மேற்கிந்திய தீவுகளுக்கு எதிராக நடைபெறவிருக்கும் ஐந்து போட்டிகள் கொண்ட T20 தொடரில் இருந்து விக்கெட்காப்புத் துடுப்பாட்ட வீரரான டிம் செய்பார்ட் விரல் உபாதை காரணமாக விலகியுள்ளதாக தெரிவிக்கப்பட்டுள்ளது.
ஆஷஸ் தொடருக்காக ட்ராவிஸ் ஹெட் T20 அணியில் இருந்து விடுவிப்பு
அந்தவகையில் செய்பார்ட் உள்ளூர் போட்டியொன்றில் ஆடும் போது அவரது வலதுகை விரலில் முறிவு உபாதை ஒன்றினை முகம் கொடுத்ததன் காரணமாகவே, மேற்கிந்திய தீவுகள் தொடரில் ஆடும் வாய்ப்பினை இழந்திருக்கின்றார்.
அதேவேளை செய்பார்ட்டின் உபாதையினைத் தொடர்ந்து, விக்கெட்காப்பு துடுப்பாட்ட வீரரான மிட்ச் ஹேய் மாற்று வீரராக நியூசிலாந்து குழாத்தில் சேர்க்கப்பட்டுள்ளார். மிட்ச் ஹேய் இதற்கு முன்பு நியூசிலாந்து அணிக்காக 11 T20 போட்டிகளில் விளையாடியுள்ளமை குறிப்பிடத்தக்கது.
விடயங்கள் இவ்வாறிருக்க நியூசிலாந்தின் தலைமைப் பயிற்சியாளர் ரொப் வோல்டர் (Rob Walter) செய்பார்டின் உபாதை குறித்துப் பேசுகையில், “இது டிம் செய்பார்ட்டுக்கு மட்டுமல்ல, ஒட்டுமொத்த அணிக்கும் ஏமாற்றமளிக்கிறது. அவர் சிறப்பான ஒரு நிலையினை அடைந்து கொண்டிருந்தார். அடுத்த ஆண்டு நடைபெறவுள்ள T20 உலகக் கிண்ணத்திற்கு தயாராகும் சந்தர்ப்பத்தில் அவரின் (செய்பார்ட்டின்) உபாதை வருத்தமளிக்கிறது. அவர் விரைவில் குணமடைந்து அணிக்கு திரும்புவார் என்று நம்புகிறோம்,” என்றுs தெரிவித்தார்.
நியூசிலாந்து மற்றும் மேற்கிந்திய தீவுகள் அணிகளுக்கு இடையேயான ஐந்து போட்டிகள் கொண்ட T20 தொடர் புதன்கிழமை (நவம்பர் 5) ஆக்லேண்டில் உள்ள ஈடன் பார்க் மைதானத்தில் ஆரம்பமாகின்றமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
