අන්තර් පාසල් වයස අවුරුදු 15න් පහළ බැඩ්මින්ටන් තරගාවලිය පසුගිය දා ගාල්ල රිච්මන්ඩ් විද්‍යාලයීය ගෘහස්ථ ක්‍රීඩාංගණයේ දී නිමාවට පත්විය.
දින 4ක් පුරාවට පැවති මෙම තරගාවලිය ගාල්ල රිච්මන්ඩ් විද්‍යාලය හා ශ්‍රී ලංකා පාසල් බැඩ්මින්ටන් සංගමය විසින් සංවිධානය කළ අතර මේ එම තරගාවලිය පැවති 11 වැනි වසරයි. මෙම තරගාවලිය සඳහා පාසල් 110ක් නියෝජනය කරමින් ක්‍රීඩක ක්‍රීඩිකාවන් 1800ක් පමණ සහභාගි විය.
මධ්‍යම පළාත හොකී කුසලාන දෙකම උස්සයි
45 වැනි ජාතික මහා ක්‍රීඩා උලෙළට සමගාමීව …..
එහි දී සුපිරි A කාණ්ඩයේ බාලක ශූරතාව කොළඹ රාජකීය විද්‍යාලයටත්, බාලිකා ශූරතාව ගාල්ල සංඝමිත්තා විද්‍යාලයටත් හිමි විය. බාලක අනුශූරතාව මොරටුව වේල්ස් කුමර විද්‍යාලයටත්, බාලිකා අනුශූරතාව මාතර සුජාතා විද්‍යාලයටත් හිමි විය.
තරගාවලියේ A කාණ්ඩයේ බාලක ශූරතාව දිනා ගැනීමට වත්තල ලයිසියම් ජාත්‍යන්තර පාසල සමත් වූ අතර එහි අනුශූරයන් බවට පත්වීමට කොළඹ නාලන්ද විද්‍යාලය සමත් විය. A කාණ්ඩයේ බාලිකා ශූරතාව දිනා ගැනීමට මොරටුව Our Lady Victorious කන්‍යාරාමය සමත් වන විට බාලිකා අනුශූරතාව දිනා ගත්තේ මහනුවර උසස් බාලිකා විද්‍යාලය විසිනි.
ගම්පහ බණ්ඩාරනායක විද්‍යාලය B කාණ්ඩයේ බාලක ශූරයන් බවට පත්වූ අතර එම කාණ්ඩයේ බාලිකා ශූරතාව දිනා ගැනීමට කිරිබත්ගොඩ විහාරමහාදේවී විද්‍යාලය සමත් විය. කුරුණෑගල මලියදේව විද්‍යාලය හා මලියදේව බාලිකා විද්‍යාලය එම කාණ්ඩයේ බාලක හා බාලිකා අනුශූරයන් බවට පත්විය.
C කාණ්ඩයේ බාලක ශූරතාව ගම්පහ සුමේධ විද්‍යාලයට හිමි වූ අතර බාලිකා ශූරතාව හිමි වූයේ නුගේගොඩ සුජාතා විද්‍යාලයටයි. C කාණ්ඩයේ බාලක හා බාලිකා අනුශූරයන් ලෙස Asian Grammar School ජාත්‍යන්තර පාසල ද, ගාල්ල රිපන් බාලිකා විද්‍යාලය ද තේරි පත්විය.
කොළඹ ලුම්බිණි විද්‍යාලය හා මොරටුව වේල්ස් කුමර විද්‍යාලයීය බාලිකා කණ්ඩායම් D කාණ්ඩයේ බාලක හා බාලිකා ශූරතාවයන් දිනා ගත් අතර අනුශූරයන් වීමට ලලිත් ඇතුලත්මුදලි මහා විද්‍යාලය හා ලුම්බිණි විද්‍යාලයීය බාලිකා කණ්ඩායම් සමත් විය.
E කාණ්ඩයේ බාලක හා බාලිකා ශූරතාවයන් අනුපිළිවෙළින් මහනුවර අස්-සිරාජ් පිරිමි විද්‍යාලයටත්, කොටහේන යහපත් එඩේරාගේ කන්‍යාරාමයටත් හිමි විය. අනුශූරයන් බවට පත්වීමට නුගේගොඩ Louvre ජාත්‍යන්තර පාසල හා මහනුවර ස්වර්ණමාලි බාලිකා විද්‍යාලය සමත් විය.
අපරාජිත රටවල් දෙකක් අවසන් පූර්ව තරගයට
ශ්‍රී ලංකා බැඩ්මින්ටන් සභාපති රොහාන් ද සිල්වා ත්‍යාග ප්‍රදානෝත්සවයේ ආරාධිත අමුත්තා ලෙස සහභාගි විය. ශ්‍රී ලංකා පාසල් බැඩ්මින්ටන් සංගමයේ සභාපති හා රිච්මන්ඩ් විද්‍යාලයේ විදුහල්පති සම්පත් වේරගොඩ මහතා ද, ප්‍රධාන ලේකම් වන සමන් විජේසිංහ මහතා ද, බැඩ්මින්ටන් සංගමය නියෝජනය කරමින් අනෙකුත් නිලධාරීන් ද, පාසල් නියෝජනය කරමින් ගුරු මහත්ම මහත්මීන් ද මෙම අවස්ථාවට සහභාගි විය.
>> තවත් පුවත් සඳහා පිවිසෙන්න – මුල් පිටුවට <<
