மகளிர் பிரீமியர் லீக் (WPL – மகளிர் IPL) தொடரின் 2026ஆம் ஆண்டுக்கான புதிய பருவத்தில் தொடரின் நடப்பு சாம்பியன்களாக காணப்படும் மும்பை இந்தியன்ஸ் அணி அவுஸ்திரேலியாவின் முன்னாள் சுழற்பந்துவீச்சாளரான கிறிஸ்டன் பீம்ஸை புதிய சுழற்பந்துவீச்சு பயிற்சியாளராக நியமித்துள்ளது.
>>துடுப்பாட்டத்தில் போராடியும் இலங்கை மகளிருக்கு தோல்வி<<
41 வயதான கிறிஸ்டன் பீம்ஸ், அவுஸ்திரேலிய மகளிர் அணிக்காக டெஸ்ட், ஒருநாள் மற்றும் T20 என மூவகைப் போட்டிகளிலும் விளையாடிய அனுபவம் கொண்டவர். குறிப்பாக அவர் 2017ஆம் ஆண்டு நடைபெற்ற மகளிர் உலகக் கிண்ணத் தொடரில் அதிக விக்கெட்டுகளை வீழ்த்திய மூன்றாவது வீராங்கனை என்ற பெருமையை பெற்றிருக்கின்றமை சுட்டிக்காட்டத்தக்கது. அவர் அவுஸ்திரேலியாவின் உள்ளூர் T20 தொடரான மகளிர் பிக் பேஷ் தொடரிலும் சிறந்த பங்களிப்பை வழங்கியிருக்கின்றார்.
பீம்ஸ் தனது புதிய பொறுப்புடன் மும்பை இந்தியன்ஸ் அணியின் பயிற்சியாளர் குழுவில் ஏற்கனவே தலைமை பயிற்சியாளராக காணப்படும் லிசா கெய்ட்லி, பந்துவீச்சு பயிற்சியாளர் ஜூலன் கோஸ்வாமி மற்றும் துடுப்பாட்டப் பயிற்சியாளர் தேவிகா பால்ஷிகர் மற்றும் களத்தடுப்பு பயிற்சியாளர் நிகோல் போல்டன் ஆகியோருடன் இணைந்து பணியாற்றவிருக்கின்றமை குறிப்பிடத்தக்கது.
அதேவேளை மகளிர் பிரீமியர் லீக் தொடரின் புதிய பருவத்தின் முதல் போட்டியில் மும்பை இந்தியன்ஸ் அணியானது ரோயல் செலஞ்சர்ஸ் பெங்களூர் அணியினை ஜனவரி 09ஆம் திகதி எதிர்கொள்ளவிருப்பது சுட்டிக்காட்டதக்கது.
>>மேலும் கிரிக்கெட் செய்திகளைப் படிக்க<<
 தொடரின் 2026ஆம் ஆண்டுக்கான புதிய பருவத்தில் தொடரின் நடப்பு சாம்பியன்களாக காணப்படும் மும்பை இந்தியன்ஸ் அணி அவுஸ்திரேலியாவின் முன்னாள் சுழற்பந்துவீச்சாளரான கிறிஸ்டன் பீம்ஸை புதிய சுழற்பந்துவீச்சு பயிற்சியாளராக நியமித்துள்ளது.){kind=link}