ඕස්ට්‍රේලියාව සමඟ පැවැත්වෙන තරග දෙකකින් සමන්විත එක්දින ක්‍රිකට් තරගාවලිය 2-0ක් ලෙස ජයග්‍රහණය කිරීමට ශ්‍රී ලංකා කණ්ඩායම අද (14) සමත් වුනා.
කොළඹ ආර්. ප්‍රේමදාස ක්‍රිකට් ක්‍රීඩාංගණයේ දී අද උදෑසන ආරම්භ වුනු මෙම තරගයේ කාසියේ වාසිය ශ්‍රී ලංකා නායක චරිත් අසලංක සතු වූ අතර, ඔහුගේ තීරණය අනුව පැතුම් නිස්සංක සහ නිශාන් මදුශ්ක ඉනිම ආරම්භ කිරීම සඳහා පිටියට ප්‍රවිෂ්ට වුනා.
කෙසේ වෙතත් අද දිනයේ ද පැතුම්ට බලාපොරොත්තු වූ තරම් සාර්ථක වීමට ඉඩ නොලැබුණු අතර, ඔහුගේ ඉනිම ලකුණු 06කට සීමා වුනා. කෙසේ වෙතත් ඉන් පසුව කඩුල්ලේ එක් වූ කුසල් මෙන්ඩිස් සහ නිශාන් විසින් දෙවැනි කඩුල්ල වෙනුවෙන් ලකුණු 98ක් එක් කිරීමට සමත් වූ අතර, මෙහි දී නිශාන්ගේ පිත්තෙන් ලකුණු 51ක් වාර්තා වුනා. ඔහුගේ දැවී යාමෙන් පසුව කමිඳු මෙන්ඩිස් පිටියට පිවිසුණු අතර, ඔහුටත් අද දිනයේ සාර්ථක වීමට හැකි වුනේ නැහැ.
ශ්‍රී ලංකා ඉනිමේ කඩුලු 3ක් ලකුණු 121කට දැවී ගිය පසුව නායක චරිත් අසලංක සහ කුසල් මෙන්ඩිස් පිටියේ එක් වෙමින් තවත් ලකුණු 94ක සබඳතාවක් පිහිටුවීමට සමත් වුනා.
මෙහි දී කුසල් මෙන්ඩිස් විසින් විශිෂ්ට ශතකයක් වාර්තා කරමින් පන්දු 115කින් ලකුණු 101ක් ලබා ගැනීමට සමත් වීම විශේෂත්වයක්. මෙන්ඩිස් පිටියෙන් ඉවත් වීමෙන් පසුව චරිත් සමඟ ජනිත් ලියනගේ කඩුල්ලේ එක් වුනා. ඔවුන් දෙදෙනා විසින් ශ්‍රී ලංකා ඉනිම අවසන් වන තුරු නොදැවී සිටීමට සමත් වූ අතර, ඉනිමේ පස් වැනි කඩුල්ල වෙනුවෙන් වේගවත් ලකුණු 66ක් එක් කිරීමට ද සමත් වුනා.
මෙහි දී චරිත් පන්දු 66ක් තුළ ලකුණු 78ක් වාර්තා කිරීමට සමත් වුනේ හතරේ පහර 6ක් සහ හයේ පහර 03ක් එල්ල කරමිනුයි. එමෙන්ම ජනිත් ලියනගේ හතරේ පහර 03ක් සහ හයේ පහර 02ක් සමඟ පන්දු 21කින් ලකුණු 32ක් ලබා ගැනීමට සමත් වුනේ ශ්‍රී ලංකා ඉනිම කඩුලු 4කට ලකුණු 281ක් දක්වා ඉහළට ඔසවා තබමිනුයි.
- ශ්‍රී ලංකා කණ්ඩායමේ උඳුවප් සංචාරය
- නවසීලන්තයේ සංචාරය කිරීමට නියමිත ශ්‍රී ලංකා T20 සංචිතය නම් කරයි
- නවක ක්රීඩකයා සමඟ ගැටුණු Kohliට දඩ නියම වෙයි!
- ශ්‍රී ලංකාව පුහුණු තරග ද්විත්වය පහසුවෙන් ජය ගනී
- චරිත් සහ දුනිත් ශ්‍රී ලංකාවේ ජය තහවුරු කරයි
පෙර තරගයේ දී ශ්‍රී ලංකාවෙන් ලද ඉලක්කයට වඩා තරමක් අසීරු ඉලක්කයක් ලෙස පෙනී ගිය මෙම ලකුණු 281 හඹා යාමට ඕස්ට්‍රේලියානු පිතිකරුවන් පිටියට පිවිසුනත්, ඔවුන්ට පෙර තරගයේ තරම් හෝ සාර්ථක පිතිකරණයක නියැලීමට ශ්‍රී ලංකා පන්දු යවන්නන් ඉඩ ලබා දුන්නේ නැහැ.
මෙහි දී නැවත වරක් ඕස්ට්‍රේලියානු මුල් පෙළ බිඳ දැමීමට සමත් වූ අසිත ප්‍රනාන්දු විසින් කඩුලු 3ක් දවා ගන්නා අතරේ, වනිඳු හසරංග ද කඩුලු 3ක් දවා ගැනීමට සමත් වුනා.
