தொடர்ச்சியாக மோசமான ஆட்டத்தினை வெளிப்படுத்தி வருகின்ற அவுஸ்திரேலிய அணியின் முன்வரிசை துடுப்பாட்டவீரரான மார்னஸ் லபுச்சேனே, ஜிம்பாப்வே மற்றும் தென்னாபிரிக்காவுக்கு எதிரான ஒருநாள் தொடர்களுக்கான அவுஸ்திரேலிய குழாத்தில் இருந்து நீக்கப்பட்டுள்ளார்.
மகளிர் சம்பியன்ஸ் கிண்ணம்; நடாத்தும் வாய்ப்பை இழக்குமா இலங்கை?
பாகிஸ்தான் அணியுடன் நடைபெற்ற ஒருநாள் தொடரில் மூன்று போட்டிகளில் வெறும் 24 ஓட்டங்கள் மாத்திரமே குவித்த மார்னஸ் லபுச்சேனே, கடந்த ஜூன் மாதம் பங்களாதேஷ் அணியுடனான ஒருநாள் தொடரிலும் ஒரேயொரு அரைச்சதம் மாத்திரமே பெற்றிருந்தார். பின்னர் சொந்த மண்ணில் பங்களாதேஷ் அணியுடனான 2 போட்டிகள் கொண்ட டெஸ்ட் தொடரிலும் அவர் சோபிக்கத் தவறியிருந்தார். இந்த நிலையிலையே லபுச்சேனே ஆஸி. ஒருநாள் அணியில் இருந்து நீக்கப்பட்டிருக்கின்றார்.
லபுச்சேனே இல்லாத நிலையில் அறிமுக சகலதுறைவீரர் ஜோயல் டேவிஸ், தனது ஒருநாள் அறிமுகத்தினை பெறும் வாய்ப்பைப் பெற்றுள்ளார். மறுமுனையில் கடந்த மே மாதம் பாகிஸ்தானுக்கு எதிராக ஒருநாள் அறிமுகம் பெற்ற அறிமுகமான இடதுகை துடுப்பாட்டவீரரான ஓல்லி பீக் தனது இடத்தை அணியில் தக்கவைத்துக் கொண்டுள்ளார்.
இதேவேளை வேகப்பந்துவீச்சாளரான ஜோஷ் ஹேசல்வூட் இரு தொடர்களிலும் ஆடத் திரும்புகின்றார். மூன்று போட்டிகள் கொண்ட டெஸ்ட் தொடருக்கு முன்னதாக, பேட் கம்மின்ஸ் மற்றும் மிச்சல் ஸ்டார்க் ஆகியோர் தென்னாபிரிக்க தொடரில் மட்டும் அணியுடன் இணைவார்கள். கம்மின்ஸ் இணையும் வரை, ஜிம்பாப்வே தொடரில் மிச்சல் மார்ஷ் அணியை வழிநடத்துவார் எனக் குறிப்பிடப்பட்டிருக்கின்றது.
இங்கிலாந்துக்கு சுற்றுப்பயணம் மேற்கொள்ளும் இலங்கை!
அவுஸ்திரேலிய முதலாவதாக ஜிம்பாப்வே அணியுடனான ஒருநாள் தொடரில் ஆடுவதோடு இந்த தொடர் செப்டம்பர் 15ஆம் திகதி தொடங்குகின்றது. அதன் பின்னர் தென்னாபிரிக்க ஒருநாள் தொடர் செப்டம்பர் 24ஆம் திகதி டர்பன் நகரில் ஆரம்பமாகுகின்றது.
ஜிம்பாப்வே மற்றும் தென்னாபிரிக்க சுற்றுப்பயணத்திற்கான அவுஸ்திரேலிய ஒருநாள் குழாம்:
சேவியர் பார்ட்லெட், அலெக்ஸ் கெர்ரி, கூப்பர் கொன்னொலி, பேட் கம்மின்ஸ்*, ஜோயல் டேவிஸ், நதன் எல்லிஸ், கேமரூன் கிரீன், ஜோஷ் ஹேசல்வூட், டிராவிஸ் ஹெட், ஜோஷ் இங்லீஸ், ஸ்பென்சர் ஜொன்சன், மிச்செல் மார்ஷ், ஒல்லி பீக், மெதிவ் ரென்ஷாவ், பில்லி ஸ்டேன்லேக், மிச்சல் ஸ்டார்க்*, அடம் ஷம்பா.
*தென்னாபிரிக்க ஒருநாள் தொடர் வீரர்கள்
>>மேலும் கிரிக்கெட் செய்திகளைப் படிக்க<<
