ஜப்னா கிங்ஸ் அணியில் இணையும் இரு புதிய வீரர்கள்

இம்முறை லங்கா பிரீமியர் லீக்கில் (LPL) ஜப்னா கிங்ஸ் அணியானது தமது வீரர்கள் குழாத்தில் இரண்டு புதிய வெளிநாட்டு வீரர்களுக்கு வாய்ப்பு வழங்கியிருப்பதாக கூறப்பட்டிருக்கின்றது.

இரண்டாவது டெஸ்ட் போட்டியின் இரண்டாம் நாளில் மழையின் குறுக்கீடு

LPL தொடரின் நடப்புச் சம்பியன்களாக காணப்படும் ஜப்னா கிங்ஸ் அணி இந்தமுறை தொடரில் விளையாடுவதற்காக பாகிஸ்தானின் சகலதுறைவீரர் சொஹைப் மலிக் மற்றும் ஷமான் கான் ஆகியோரினை ஒப்பந்தம் செய்திருந்தது. எனினும் இந்த வீரர்களில் சொஹைப் மலிக் LPL தொடரின் முதல் சில போட்டிகளில் ஆடமாட்டார் என்றும், ஷமான் கான் சொந்த காரணங்கள் காரணமாக LPL தொடரிலிருந்து விலகியிருப்பதாகவும் கூறப்பட்டுள்ள நிலையில் இந்த வீரர்களின் பிரதியீடாக இரண்டு வெளிநாட்டு வீரர்கள் புதிதாக அவ்வணியில் உள்வாங்கப்பட்டிருக்கின்றனர்.

புதிதாக உள்வாங்கப்பட்டுள்ள வீரர்களில் பங்களாதேஷினைச் சேர்ந்த தௌஹீத் ரித்தோய் முதல் வீரராக அமைய இரண்டாவது வீரராக தென்னாபிரிக்காவினைச் சேர்ந்த வேகப் பந்துவீச்சாளர் நன்ட்ரே பேர்கர் அமைகின்றார்.

இந்த வீரர்களில் தௌஹீத் ரித்தோய் ஜப்னா கிங்ஸ் அணியில் சொஹைப் மலிக்கின் பிரதியீடாக மாறி தொடரின் முதல் சில போட்டிகளில் ஆடுவார் எனக் கூறப்பட்டிருக்கின்றது. அதோடு, நன்ட்ரே பேர்கர், ஷமான் கானின் பிரதியீடாக மாறியிருக்கின்றார்.

இங்கிலாந்து அணிக்கு எதிராக ஒருநாள் போட்டிகளில் அறிமுகம் பெற்றிருந்த 22 வயது நிரம்பிய தௌஹீத் ரித்தோய், அறிமுக ஒருநாள் போட்டியில் அதிகூடிய ஓட்டங்கள் (92) பெற்ற பங்களாதேஷ் வீரராக காணப்படுவதும் குறிப்பிடத்தக்கது.

டெஸ்ட் கிரிக்கெட்டில் ஸ்டுவர்ட் பிரோட் புதிய மைல்கல்

மறுமுனையில் இந்த ஆண்டு பங்களாதேஷ் அணிக்காக T20I அறிமுகமும் பெற்ற ரித்தோய் இதுவரை 7 போட்டிகளில் விளையாடி 135.65 என்னும் ஓட்ட வேகத்தினை வெளிப்படுத்தியிருந்தமையும் குறிப்பிடத்தக்கது.

அதேநேரம், இடதுகை பந்துவீச்சு சகலதுறை வீரரான நன்ட்ரே பேர்கர் தென்னாபிரிக்காவின் உள்ளூர் லீக் தொடரான SA20 தொடரில் ஜோபேர்க் சுபர் கிங்ஸ் அணியினை பிரதிநிதித்துவம் செய்த அனுபவத்தினைக் கொண்டிருக்கின்றமை குறிப்பிடத்தக்கது.

இந்த ஆண்டுக்கான லங்கா பிரீமியர் லீக் தொடர் இம்மாதம் 30ஆம் திகதி ஆரம்பமாகவுள்ளதோடு தொடரின் முதல் போட்டியில் ஜப்னா கிங்ஸ், கொழும்பு ஸ்ட்ரைக்கர்ஸ் அணியினை எதிர்கொள்ளவிருக்கின்றமை குறிப்பிடத்தக்கது.

>>  மேலும் பல கிரிக்கெட் செய்திகளைப் படிக்க <<