යුද හමුදා, NCC, CCC, SSC අර්ධ අවසන් වටයට

1622

ශ්‍රී ලංකා ක්‍රිකට් ආයතනය විසින් සංවිධානය කරන වයස 23න් පහල විස්සයි විස්ස ක්‍රිකට් තරගාවලියේ තවත් තරග කිහිපයක් ඊයේ (10) පැවැත්විය. එම තරගවලදි ප්‍රතිවාදීන් පරාජය කරමින් කොළඹ ක්‍රිකට් සමාජය, නාවික හමුදා ක්‍රීඩා සමාජය, පොලිස් ක්‍රීඩා සමාජය, වරාය අධිකාරී ක්‍රීඩා සමාජය, NCC, මීගමුව ක්‍රිකට් සමාජය, යුද හමුදා ක්‍රීඩා සමාජය, BRC සමාජය සහ ලංකන් ක්‍රිකට් සමාජය ජයග්‍ර‍හණ වාර්තා කිරීමට සමත් විය.

පසුගිය ලිපි: මීගමුව – NCC හඹා ගොස් ජයගනියි


සැරසන්ස් සහ කොළඹ ක්‍රිකට් සමාජ

කොළඹ ක්‍රිකට් සමාජය කඩුළු 4කින් ජය වාර්තා කිරීමට සමත් විය. ප්‍ර‍ථමයෙන් පිටියට පිවිසි සැරසන්ස් ක්‍රීඩකයින් පන්දුවාර 20 අවසානයේ ලකුණු 119 ලබා ගැනීමට සමත් විය. තරුෂාන් ඉද්දමල්ගොඩ ලකුණු 32. කොළඹ ක්‍රිකට් සමාජය  ලකුණු 120ක ඉලක්කයක් හඹා යෑමයට පිටියට පිවිසි අතර පන්දුවාර 19.5 කදි කඩුළු 6ක් දැවී ලකුණු 122 ක් ලබා ජයග්‍ර‍හණය වාර්තා කිරීමට සමත් විය.

ලකුණු සටහන:

සැරසන්ස් ක්‍රීඩා සමාජය – 199/9 (20): තරුෂාන් ඉද්දමල්ගොඩ 32, චෙමිල ඔබේසේකර 30, උස්මාන් ඉෂාක් 3/15, රවීන් සායෙර් 2/26.

කොළඹ ක්‍රිකට් සමාජය – 122/6 (19.5): රොෂාන් අනුරුද්ධ 44, ලහිරු ජයකොඩි 31, චානක දේවින්ද 3/20, තනුක දාඹරේ 2/20.

කඩුළු 4ක ජය කොළඹ ක්‍රිකට් සමාජයට


නාවික හමුදා සහ ආදි තර්ස්ටන් ක්‍රීඩා සමාජ

නාවික හමුදා ක්‍රීඩා සමාජයට මෙම  තරගයේ ජය හිමිවූයේ ලකුණු 31කිනි. ප්‍ර‍ථමයෙන්ම ලකුණු රැස්කිරීම ආරම්භ කල නාවිකයෝ පන්දුවාර 20ක් අවසානයේ කඩුළු 7ක් දැවී ලකුණු 163ක් වාර්තා කිරීමට සමත් විය. එහිදි මදුර මදුශංක ලකුණු 53ක් වාර්තා කිරීමට සමත් විය. ලකුණු 164ක අභියෝගය හඹා යෑමට පිටිවට පිවිසි ආදි තර්ස්ටන් ක්‍රීඩකයින් හට එම අභියෝගය සඵල කරගැනීමට ඉඩනොතබමින් ඔවුන්ගේ ඉණිම සියළු දෙනා දැවී පන්දුවාර 18.5 ක් වන විට නැවැත්වීමට නාවිකයෝ සමත් වූහ.

