தென்கொரியாவில் நடைபெற்றுவரும் 2023ம் ஆண்டுக்கான ஆசிய இளையோர் வலைப்பந்தாட்ட சம்பியன்ஷிப் தொடரில் இலங்கை இளையோர் அணி மூன்றாவது இடத்தை பிடித்துக்கொண்டது.
ஹொங் கொங் மற்றும் இலங்கை அணிகளுக்கு இடையில் நடைபெற்ற மூன்றாவது இடத்துக்கான போட்டியில் இலங்கை அணி 46-32 என்ற புள்ளிகள் கணக்கில் வெற்றியினை பதிவுசெய்தது.
ஆசிய இளையோர் வலைப்பந்து சம்பியன்ஷிப் அரையிறுதியில் இலங்கை
விறுவிறுப்பாக நடைபெற்ற இந்தப் போட்டியின் முதல் காற்பகுதியை ஹொங் கொங் அணி 11-10 என கைப்பற்றி இலங்கை அணிக்கு சவால் கொடுத்தது.
முதல் காற்பகுதி தோல்வியின் பின்னர் மீண்டும் பிரகாசிப்புக்கு வந்த இலங்கை இளையோர் அணி 11-6 என இரண்டாவது செட்டை கைப்பற்றியது. எனவே முதல் பாதியில் 21- 17 என்ற கணக்கில் இலங்கை அணி முன்னிலை வகித்தது.
தொடர்ந்து ஆரம்பித்த மூன்றாவது காற்பகுதியில் இரண்டு அணிகளும் சிறப்பாக ஆட, இலங்கை அணி 13-10 என்ற புள்ளிகள் கணக்கிலும், நான்காவது காற்பகுதியில் 12-05 என்ற புள்ளிகள் கணக்கிலும் வெற்றிபெற்று தொடரில் மூன்றாவது இடத்தை பிடித்துக்கொண்டது.
மலேசியா எதிர் இலங்கை (அரையிறுதிப்போட்டி)
மலேசியா அணிக்கு எதிராக நடைபெற்ற அரையிறுதிப்போட்டியில் இலங்கை இளையோர் அணி 77-36 என்ற புள்ளிகள் கணக்கில் தோல்வியடைந்தது.
போட்டியின் ஆரம்பம் முதல் இறுதிவரை முற்றுமுழுதாக ஆதிக்கம் செலுத்தியிருந்த மலேசிய அணி முதல் இரண்டு காற்பகுதிகளையும் 16-6 மற்றும் 21-08 என்ற புள்ளிகள் கணக்கில் கைப்பற்றி முதல் பாதியில் 37-14 என முன்னிலைப்பெற்றது.
தொடர்ந்து ஆரம்பித்த மூன்றாவது காற்பகுதியில் 19-11 மற்றும் நான்காவது காற்பகுதியில் 21-11 என்ற புள்ளிகள் கணக்கில் இலகுவாக வெற்றிகளை பதிவுசெய்த மலேசிய அணி 77-36 என்ற புள்ளிகள் கணக்கில் போட்டியை கைப்பற்றி இறுதிப்போட்டிக்கு தகுதிபெற்றது.
இலங்கை அணியை பொருத்தவரை பாஷி உடகெதர 25 முயற்சிகளில் 22 புள்ளிகளை அதிகமாக பெற்றுக்கொடுத்ததுடன், டில்மினி விஜேநாயக்க 12 முயற்சிகளில் 11 புள்ளிகளை பெற்றுக்கொடுத்தார்.
>>மேலும் பல விளையாட்டு செய்திகளை படிக்க<<
