ஸ்கொட்லாந்தின் கிளாஸ்கோ நகரில் நடைபெற்று வரும் 2026 பொதுநலவாய விளையாட்டு விழாவில் இலங்களுக்கான முதல் பதக்கத்தை மாற்றுத்திறனாளி வீரா பாலித பண்டார இன்று (30) வென்று கொடுத்துள்ளார்.
இதன் மூலம் இம்முறை பொதுநலவாய விளையாட்டு விழாவில் இலங்கைக்கான முதலாவது பதக்கத்தை வென்கொடுத்தவர் என்ற பெருமையை பாலித பண்டார பெற்றுக்கொண்டார்.
ஆண்களுக்கான F42 வகை மாற்றுத்திறனாளிகள் தட்டெறிதல் போட்டியில் 46.84 மீற்றர் தூரம் எறிந்து அவர் இரண்டாம் இடத்தைப் பிடித்து வெள்ளிப் பதக்கத்தைக் கைப்பற்றினார். அத்துடன், இப்போட்டியில் அவர் பதிவு செய்த 46.84 மீற்றர் தூரமானது, அவரது தனிப்பட்ட சிறந்த செயல்திறனாகவும் பதிவாகியுள்ளது.
>>பொதுநலவாய விளையாட்டு விழா இலங்கை அணியின் உத்தியோகபூர்வ ஆடை அறிமுகம்<<
மறுபுறத்தில் பொதுநலவாய விளையாட்டு விழாவில் பாலித பண்டார தொடர்ச்சியாக வெல்லும் இரண்டாவது வெள்ளிப் பதக்கம் இதுவாகும். இவர் இதற்கு முன்னர் 2022 பேர்மிங்ஹாம் பொதுநலவாய விளையாட்டு விழாவிலும் வெள்ளிப் பதக்கம் வென்றிருந்தார் என்பது குறிப்பிடத்தக்கது.
இப்போட்டியில் தங்கப் பதக்கத்தை வேல்ஸ் நாட்டின் அலெட் டேவிஸ் வென்றதுடன், வெண்கலப் பதக்கத்தை ட்ரினிடாட் மற்றும் டொபாகோ நாட்டின் அகீம் ஸ்டூவர்ட் பெற்றுக்கொண்டார்.
>>மேலும் பல மெய்வல்லுனர் செய்திகளைப் படிக்க<<
 வென்று கொடுத்துள்ளார்.){kind=link}