කාර්යය බහුල ජීවන රටාවත් සමඟින් ඔබට මඟ හැරෙන ක්‍රීඩා පිටියේ උණුසුම් පුවත් සංක්ෂිප්තව, සෑම උදෑසනකම ඔබ වෙත රැගෙන එන ලිපි මාලාව “ගෙවුණු දවස”.
පැතුම් ශ්‍රී ලංකාව බේරා ගැනීමේ සටනක
සංචාරක අයර්ලන්ත A ක්‍රීඩකයන්ගේ ආඩම්බරකාරී ඉනිම ඉදිරියේ ඇන්ජලෝ ප්‍රනාන්දු ශ්‍රී ලංකා පළමු ඉනිම වෙනුවෙන් ගෞරවනීය ඉනිමක් ගොඩ නැගූව ද එය ප්‍රමාණවත් නොවීම හේතුවෙන් දෙවැනි ඉනිමේ දී පැතුම් නිශ්ශංක ශ්‍රී ලංකා ඉනිම බේරා ගැනීමේ සටනට පණ දුන්නේ ය.
හම්බන්තොට මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන මෙම තරගයේ පළමුවෙන් පන්දුවට පහර දුන් අයර්ලන්ත ක්‍රීඩකයෝ තම පළමු ඉනිමට කඩුලු 8කට ලකුණු 508ක් ලබා ගනිමින් ප්‍රතිවාදී ශ්‍රී ලංකා ක්‍රීඩකයන්ට පන්දුවට පහර දීමට ආරාධනා කළ අතර ඔවුන් තම පළමු ඉනිමට රැස් කළේ සියලුම දෙනා දැවී ලබා ගත්තේ ලකුණු 303ක් පමණි.
සම්පූර්ණ වාර්තාව: ඇන්ජලෝ නතර කළ තැනින් පැතුම් පටන් ගනී
ආනන්ද විදුහල පරදා තෝමසුවන් ජය ගනී
පාසල් ක්‍රිකට් ක්‍රීඩකයින් අතර සිටින දක්ෂයින් සොයා යාම වෙනුවෙන් පැවැත්වෙන සිංගර් කුසලාන වයස අවුරුදු 19න් පහළ පළමු පෙළ පාසල් ක්‍රිකට් තරගාවලියේ තවත් තරග කිහිපයක් අද (15) ක්‍රියාත්මක වූ අතර එහි එක් තරගයකින් ආනන්ද විද්‍යාලය පරාජය කළ ගල්කිස්ස සාන්ත තෝමස් විද්‍යාලය ඉනිමක හා ලකුණු 95ක ජයක් වාර්තා කිරීමට සමත් විය.
සාන්ත තෝමස් විද්‍යාල පළමු ඉනිම – 354/8d (68.4): සිතර හපුහින්න 142, කලන පෙරේරා 54, රවිඳු ද සිල්වා 47, ඉයන් ප්‍රනාන්දු 45, ලක්ෂිත අමරසේකර 3/105
ආනන්ද විද්‍යාල පළමු ඉනිම – 114 (29.4): කනිෂ්ක රන්තිලකගේ 37, කලන පෙරේරා 4/32.
ආනන්ද විද්‍යාල දෙවන ඉනිම (F/O) – 145 (39.5): කමේෂ් නිර්මාල් 31, දමින්ද රෙෂාන් 27, චාමික ගුණසේකර 26, සුදීප අගුළුගහ 25, ශැනොන් ප්‍රනාන්දු 4/40, ඩෙලෝන් පීරිස් 3/58.
සම්පූර්ණ වාර්තාව: සාන්ත තෝමස් විද්‍යාලය සිය පාසල් ක්‍රිකට් වාර්තා පොත් අලුත් කරගනී