මේ අතරේ ශ්‍රී ලංකාව වෙනුවෙන් වඩාත් කැපී පෙනෙන පන්දු යැවීම ප්‍රදර්ශනය කළ දුනිත් වෙල්ලාලගේ විසින් ලකුණු 35කට කඩුලු 4ක් බිඳ හෙළීමට සමත් වුනා.
ඕස්ට්‍රේලියානු ඉනිම පන්දුවාර 24 පන්දු 2ක් තුළ ලකුණු 106කට සීමා වූ අතර, ඉනිමේ ඉහළම ලකුණු ලාභියා වූ නායක Steven Smith ලකුණු 29ක් ලබා ගැනීමට සමත් වුනා.
මේ අනුව ශ්‍රී ලංකාවට තරගයෙන් ලකුණු 174ක දැවැන්ත ජයක් හිමි වූ අතර, ඒ අනුව එක්දින තරගාවලිය ද 2-0ක් ලෙස ජයග්‍රහණය කිරීමට ශ්‍රී ලංකාව සමත් වුනා.
මෙම තරගයේ වීරයා සම්මානය කුසල් මෙන්ඩිස් විසින් හිමි කර ගනිද්දී, තරගාවලියේ වීරයා ලෙස චරිත් අසලංක සම්මාන දිනා ගැනීමට සමත් වුනා.
Result
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | b Aaron Hardie | 6 | 20 | 1 | 0 | 30.00 |
| Nishan Madushka | c Adam Zampa b Ben Dwarshuis | 51 | 70 | 4 | 1 | 72.86 |
| Kusal Mendis | c Matthew Short b Adam Zampa | 101 | 115 | 11 | 0 | 87.83 |
| Kamindu Mendis | b Sean Abbott | 4 | 8 | 0 | 0 | 50.00 |
| Charith Asalanka | not out | 78 | 66 | 6 | 3 | 118.18 |
| Janith Liyanage | not out | 32 | 21 | 3 | 2 | 152.38 |
| Extras | 9 (b 0 , lb 4 , nb 0, w 5, pen 0) |
| Total | 281/4 (50 Overs, RR: 5.62) |
| Bowling | O | M | R | W | Econ | |
|---|---|---|---|---|---|---|
| Ben Dwarshuis | 10 | 1 | 47 | 1 | 4.70 | |
| Aaron Hardie | 9 | 0 | 60 | 1 | 6.67 | |
| Sean Abbott | 10 | 0 | 41 | 1 | 4.10 | |
| Matthew Short | 4 | 0 | 25 | 0 | 6.25 | |
| Tanveer Sangha | 5 | 0 | 34 | 0 | 6.80 | |
| Adam Zampa | 8 | 0 | 47 | 1 | 5.88 | |
| Glenn Maxwell | 4 | 0 | 23 | 0 | 5.75 | |
| Batsmen | R | B | 4s | 6s | SR | |
|---|---|---|---|---|---|---|
| Matthew Short | lbw b Asitha Fernando | 2 | 8 | 0 | 0 | 25.00 |
| Travis Head | c Vishwa Fernando b Asitha Fernando | 18 | 18 | 3 | 0 | 100.00 |
| Jake Fraser McGurk | c Charith Asalanka b Asitha Fernando | 9 | 9 | 2 | 0 | 100.00 |
| Steve Smith | lbw b Wanindu Hasaranga | 29 | 34 | 3 | 1 | 85.29 |
| Josh Inglis | b Dunith Wellalage | 22 | 27 | 4 | 0 | 81.48 |
| Aaron Hardie | c Kamindu Mendis b Wanindu Hasaranga | 0 | 4 | 0 | 0 | 0.00 |
| Glenn Maxwell | b Dunith Wellalage | 1 | 3 | 0 | 0 | 33.33 |
| Sean Abbott | lbw b Wanindu Hasaranga | 2 | 8 | 0 | 0 | 25.00 |
| Ben Dwarshuis | c Eshan Malinga b Dunith Wellalage | 9 | 11 | 0 | 1 | 81.82 |
| Adam Zampa | b Dunith Wellalage | 8 | 9 | 1 | 0 | 88.89 |
| Tanveer Sangha | not out | 5 | 16 | 0 | 0 | 31.25 |
| Extras | 2 (b 0 , lb 0 , nb 1, w 1, pen 0) |
| Total | 107/10 (24.2 Overs, RR: 4.4) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 4 | 0 | 23 | 3 | 5.75 | |
| Maheesh Theekshana | 3 | 0 | 11 | 0 | 3.67 | |
| Dunith Wellalage | 7.2 | 0 | 35 | 4 | 4.86 | |
| Eshan Malinga | 3 | 0 | 15 | 0 | 5.00 | |
| Wanindu Hasaranga | 7 | 2 | 23 | 3 | 3.29 | |
එමෙන්ම මෙම තරගාවලි ජයත් සමඟ ශ්‍රී ලංකාව ලෝක එක්දින ක්‍රිකට් ශ්‍රේණිගත කිරීම් හි 05 වැනි ස්ථානය දක්වා ඉදිරියට පැමිණීමට ද සමත් වීම විශේෂත්වයක්.
දෙස් විදෙස් ක්‍රිකට් පිටියේ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>> තවත් ක්‍රිකට් පුවත් සඳහා පිවිසෙන්න <<
 සමත් වුනා.){kind=link}