ශ්‍රී ලංකා පාසල් ක්‍රිකට් සංගමය, ශ්‍රී ලංකා ක්‍රිකට් ආයතනයේ ද සහයෝගය ඇති ව සංවිධානය කරනු ලැබූ වයස අවුරුදු 15න් පහළ පළමු කොටසේ ක්‍රිකට් තරගාවලියේ 2025 වසරේ ශූරතාව දිනා ගැනීමට මරදාන සාන්ත ජෝසප් විද්‍යාලය සමත් වුණා.
කොළඹ ඩී. එස්. සේනානායක විද්‍යාලයීය පිටියේ දී (24) පැවැති අවසන් මහා තරගයේ ඔවුන්ගේ ප්‍රතිවාදීන් වූයේ රත්ගම දේවපතිරාජ විද්‍යාලයයි. එම තරගයේ දී ඔවුන්ට එරෙහි ව පළමු ඉනිමේ පහසු ජයග්‍රහණයක් ලැබූ සාන්ත ජෝසප් විද්‍යාලයීය ක්‍රීඩකයෝ මෙම ශූරතාව තමන් සන්තක කර ගත්තා.
ඒ වසර 15කට පසුව වීම විශේෂත්වයක්. අවසන් වරට සාන්ත ජෝසප් විද්‍යාලය මෙම වයස් කාණ්ඩයේ ශූරතාව දිනා ඇතිතේ 2010 වසරේ දී ඩිලාන් ප්‍රනාන්දුපුල්ලේ ගේ නායකත්වයෙන් යුතුව සම ශූරයන් බවට පත් වෙමිනුයි.
කාසියේ වාසිය දිනාගත් දේවපතිරාජ විද්‍යාලයීය නායකයාගේ ආරාධනාව අනුව පළමුවෙන් පන්දුවට පහර දීමට පිටියට පිවිසි සාන්ත ජෝසප් විද්‍යාලය තම පළමු ඉනිමට නියමිත පන්දුවාර 50 අවසානයේ කඩුලු 5ක් පමණක් දැවී ලකුණු 200ක් ලබා ගත් අතර ඊට පිළිතුරු ලෙසින් දේවපතිරාජ විද්‍යාලය තම පළමු ඉනිමට ලබා ගන්නේ සියලුම දෙනා දැවී ලකුණු 72ක් පමණයි.
සාන්ත ජෝසප් විද්‍යාලයීය වයස අවුරුදු 15න් පහළ කණ්ඩායම
ඩිහේන් ජයතිලක (නායක), මොකිත තත්සිළු, නේතන් ද සිල්වා, තරුල් සොයිසා, චේතින කාවින්ද, තිසඟ පෙරේරා, සංතෝශ් ජයප්‍රකාශ්, නිවේන් ඇලෙක්සැන්ඩර්, සවිඳු පෙරේරා, අනුදල ප්‍රනාන්දු සහ රෝශධ පෙරේරා (කඩුලු රකින්නා).
දේවපතිරාජ විද්‍යාලයීය වයස අවුරුදු 15න් පහළ කණ්ඩායම
සංජිත ප්‍රේමලාල් (නායක), නිකේශ් ලසිඳු, පිනිඳු නෙත්සර, සිනෙත් මධුසංක, දියත් සංජිත, ලිනුවර සත්විඳු (කඩුලු රකින්නා), දෙනුවන් යෝසිත, ප්‍රබෝද හසරැල්, දෙනෙත් පැහැසර, අදීශ ගෞතම්, දෙනෙත් දිනුක සහ සනිඳු සිනෙත්.
- කොදෙව් යන යොවුන් බලඇණිය නම් කරයි
- දේවපතිරාජ – සාන්ත ජෝසප් අවසන් තරගයට
- රත්ගම දේවපතිරාජයන් 17න් පහළ ශූරතාව දිනා ගනී
- කෙනුල් සහ රනුක් ශතකලාභීන් අතරට
- ජපන් ක්‍රීඩකයෝ සිව් වැනි ජයත් ලබයි
තරගයේ පළමුවෙන් පන්දුවට පහර දුන් සාන්ත ජෝසප් විද්‍යාලය වෙනුවෙන් වැඩිම ලකුණු ලබා ගත් පිතිකරු බවට පත් වූයේ අවසන් පූර්ව තරගයේ දී ද අර්ධ ශතකයක් ලබා ගත් චේතින කාවින්ද. ඔහු මෙම තරගයේ දී පන්දු 138කට මුහුණ දෙමින් හතරේ පහර 4ක් සමඟින් ලකුණු 92ක් ලබා ගත්තා.
