மேற்கிந்திய தீவுகள் ஒருநாள் தொடரிலிருந்து விலகும் டேரைல் மிச்செல்

நியூசிலாந்து அணியின் முன்னணி சகலதுறை வீரர்களில் ஒருவரான டேரைல் மிச்செல், மேற்கிந்திய தீவுகள் அணிக்கு எதிரான ஒருநாள் தொடரின் எஞ்சிய போட்டிகளில் இருந்து விலகியுள்ளதாக நியூசிலாந்து கிரிக்கெட் சபை (NZC) தெரிவித்துள்ளது.

>>இலங்கை A அணிக்கு ரைசிங் ஸ்டார்ஸ் ஆசியக் கிண்ணத் தொடரில் முதல் வெற்றி<<

முதல் ஒருநாள் போட்டியில் துடுப்பாடிக் கொண்டிருந்த போது, மிச்செல் தனது இடுப்பு பகுதிக்கு அருகில் வலி ஏற்பட்டதை உணர்ந்ததாக கூறப்பட்டுள்ளது. இந்த நிலையில் மைதானத்தினை விட்டு வெளியேறிய அவர் பின்னர் மருத்துவ சோதனைகளுக்கு முகம் கொடுத்த போது அவருக்கு அப்பகுதியில் சிறிய கிழிவு (Minor Groin Tear) ஏற்பட்டிருப்பது தெரிய வந்ததால், இந்த தொடரில் அவர் தொடர்ந்தும் விளையாட முடியாத நிலை ஏற்பட்டுள்ளது.

அதேநேரம் அவருக்கு ஏற்பட்ட உபாதை பெரிய பிரச்சினையல்ல என்றும், சுமார் இரண்டு வாரங்களில் முழுமையாக குணமடையும் வாய்ப்பு உள்ளதாக அணியின் பயிற்சியாளர் ரொப் வால்டர் கூறியுள்ளார். இதனால், அடுத்த மாதம் மேற்கிந்திய தீவுகளுடன் ஆரம்பமாகும் டெஸ்ட் தொடரில் டேரைல் மிச்சல் ஆடமுடியும் என எதிர்பார்க்கப்படுகிறது.

டேரைல் மிச்செல் அணியில் இல்லாத சூழ்நிலையில், அவருக்கு பதிலாக அனுபவம் வாய்ந்த வீரரான ஹென்ரி நிக்கோல்ஸ் நியூசிலாந்தின் ஒருநாள் அணிக்குத் தெரிவு செய்யப்பட்டுள்ளார்.

அதேவேளை ஒருநாள் தொடரின் முதல் போட்டியை வென்ற நியூசிலாந்து அணியானது, தொடரில் இப்போது 1–0 என முன்னிலையில் காணப்பட இரண்டாவது போட்டி நாளை (19) நேப்பியரில் ஆரம்பமாகுகின்றது.

>>மேலும் கிரிக்கெட் செய்திகளைப் படிக்க<<