ලකුණු සටහන:

නාවික හමුදා ක්‍රීඩා සමාජය – 163/7 (20): මධුර මධුශංක 53, තුෂාර සමරකෝන් 46, සමීර සඳමාල් 21, ඩිලාන් මධුශංක 3/20, යේෂාන් වික්‍රමාරච්චි 2/24

ආදි තර්ස්ටන් පිල – 132 (18.5): නිපුන් ලක්ෂාන් 21, ඉසුරු ප්‍රනාන්දු 21, ලහිරු ඩිල්ෂාන් 3/20, රුවන් සම්පත් 2/26, යොහාන් සුරේෂ් 2/10

ලකුණු 31කින් ජය නාවික හමුදාවට


ගුවන් හමුදාව සහ පොලිස් ක්‍රීඩා සමාජ

නියමිත පන්දුවාර 20 අවසන් වීමට පන්දු 2ක් ඉතිරිව තිබියදි ඉලක්කය සපුරා ගත් පොලිස් ක්‍රීඩකයින් තරගයේ ජයග්‍ර‍හණය වාර්තා කිරීමට සමත් විය. ප්‍ර‍ථමයෙන්ම තරගයට පිවිසි ගුවන් හමුදා ක්‍රීඩකයින් පන්දුවාර 20ක් අවසානයේ ලකුණු 158ක් වාර්තා කලේ කඩුළු 5 දවා ගනිමිනි. ඉන්පසු 159ක ඉලක්කයක් හඹා ගිය පොලිස් ක්‍රීඩකයෝ පන්දුවාර 19.4 කදි කඩුළු 5ක් දැවී ඉලක්කය සපුරා ගැනීමට සමත් වුහ.

ලකුණු සටහන:

ගුවන් හමුදා ක්‍රීඩා සමාජය – 158/5 (20): විශ්ව චතුරංග 47, සචිර උදාර 37, ලහිරු කුමාර 24, උදාර විජේවික්‍රම 2/20

පොලිස් ක්‍රීඩා සමාජය – 159/5 (19.4): ඉමේෂ් උදයංග 74, මිලාන් ප්‍රියන්ත 2/39, ඉමේෂ් මෙන්ඩිස් 2/24

එක් ලකුණකින් ජය පොලිස් කණ්ඩායමට.


වරාය අධිකාරි සහ රියෝ ක්‍රීඩා සමාජ

මෙම තරගයේ ජයග්‍ර‍හණය හිමි කරගත්තේ වරාය අධිකාරීන් විසිනි. ඔවුන් පන්දුවාර 19.3 කදි සියළු දෙනා දැවී ලකුණු 119ක් වාර්තා කිරීමට සමත් විය. ඉන්පසුව දෙවන ඉණිම ක්‍රියාත්මක කල රියෝ ක්‍රීඩකයින් සියළුම දෙනා දවාලමින් ඔවුන් ලකුණු 95කට සීමා කිරීමට වරාය ආධිකාරී ක්‍රීඩකයින් සමත් විය.

ලකුණු සටහන:

වරාය අධිකාරි ක්‍රීඩා සමාජය – 119 (19.3): හමදුරංග රාජපක්ෂ 25, ඉෂාන් රංගන 25, එන් Ransika 4/16, එල්. ශනික 2/23, චලිත චමෝද් 2/27.

රියෝ ක්‍රීඩා සමාජය – 95 (17.4): අමින්දු මෙන්ඩිස් 27, හර්ෂ රාජපක්ෂ 3/11, ඉෂාන් රංගන 2/08, චලනක වීරසිංහ 2/18

ලකුණු 24කින් ජය වරාය අධිකාරී ක්‍රීඩා සමාජයට.


