இலங்கை வளர்ந்து வரும் அணி மற்றும் பங்களாதேஷ் வளர்ந்து வரும் அணிகளுக்கு இடையில் நடைபெற்ற உத்தியோகபூர்வமற்ற நான்கு நாட்கள் கொண்ட டெஸ்ட் கிரிக்கெட் போட்டி வெற்றித் தோல்வியின்றி சமனிலையில் நிறைவுக்கு வந்துள்ளது.
போட்டியின் நான்காவதும், இறுதியுமான நாளான இன்று, 182 ஓட்டங்களுக்கு 6 விக்கெட்டுகளை இழந்த நிலையில், ஆட்டத்தை தொடர்ந்த இலங்கை வளர்ந்து வரும் அணி, 244 ஓட்டங்களுக்கு சகல விக்கெட்டுகளையும் இழந்தது.
அஷேனின் அரைச் சதத்துடன் முன்னேறும் இலங்கை வளர்ந்து வரும் அணி
பங்களாதேஷ் வளர்ந்து வரும் அணிக்கு எதிரான ……
நேற்றைய தினம் ஆட்டமிழக்காமல் 57 ஓட்டங்களை பெற்று களத்தில் நின்ற அஷேன் பண்டார, அணிக்காக இறுதிவரை போராடி 85 ஓட்டங்களை ஆட்டமிழக்காமல் பெற்றுக்கொடுத்தார். இவருக்கு அடுத்தப்படியாக பின்வரிசை வீரர்கள் தங்கள் பங்கிற்கு சிறிய இணைப்பாட்டங்களை பகிர்ந்திருந்தனர்.
பங்களாதேஷ் அணியின் பந்துவீச்சை பொருத்தவரை, நயீம் ஹசன் அபாரமாக பந்துவீசி மொத்தமாக 7 விக்கெட்டுகளை வீழ்த்த, மறுமுனையில் சபிகுல் இஸ்லாம் 2 விக்கெட்டுகளை வீழ்த்தினார்.
இதன் பின்னர், 116 ஓட்டங்கள் என்ற முன்னிலையுடன் இரண்டாவது இன்னிங்ஸை தொடர்ந்த பங்களாதேஷ் அணி, 4 விக்கெட்டுகளை இழந்து 102 ஓட்டங்களை பெற்றிருந்த போது, போட்டி சமனிலையில் முடிவுக்கு கொண்டுவரப்படுவதாக அறிவிக்கப்பட்டது.
பங்களாதேஷ் அணியின் துடுப்பாட்டத்தை பொருத்தவரை மொஹமட் சயிப் ஹசன் ஆட்டமிழக்காமல் 40 ஓட்டங்களை பெற்றுக்கொள்ள, ஷகிர் ஹசன் ஆட்டமிழக்காமல் 25 ஓட்டங்களை பெற்றுக்கொண்டார். அத்துடன், அணித் தலைவர் நஸ்முல் ஹுசைன் சென்டோ 25 ஓட்டங்களை பெற்றுக்கொண்டார்.
இலங்கை வளர்ந்து வரும் அணியை சரிவிலிருந்து மீட்ட அஷேன், மதுவந்த
இலங்கை வளர்ந்து வரும் கிரிக்கெட் அணி மற்றும் ……
இலங்கை அணியின் பந்துவீச்சை பொருத்தவரை, சிறப்பாக பந்துவீசிய நிஷான் பீரிஸ் 43 ஓட்டங்களுக்கு 3 விக்கெட்டுகளை அதிகபட்சமாக கைப்பற்ற, அஷித பெர்னாண்டோ 19 ஓட்டங்களுக்கு ஒரு விக்கெட்டினை கைப்பற்றினார்.
பங்களாதேஷ் வளர்ந்து வரும் அணி மற்றும் இலங்கை வளர்ந்து வரும் அணிகளுக்கு இடையிலான உத்தியோகபூர்வமற்ற இந்த முதல் டெஸ்ட் போட்டியில் முதலில் துடுப்பெடுத்தாடிய பங்களாதேஷ் அணி 360 ஓட்டங்களை குவித்திருந்தது.
குறித்த முதல் இன்னிங்ஸில் அபாரமாக துடுப்பெடுத்தாடி 133 ஓட்டங்களை பெற்றிருந்த நஸ்முல் ஹுசைன் சென்டோ போட்டியின் ஆட்டநாயகனாக தெரிவுசெய்யப்பட்டார்.
இதேவேளை, இலங்கை வளர்ந்து வரும் அணி மற்றும் பங்களாதேஷ் வளர்ந்து வரும் அணிகளுக்கு இடையிலான இரண்டாவது உத்தியோகபூர்வமற்ற டெஸ்ட் போட்டி எதிர்வரும் 3ம் திகதி ஆரம்பமாகவுள்ளமை குறிப்பிடத்தக்கது.
cURL Error #:Could not resolve host: cricket-api.stats.thepapare.com>> மேலும் பல கிரிக்கெட் செய்திகளைப் படிக்க <<
