දෙමින් හතරේ පහරක් සහ හයේ පහරක් සමඟින් ලකුණු 25ක් ලබා ගත්තා.
තරගය 2 වැනි දිනයට නතර කරන විට Junayed Hossain පන්දු 216කට මුහුණ දෙමින් හතරේ පහර 4ක් සහ හයේ පහරක් සමඟින් නොදැවී ලකුණු 87ක් ලබා සිටියා.
පෙර දිනයේ කණ්ඩායම් ද්විත්වයේ ම කඩුලු 22ක් දැවී ගිය ද අද දවසේ දී එම තත්ත්වය සහමුලින් ම වෙනස් කිරීමට බංග්ලාදේශ පිතිකරුවෝ සමත් වීම කැපී පෙණුනා. දිනයේ බංග්ලාදේශ වයස අවුරුදු 17න් පහළ කණ්ඩායමේ දැවී ගිය කඩුලු 6 ම දවා ගැනීමේ ගෞරවය වමතින් දඟ පන්දු යවන හිමරු දේශාන් සතු වුණා.
තරගයේ කෙටි ලකුණු පුවරුව
- බංග්ලාදේශ වයස අවුරුදු 17න් පහළ කණ්ඩායම – පළමු ඉනිම සියලුම දෙනා දැවී 120 (39.3)Lawrence Roy19, Adrito Gosh 36, Junayed Hossain 19, Md. Rakibul Hossan 20, ගිම්හාන් මෙන්ඩිස් 2/14, හිමරු දේශාන් 2/20, මානිත රාජපක්ෂ 4/29
- ශ්රී ලංකාවයස අවුරුදු 17න් පහළ කණ්ඩායම– පළමු ඉනිම සියලුම දෙනා දැවී 102 (27.4) සනුල් වීරරත්න 27, හිමරු දේශාන් 24, Mohammad Akash 2/33, MD Maheenujjaman Mahabir 3/22, Md Nubayet Alam 2/30, Sahidul islam sahid 2/15
- බංග්ලාදේශ වයස අවුරුදු 17න් පහළ කණ්ඩායම– දෙවැනි ඉනිම කඩුලු 8ක් දැවී 230 (98.0)Kawsar Ahmed 18, Md. Rakibul Hossan 41, Junayed Hossain නොදැවී 87, Sourav Karmakar 25, හිමරු දේශාන් 6/83
මෙම තරගයේ 3 වැනි සහ අවසන් දිනය හෙට (29) ක්රියාත්මක වේ.
දෙස් විදෙස් ක්රීඩා පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම.
>> තවත් ක්රිකට් පුවත් සඳහා පිවිසෙන්න <<






















