கொழும்பு சுகதசாஸ அரங்கில் நடைபெற்ற அப் கண்ட்ரி லயன்ஸ் மற்றும் நியூவ் யங்ஸ் அணிகளுக்கு இடையிலான சுப்பர் லீக் தொடரின் 27ஆவது போட்டியில் அப் கண்ட்ரி லயன்ஸ் அணி 6-0 என்ற கோல் கணக்கில் அபாரமான வெற்றியை பதிவுசெய்தது.
போட்டியின் ஆரம்பம் முதல் தங்களுடைய ஆதிக்கத்தை காட்டிய அப் கண்ட்ரி லயன்ஸ் அணி முதலாவது நிமிடத்தில் முதலாவது கோலை பதிவுசெய்தது. நவீன் ஜூட் தட்டிக்கொடுத்த பந்தை பெனால்டி கட்டத்துக்கு வெளியிலிருந்து அடித்து பெஞ்சமின் யோர்க் முதல் கோலை பதிவுசெய்தார்.
ஐரோப்பிய லீக்குகளில் இருந்து வெளியேறும் ஜாம்பவான்கள் !
தொடர்ந்து பந்தினை தங்களுடைய வசத்தில் அதிகநேரம் வைத்துக்கொண்டு கோல் அடிக்கும் முயற்சிகளை மேற்கொண்ட அப் கண்ட்ரி லயன்ஸ் தொடர்ந்தும் தங்களுடைய ஆதிக்கத்தை வெளிக்காட்டியது.
அதன்படி 33ஆவது நிமிடத்தில் மொஹமட் இஷான் இரண்டாவது கோலை அடிக்க, இந்த கோல் பெறப்பட்ட 3ஆவது நிமிடத்தில் (36ஆவது நிமிடம்) மொஹமட் ஆகில் அணிக்கான மூன்றாவது கோலை பெற்றுக்கொடுத்தார்.
பின்னர் போட்டியின் 43 ஆவது நிமிடத்தில் மொஹட் அஸாத் அப் கண்ட்ரி லயன்ஸ் அணிக்காக அற்புதமான கோல் ஒன்றை பெற்றுக்கொடுத்ததுடன், முதல் பாதியில் மேலதிகமாக வழங்கப்பட்ட மூன்றாவது நிமிடத்தில் மொஹமட் ஆகிப் தன்னுடைய இரண்டாவது கோலை பதிவுசெய்ததுடன், முதல் பாதியில் அப் கண்ட்ரி லயன்ஸ் அணி 5-0 என்ற கோல்கள் கணக்கில் முன்னிலை பெற்றது.
முதல் பாதி – அப் கண்ட்ரி லயன்ஸ் 5 – 0 நியூவ் யங்ஸ்
தொடர்ந்து ஆரம்பித்த இரண்டாவது பாதியிலும் அப் கண்ட்ரி லயன்ஸ் அணி ஆதிக்கத்தை காட்டியதுடன், போட்டியின் 61ஆவது நிமிடத்தில் நவீன் ஜூட் கோலடித்தார். இதன்மூலம் 6-0 என்ற முன்னிலையை அப் கண்ட்ரி லயன்ஸ் அணி பெற்றுக்கொண்டது.
பந்தினை தொடர்ந்தும் தங்களுடைய கட்டுப்பாட்டில் அதிக நேரம் வைத்திருந்த அப் கண்ட்ரி லயன்ஸ் அணி, மேலதிகமாக கோல் அடிக்கும் வாய்ப்புகள் பலவற்றை தவறவிட்டது. இறுதிவரை நியூவ் யங்ஸ் அணி கோல்கள் எதனையும் பெறாத நிலையில் 6-0 என்ற கோல்கள் கணக்கில் அப் கண்ட்ரி லயன்ஸ் அணி போட்டியில் வெற்றிபெற்றது.
இந்த வெற்றியின் மூலம் விளையாடிய 6 போட்டிகளிலும் வெற்றிபெற்ற அப் கண்ட்ரி லயன்ஸ் அணி 18 புள்ளிகளுடன் புள்ளிப்பட்டியலில் முதலிடத்தை பிடித்துள்ளமை குறிப்பிடத்தக்கது.
முழு நேரம் – அப் கண்ட்ரி லயன்ஸ் 6 – 0 நியூவ் யங்ஸ்
கோல் பெற்றவர்கள் – பெஞ்சமின் யோர்க் 1, மொஹமட் இஷான் 33, மொஹமட் ஆகீல் 36, மொஹமட் அஸாத் 43, மொஹமட் ஆகிப் 45+3, நவீன் ஜூட் 61ட் 61
>> மேலும் கால்பந்து செய்திகளுக்கு <<
