டெல்லி கெபிடல்ஸ் அணியின் உதவி பயிற்சியாளராக இயன் பெல் நியமனம்

புதிய பருவத்திற்கான (2026) ஐ.பி.எல். தொடரில் இங்கிலாந்து அணியின் முன்னாள் நட்சத்திர வீரர் இயன் பெல் டெல்லி கெபிடல்ஸ் அணியின் உதவி பயிற்சியாளராக நியமிக்கப்பட்டுள்ளதாக தெரிவிக்கப்பட்டுள்ளது.

>>T20 உலகக் கிண்ணத் தொடரில் இருந்து விலகும் வனிந்து ஹஸரங்க<<

அதன்படி இங்கிலாந்து அணிக்காக 118 டெஸ்ட், 161 ஒருநாள் மற்றும் 8 T20 போட்டிகளில் விளையாடிய அனுபவம் கொண்ட இயன் பெல், ஐ.பி.எல் தொடரில் பணியாற்றுவது இதுவே முதல்முறையாகும்.

2020 இல் ஓய்வு பெற்ற பிறகு, இங்கிலாந்து லயன்ஸ் மற்றும் இங்கிலாந்தின் 19 வயதுக்குட்பட்ட அணிகளுக்கு பயிற்சியாளராகப் பணியாற்றிய பெல்,  2024ஆம் ஆண்டு இலங்கை அணி இங்கிலாந்துக்கு சுற்றுப்பயணம் செய்தபோது இலங்கையின் துடுப்பாட்டப் பயிற்சியாளராகவும், 2023ஆம் ஆண்டின் உலகக் கிண்ணத் தொடரில் நியூசிலாந்து அணியுடனும் அவர் இணைந்து செயற்பட்ட அனுபவத்தினையும் கொண்டுள்ளார்.

அதேநேரம் தி ஹண்ட்ரட் தொடரில் பர்மிங்காம் பீனிக்ஸ் அணியின் உதவி பயிற்சியாளராகவும் அவர் காணப்பட்டிருக்கின்றமை சுட்டிக்காட்டத்தக்கது.

2026ஆம் ஆண்டுக்கான ஐ.பி.எல். தொடர் இந்த ஆண்டின் மார்ச் மாதம் தொடக்கம் இடம்பெறவிருக்கும் நிலையில் தொடரின் போட்டி அட்டவணை விரைவில் வெளியிடப்படும் எனக் குறிப்பிடப்பட்டுள்ளது.

>>மேலும் கிரிக்கெட் செய்திகளைப் படிக்க<<