NCC සහ බ්ලූම් ෆීල්ඩ් ක්‍රීඩා සමාජ

අගනා ලකුණු 44ක් වාර්තා කල තිමිර ජයසිංහ සහ නොදැවී ක්‍රීඩා කරන රමින්දු ද සිල්වා විසින් රැස් කල ලකුණු 35 අතුළුව මුළු ලකුණු 171ක් ලබා ගත් NCC ක්‍රීඩා සමාජයට ජය හිමිවූයේ ප්‍ර‍තිවාදීන්ගේ හඹා යෑම අසාර්ථක වීම නිසාවෙනි. ප්‍ර‍තිවාදීන් වු බ්ලූම් ෆීල්ඩ් ක්‍රීඩා සමාජය 172ක අභියෝගයක් හඹා ගිය අතර ඔවුන්ව සාර්ථක නැවත්වීමට සමත් වූ NCC ක්‍රීඩකයින් පන්දුවාර 19.5කදි ලකුණු 164ක් පමණක් ඔවුන් රැස්කිරීමට ඉඩ සලසා දෙන ලදි.

ලකුණු සටහන:

NCC -171/7 (20): තිමිර ජයසිංහ 44, නිරෝෂන් දික්වැල්ල 40, රමිදු ද සිල්වා 35 *, ටී. කරුණාරත්න 2/41, මොහොමඩ් අක්රම් 2/22.

බ්ලූම්ෆීල්ඩ් සමාජය – 164 (19.5): චන්දුලගේ ජයමාන්න 57, තරිඳු ලංකාතිලක 36, ලසිත් ඇඹුල්දෙනිය 4/31, රවිඳු තිලකරත්න 3/28

ලකුණු 7කින් ජය NCC සමාජයට.


මීගමුව ක්‍රිකට් සමාජය සහ පානදුර ක්‍රීඩා සමාජය

මීගමුවට ජය හිමිවෙමින් තරගය නිමාවිය. එහිදි ප්‍ර‍ථමයෙන් තරග වැදුනු මීගමුව ක්‍රීඩකයින්  පන්දුවාර 20ක් අවසානයේ කඩුළු 9ක් දැවී ලකුණු 130ක් රැස් කරන ලදි. ප්‍ර‍තිවාදීන් වූ පානදුර ක්‍රීඩකයින් මීගමුව ක්‍රීඩකයින්ව හඹා යෑම ආරම්භ කලත් පානදුර ක්‍රීඩකයින්ට සාර්ථක වීමට ඉඩ ලැබුනේ නැත.

ලකුණු සටහන:

මීගමුව ක්‍රීකට් සමාජය – 130/9 (20):  අකීල් ඉන්ගම 46, ෂෙහාන් දිලසිරි 36, මාධව නිමේෂ් 3/36, නිමේෂ් විමුක්ති 2/17.

පානදුර ක්‍රීඩා සමාජය – 128/9 (20): මාධව නිමේෂ් 31, රංජිත් ගුණරත්න මහතා 22, පසිඳු ද සිල්වා 5/27.

ලකුණු 2කින් ජය මීගමුව ක්‍රිකට් සමාජයට


යුද හමුදා ක්‍රීඩා සමාජය සහ කොල්ට්ස් ක්‍රිකට් සමාජය

කොල්ට්ස් සමාජයට පරාජය පත් කරමින් යුද හමුදා ක්‍රීඩා සමාජයට ජයග්‍ර‍හණ ලබා ගැනීමට හැකි විය. ප්‍ර‍ථමයෙන් ලකුණු රැස් කිරීමට පිටියට පිවිසි යද හමුදා ක්‍රීඩකයින් නියමිත පන්දුවාර ගණන අවසානයේ කඩුළු 9ක් දැවී ලකුණු 145ක් වාර්තා කරන ලදි. ඉන්පසුව ලකුණු 146ක අභියෝගයක් හඹා ගිය කොල්ට්ස් ක්‍රීඩකයින් සියළු දෙනා දැවී රැස් කරගත හැකි වූයේ ලකුණු 106ක් පමණි.

