ஜூன் மற்றும் ஜூலை மாதங்களில் இந்திய 19 வயதுக்குட்பட்டோர் ஆடவர் கிரிக்கெட் அணி இலங்கைக்கு சுற்றுப்பயணம் மேற்கொண்டு இலங்கை இளம் வீரர்களுடன் இருதரப்பு தொடர்களில் விளையாடவுள்ளது.
இந்தத் தொடர்களின் உத்தியோகபூர்வ போட்டி அட்டவணை இலங்கை கிரிக்கெட் சபை (SLC) மூலம் வெளியிடப்பட்டுள்ளது.
>>ஆப்கான். தொடருக்கான இந்திய ஒருநாள், டெஸ்ட் குழாம் அறிவிப்பு
இந்தச் சுற்றுப்பயணத்தில் இந்திய மற்றும் இலங்கை 19 வயதுக்குட்பட்டோர் அணிகள் இடையே மூன்று ஒருநாள் மற்றும் இரண்டு நான்கு நாட்கள் கொண்ட போட்டித் தொடர்கள் நடைபெறவுள்ளன.
இந்திய இளம் கிரிக்கெட் அணி வீரர்கள் ஜூன் 30ஆம் திகதி இலங்கை வந்தடையவிருக்கின்றமை குறிப்பிடத்தக்கது. இந்த தொடர்கள் இரு நாட்டு இளம் வீரர்களின் திறமையை வெளிப்படுத்த ஒரு சிறந்த வாய்ப்பாக அமையும் என எதிர்பார்க்கப்படுகிறது.
ஒருநாள் போட்டித் தொடர்
*அனைத்துப் போட்டிகளும் ஹம்பந்தோட்டையில்
ஜூலை 4, 2026: முதலாவது ஒருநாள் போட்டி
ஜூலை 6, 2026: இரண்டாவது ஒருநாள் போட்டி
ஜூலை 9, 2026: மூன்றாவது ஒருநாள் போட்டி
நான்கு நாள் போட்டித் தொடர்
ஜூலை 13 – 16, 2026: முதல் போட்டி (காலி)
ஜூலை 20 – 23, 2026: இரண்டாவது போட்டி (RPICS, கொழும்பு)
>>மேலும் கிரிக்கெட் செய்திகளைப் படிக்க<<
