லங்கா பிரீமியர் லீக் தொடரை இந்தியாவில் ஒளிபரப்புவதற்கான டிஜிட்டல் ஒளிபரப்பு உரிமையை முன்னணி நிறுவனமான பேன்கோட் (FanCode) நிறுவனம் வாங்கியுள்ளதாக உத்தியோகபூர்வமாக அறிவிக்கப்பட்டுள்ளது.
இலங்கை கிரிக்கெட் சபை மற்றும் IPG நிறுவனத்தின் ஏற்பாட்டில் எதிர்வரும் 17ஆம் திகதி முதல் அடுத்த மாதம் 8ஆம் திகதிவரை LPL தொடரின் ஆறாவது பருவகால போட்டிகள் நடைபெறவுள்ளன.
>>மஹவிதானவின் அதிரடிச் சதத்தால் இந்திய இளையோரை வீழ்த்தியது இலங்கை<<
இந்த நிலையில் LPL தொடரை இந்தியாவில் ஒளிபரப்புவதற்கான டிஜிட்டல் உரிமையை பேன்கோட் நிறுவனம் வாங்கியுள்ளதாக அறிவிக்கப்பட்டுள்ளது. இதன்மூலம் சர்வதேச பார்வையை மேலும் அதிகரிக்கக்கூடியதாக இருக்கும் ஏற்பாட்டுக்குழு தெரிவித்துள்ளது.
லங்கா பிரீமியர் லீக்குடன் இணைவது தொடர்பில் பேன்கோட் நிறுவனத்தின் நிறுவனர்களில் ஒருவரான பிரசன்ன கிருஷ்னண்,
“லங்கா பிரீமியர் லீக்குடன் எங்களது பங்களிப்பை தொடர்ந்து நீட்டிப்பதில் நாங்கள் மிகவும் மகிழ்ச்சியடைகிறோம். சர்வதேச கிரிக்கெட்டில் மிகவும் போட்டித்தன்மை வாய்ந்த தொடராக லங்கா பிரீமியர் லீக் உருவெடுத்துள்ளது. இது FanCode-இன் கிரிக்கெட் ஒளிபரப்பு தொகுப்பை மேலும் வலுப்படுத்துகிறது. இலங்கையின் நட்சத்திர வீரர்களும், உலகப் புகழ்பெற்ற சர்வதேச வீரர்களும் இணைந்து விளையாடும் LPL 2026, இந்திய கிரிக்கெட் ரசிகர்களை பெரிதும் கவரும் என நாங்கள் நம்புகிறோம். அந்த அனைத்து நேரடி போட்டி அனுபவங்களையும் FanCode மூலம் ரசிகர்களிடம் கொண்டு வருவதில் நாங்கள் மிகுந்த மகிழ்ச்சி அடைகிறோம்” என்றார்.
இம்முறை LPL தொடரில் இலங்கையின் முன்னணி 62 வீரர்கள் மற்றும் 32 வெளிநாட்டு வீரர்கள் ஐந்து அணிகளிலும் பங்கேற்கவுள்ளனர். கொழும்பு கேப்ஸ், கோல் கெலண்ட்ஸ், கண்டி றோயல்ஸ் மற்றும் எஸ்.சி. ஜப்னா கிங்ஸ் ஆகிய அணிகள் மோதவுள்ளமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
 நிறுவனம் வாங்கியுள்ளதாக உத்தியோகபூர்வமாக அறிவிக்கப்பட்டுள்ளது.){kind=link}