ලකුණු සටහන:

යුද හමුදා ක්‍රීඩා සමාජය – 145/9 (20): ඩිල්ෂාන් ද සිල්වා 48, මොහොමඩ් ශිරාස් 3/19, අලි ඛාන් 2/28

කෝල්ට්ස් ක්‍රිකට් සමාජය – 106 (19.1): අලි ඛාන් 29 *, නලින් පෙරේරා 3/18, යොහාන් ද සිල්වා මහතා 3/16

ලකුණු 39කින් ජය යුද හමුදාවට.


BRC සමාජය සහ සෙන්ට්‍ර‍ලයිස්ඩ් ක්‍රිකට් සමාජය

ප්‍ර‍ථමයෙන් පන්දුවට පහර දුන් BRC ක්‍රීඩකයෝ අගනා ලකුණු 164ක් වාර්තා කිරීමට සමත් වූයේ කඩුළු 9ක් ද දවා ගනිමිනි. එහිදි රමින්ද විජේසූරිය ලකුණු 61ක් සහ පන්දු යැවීමේදි ලහිරු කාෂ්‍යප ලකුණු 23කට කඩුළු 3ක් ද දවා ගැනීමට සමත් විය. ඉන්පසුව පිලිතුරු ඉණිම ඇරඹි සෙන්ට්‍ර‍ලයිස්ඩ් ක්‍රීඩකයෝ එතරම් සාර්ථක ලෙස තරග කිරීමට අපොහොසත් වූ අතර ඔවුන්ට පන්දුවාර 17.5කදි සියළු දෙනා දැවී රැස් කිරීමට හැකි වූයේ ලකුණු 94ක් පමණි.

ලකුණු සටහන:

BRC සමාජය – 164/9 (20): රමින්ද විජේසූරිය 61, ලසිත් ලක්ෂාන් 32, ලහියු කාෂ්‍යප 3/23, අනුපම වනසිංහ 3/32.

සෙන්ට්‍ර‍ලයිස්ඩ් ක්‍රිකට් සමාජය – 94 (17.5): අනුපම වනසිංහ 40, චමීර දිසානායක 3/09, නිමන්ත ගුණසිරි 2/17, පූර්ණ අලූත්ගේ 2/25.

ලකුණු 70ක ජය BRC සමාජයට.


කුරුණෑගල යූත් සහ ලංකන් ක්‍රිකට් සමාජ

කඩුළු 7කින් තරගය ජයග්‍ර‍හණය කිරීමට කුරුණෑගල සමාජය සමත් විය. කුරුණෑගල සමාජ ක්‍රීඩකයින් පන්දුවාර 18.4කදි සියළු දෙනා දැවී ගොස් රැස් කරගත හැකි වූයේ ලකුණු 102ක් පමණි. එහිදි දමිත් පෙරේරා ලකුණු 25ක් වාර්තා කිරීමට සමත් වූ අතර පන්දු යැවීමේදි ජනිත් ඩයස් ලකුණු 16කට කඩුළු 3ක් දවා ගැනීමට සමත් විය. පිලිතුරු ඉණිම ක්‍රියාත්මක කල ලංකන් සමාජ ක්‍රීඩකයෝ කඩුළු 3ක් දැවී ලකුණු 106ක් වාර්තා කිරීමට සමත් විය.

ලකුණු සටහන:

කුරුණෑගල යූත් ක්‍රිකට් සමාජය – 102 (18.4): දමිත් පෙරේරා 25, ජනිත් ඩයස් 3/16, ප්‍ර‍මුද් හෙට්ටිවත්ත 3/21, කුළුනු රොද්රිගු 2/26.

කෝල්ට්ස් ක්‍රිකට් සමාජය – 106/3 (13.1): ප්‍රමුද් හෙට්ටිවත්ත 47 *, සංජුල අබේවික්‍ර 39 *, රන්දීර රණසිංහ 2/27.

පැවති තරගවලින් අනතුරුව SSC, NCC, CCC සහ යුද හමුදා සමාජ අර්ධ අවසන් වටයට අසුන් වෙන්කර ගන්නා ලදි.

තවත් පුවත් සදහා පිවිසෙන්න – මුල්පිටුවට