பங்களாதேஷிற்கு எதிராக ஏப்ரல் மாதம் நடைபெறவுள்ள ஒருநாள் மற்றும் T20 தொடர்களில் பங்கெடுக்கும் நியூசிலாந்தின் அணிக் குழாம்கள் வெளியிடப்பட்டுள்ளன.
அதன்படி அறிவிக்கப்பட்டுள்ள நியூசிலாந்தின் ஒருநாள் மற்றும் T20 குழாம்களில் உபாதையில் இருந்து மீண்டிருக்கும் வேகப்பந்துவீச்சாளர்களான மெதிவ் பி(f)ஷர், வில் ஓரூர்க்கே மற்றும் ப்ளையர் டிக்னர் ஆகியோர் மீண்டும் அணிக்குத் திரும்பியுள்ளனர்.
ஜூன் மாதம் மேற்கிந்திய தீவுகள் செல்லும் இலங்கை கிரிக்கெட் அணி
இதில் முதுகு உபாதையில் இருந்து குணமடைந்துள்ள வில் ஓரூர்க்கே ஒருநாள் தொடரிலும், காலில் ஏற்பட்ட உபாதையில் இருந்து மீண்டுள்ள மெதிவ் பிஷர் T20I தொடரிலும் விளையாடவுள்ளனர். அதேவேளை உபாதையில் இருந்து திரும்பிய மற்றுமொரு வீரரான மீண்டுள்ள ப்ளையர் டிக்னர் இரண்டு வகை போட்டிகளுக்காகவும் சேர்க்கப்பட்டுள்ளார்.
இதேநேரம் சகலதுறை சுழல்பந்துவீச்சாளரான டீன் பொக்ஸ்கிரொப்ட் 2024ஆம் ஆண்டுக்குப் முதன்முறையாக நியூசிலாந்து அணிக்காக மட்டுப்படுத்தப்பட்ட ஓவர்கள் கொண்ட போட்டிகளில் ஆடும் வாய்ப்பினைப் பெற்றிருக்கின்றார்.
IPL தொடரில் மும்பை இந்தியன்ஸ் அணிக்காக விளையாடும் மிச்சல் சாண்ட்னரிற்குப் பங்களாதேஷ் தொடரில் ஓய்வு வழங்கப்பட்டிருக்க, டொம் லேதம் இருவகைப் போட்டிகளிலும் நியூசிலாந்து தரப்பினை வழிநடாத்துவார் எனக் கூறப்பட்டிருக்கின்றது.
நியூசிலாந்து அணியானது மூவகைப் போட்டிகளுக்காகவும் ஏப்ரல் 13ஆம் திகதி டாக்கா சென்றடையவிருப்பதோடு, மூன்று போட்டிகள் கொண்ட ஒருநாள் தொடர் ஏப்ரல் 17ஆம் திகதி டாக்காவில் ஆரம்பமாகுகின்றது. இதனைத் தொடர்ந்து, மூன்று போட்டிகள் கொண்ட T20 தொடர் ஏப்ரல் 27ஆம் திகதி நடைபெறவுள்ளது.
நியூசிலாந்து ஒருநாள் குழாம்: டொம் லேதம் (தலைவர்), மொஹமட் அப்பாஸ், ஆதி அசோக், கிறிஸ்டியன் கிளார்க், ஜோஷ் கிளார்க்சன், டேன் கிளிவேர், டீன் பொக்ஸ்கிராப்ட், நிக் கெல்லி, ஜெய்டன் லீனாக்ஸ், ஹென்ரி நிக்கோல்ஸ், வில் ஓரூர்க்கே, பென் சீயர்ஸ், நேதன் ஸ்மித், ப்ளையர் டிக்னர், வில் யங்
நியூசிலாந்து T20 குழாம்: டொம் லேதம் (தலைவர்), கேட்டன் கிளார்க், கிறிஸ்டியன் கிளார்க், ஜோஷ் கிளார்க்சன், டேன் கிளிவேர், மெதிவ் பிஷர், டீன் பொக்ஸ்கிராப்ட், பெவின் ஜேக்கப்ஸ், நிக் கெல்லி, ஜெய்டன் லெனாக்ஸ், டிம் ரொபின்சன், பென் சீயர்ஸ், நதன் ஸ்மித், இஷ் சோதி, ப்ளையர் டிக்னர்
>>மேலும் கிரிக்கெட் செய்திகளைப் படிக்க<<
