ஆர்ஜன்டீன கால்பந்து அணியின் நட்சத்திர வீரர் லியோனல் மெஸ்ஸி, பெனின் அணிக்கு எதிராக இன்று (07) நடைபெற்ற போட்டியுடன் சர்வதேச கால்பந்திலிருந்து விடைபெற்றுள்ளார்.
லியோனல் மெஸ்ஸி சர்வதேச கால்பந்திலிருந்து ஓய்வுபெறுவதாக ஏற்கனவே அறிவித்திருந்த போதும், அவருக்கான பிரியாவிடை போட்டியொன்றை ஆர்ஜன்டீன கால்பந்து சம்மேளனம் ஏற்பாடு செய்திருந்தது.
கடைசி நிமிட கோலுடன் போட்டியை சமப்படுத்திய கொழும்பு எப்.சி
இந்தப் போட்டியில் ஆர்ஜன்டீன அணி 3-0 என்ற கோல்கள் கணக்கில் வெற்றியினை பதிவுசெய்ததுடன், மெஸ்ஸி தன்னுடைய கடைசி போட்டியில் கோல் ஒன்றினையும் பதிவுசெய்திருந்தார். ஆட்டத்தின் 71ஆவது நிமிடத்தில் கிடைத்த பெனால்டி வாய்ப்பினை இவர் கோலாக மாற்றியிருந்தார்.
ஆர்ஜன்டீன அணிக்காக 2005ஆம் ஆண்டு அறிமுகமான இவர், கடந்த 21 ஆண்டுகளில் மொத்தமாக 126 கோல்களை தேசிய அணிக்காக பெற்றுக்கொடுத்துள்ளார்.
அதுமாத்திரமின்றி லியோனல் மெஸ்ஸி தன்னுடைய சர்வதேச கால்பந்து அரங்கில் அதிகமான கோல்களை (19 கோல்கள்) பெற்ற, மோனுமெண்டல் அரங்கில் இந்த கடைசி போட்டியில் விளையாடியிருந்தார் என்பதும் சுவாரஸ்யமான அம்சமாகும்.
லையனல் மெஸ்ஸி விளையாடிய காலப்பகுதியில் இரண்டு கோபா அமெரிக்கா கிண்ணங்களை ஆர்ஜன்டீன அணி வெற்றிக்கொண்டதுடன், கடந்த 2022ஆம் ஆண்டு கால்பந்து உலகக்கிண்ணத்தையும் வெற்றிக்கொண்டது. இறுதியாக இந்த ஆண்டு நடைபெற்ற உலகக்கிண்ணத்தில் இறுதிப்போட்டிக்கு தகுதிபெற்று கிண்ணத்தை ஆர்ஜன்டீன அணி தவறவிட்டிருந்தமையும் குறிப்பிடத்தக்கது.
>> மேலும் கால்பந்து செய்திகளுக்கு <<
 நடைபெற்ற போட்டியுடன் சர்வதேச கால்பந்திலிருந்து விடைபெற்றுள்ளார். ){kind=link}