ඔහුගේ ඉනිම අතර තුර දී ඔහු 2 වැනි කඩුල්ලට මොකිත තත්සිළු සමඟ එක් වෙමින් ලකුණු 42ක සබඳතාවක් ද, සංතෝෂ් ජයප්‍රකාශ් සමඟ එක් වෙමින් 3 වැනි කඩුල්ලට ලකුණු 93ක සබඳතාවක් ද සහ තිසඟ පෙරේරා සමඟ එක් වෙමින් 4 වැනි කඩුල්ලට ලකුණු 54ක සබඳතාවක් ද එක් කරනවා.
එහි දී මොකිත තත්සිළු පන්දු 55කට මුහුණ දෙමින් හතරේ පහර 3ක් සමඟින් ලකුණු 20ක් ද, සංතෝෂ් ජයප්‍රකාශ් පන්දු 80කට මුහුණ දෙමින් හතරේ පහර 4ක් සමඟින් ලකුණු 40ක් ද සහ තිසඟ පෙරේරා පන්දු 27කට මුහුණ දෙමින් හතරේ පහර 2ක් සමඟින් ලකුණු 24ක් ද ලබා ගත්තා.
කඩුලු දවා ගැනීමේ දී අදීශ ගෞතම් ලකුණු 34කට කඩුලු 2ක් දවා ගත් අතර ඊට අමතර ව දෙනෙත් දිනුක කඩුල්ලක් දවා ගත්තා.
පිළිතුරු දේවපතිරාජ ඉනිමේ වැඩිම ලකුණුලාභියා වූයේ ලිනුවර සත්විඳු. ඔහු පන්දු 30කට මුහුණ දෙමින් හතරේ පහර 3ක් සමඟින් ලකුණු 20ක් ලබා ගත් අතර ඊට අමතර ව පිනිඳු නෙත්සර පන්දු 20කට මුහුණ දෙමින් හතරේ පහර 2ක් සමඟින් ලකුණු 11ක් ලබා ගත්තා.
අනෙක් කිසිදු පිතිකරුවෙක්ට ඉලක්කම් 2 ලකුණු සංඛ්‍යාවකට පිවිසීමට ඉඩ ලබා නොදුන් සාන්ත ජෝසප් විද්‍යාලයීය පන්දු යවන්නන් අතුරින් ගයාශ ප්‍රනාන්දු ලකුණු 8කට කඩුලු 3ක් දවා ගනිමින් ඉනිමේ හොඳම පන්දු යැවීම වාර්තා කළා.
ඊට අමතර ව සවිඳු පෙරේරා ලකුණු 21කට කඩුලු 3ක් ද, තිසඟ පෙරේරා කඩුලු 2ක් ද සහ දේහින් ජයතිලක සහ නිවේන් ඇලෙක්සැන්ඩර් කඩුල්ලක් බැගින් ද බෙදා ගත්තා.
තරගයේ කෙටි ලකුණු පුවරුව
- සාන්ත ජෝසප් විද්‍යාලයීය වයස අවුරුදු 15න් පහළ කණ්ඩායම – කඩුලු 5ක් දැවී 200 (50.0) මොකිත තත්සිළු 20, චේතින කාවින්ද 92, සංතෝෂ් ජයප්‍රකාශ් 40, තිසඟ පෙරේරා 18, අදීශ ගෞතම් 2/34
- දේවපතිරාජ විද්‍යාලයීය වයස අවුරුදු 15න් පහළ කණ්ඩායම – පළමු ඉනිම සියලුම දෙනා දැවී 72 (27.5) ලිනුවර සත්විඳු 20, තිසඟ පෙරේරා 2/15, ගයාෂ ප්‍රනාන්දු 3/08, සවිඳු පෙරේරා 3/21
තරගයේ විසඳුමක් නෑ. (සාන්ත ජෝසප් විද්‍යාලයීය වයස අවුරුදු 15න් පහළ කණ්ඩායමට පළමු ඉනිමේ ජය.)
දෙස් විදෙස් ක්‍රීඩා පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම.
>> තවත් ක්‍රිකට් පුවත් සඳහා පිවිසෙන්න <<
